今日本來係去行山，因天雨關係改為去食晚餐。
又係去返返工的地點中環！
朋友揀了一間比較懷舊的餐廳~來佬餐廳
釀肥蓋真係無得頂，好香，又鮮味。仲食了一個用酥皮包住的牛扒，好特別。
食完晚飯過左隔離蘭桂芳飲野，揀左一間比較靚的酒吧~Post 97 飲野傾計，點知到了十點間餐廳又開了好大的聲的音響，太嘈頂唔順走了！
2015年8月23日 星期日
深圳美食停不了
今日係起深圳全天活動，真係行到好攰！
講左去深圳食辣好耐，今日終於都出發。約了11點於羅湖東亞銀行等，今次係我前所未有的早到10:45就去到，人算不如天算，竟然有朋友11:00am仲起荃灣-_-#。
她已經飛的，但一等再等最終都等到11:45am。成個行程時間被拖延……
上次申請了國內的自助過關，今日就試用了，感覺好兒戲，唔見得過關會特別快！我而感覺自助過關仲慢過人工過關。
去到深圳第一件事就係去食午飯。按原定計劃去巴蜀風食川菜。
地址：深圳福田區振興路7路桑達小區405棟
交通: 乘地鐵往科學館站B 出口 (由B出口行過去都幾遠約須12分鐘)
因為我地4個都係路痴，沿路須要不斷問人點去！深圳實在係太大，出了B出口一直往前方行，直到見到有個路牌寫住往振興路的方向右轉，再直行，當見到派出所，再右轉，餐廳就在街尾，唔難搵，但係距離B出口確實有點遠。
一直都以為可以於巴蜀風食到好辣的川菜，最後都係一點兒都唔辣……
個泡茶都幾特別有菊花、杞子、紅棗及甘草。
酸辣粉好香麻味，雖然唔辣但都好味。
四個人點了5款食物都只係RMB200，平均每人都係RMB50，好抵~~
食完午餐時約兩點，比起原完時間遲左一個鐘，因為約左屋企人起東門等，所以有少少心急，今次不得不賺自己犀利，我竟然認得條路自己一個人行去科學館站搭地鐵去老街。
我們相約老街D 出口等，一上到去係萬象城，商場內是國際知名品牌，如果見唔到簡體字，真係好難擦覺我再正身處國內。
起國內都有B Duck，而我又唔知點解見到個鴨仔背囊就愛不釋手，個背囊係防水，去旅行用就岩晒，個刻都唔知點解唸都無唸就付款，背囊折左RMB338，計返做港幣又好似有少少貴，買左就算啦，買個刻係好開心家嘛！
呢個背囊係我見到即刻買左，係咪好靚呢！
國內好流行團購，即買即用，又唔須要列印coupon，真係好方便，一個抹茶甜筒都只係RMB1，雪糕好凍，味道又無滑，唔太甜 ，真係好好味!
RMB1一個甜筒，比起麥當奴的軟雪糕仲要好味，仲要平。
是日晚餐餐廳: 79號漁船
地址：深圳寶安南路1054號，湖北寶豐大廈首層 (交通銀行旁，萬象城Gucci對面)
交通：大劇院站F出口，出口正面係書城，右手邊係交通銀行。出口轉右直行，去到一個路口轉左，直行到尾就會見到萬象城，穿過商場，可以去information問Gucci起邊，餐廳就起Gucci對面。
http://m.dianping.com/shop/22072305
晚餐5個人食每人只係RMB142，亦都係我第一 次起深圳食的最貴一餐
餐廳內有好多新鮮的海鮮，只要挑選好自已想食的海鮮，再話比職員知點解就可以了!
食完晚飯，又係去食甜品的時間，去返上次去過個貓山王甜品~四季榴槤，今次食榴槤雪糕RMB10一小杯，好香榴槤味，好正
店位於老街站G出口，出口轉右，直行，就會見到間店再橫過一條馬路，好近！
Fraiche auto eyebrow
Fraiche 筆眉係我之前學化妝時MISS介紹我用的廉價化妝品，一支眉筆都只係$20，一支點都可以用上半年。
Fraiche auto eyebrow 有3隻色，而我就學得 "24 Brown" 呢隻色比較適合亞洲人，太深的啡色及灰色如果唔識畫會搞到好似黃小虎，所以自然的啡免望起上嚟又自然，"24 Brown"呢隻晚係不二之選 !
2015年8月21日 星期五
開心買鞋，平平淡淡都要買鞋
廣告話開心買鞋、唔開心又係買鞋，今日平平淡又係買鞋 ∪･ω･∪
我真係Dr. Kong忠實粉絲！上兩星期前買左對黑色平底鞋係我著過的鞋最舒服的一雙。
今日又心思思我睇我上次睇中個款杏加橙平底鞋，一試又愛上。呢款唔及我上次買的3E、4E款咁舒服，但真係不敵靚！
做緊優惠買第二對半價，點會唔買多對囉而獲得最大的優惠呢？＼(^o^)／
涼鞋好耐都無著過，因為姆指外翻自己覺得著涼鞋唔好睇，所以好多年都無買過涼鞋！
但今次買呢款涼鞋係我夏初時已經想買的款式，只是多次考慮姆指外翻的問題而放棄……為了個半價優惠今日又試對涼鞋上腳，上腳都唔係咁差，對鞋個款包得個姆指外翻位好好，既然咁好就帶埋佢返屋企了！
值得一讚係Dr. Kong 鞋款已經走向時尚，貼近潮流，鞋更越來越舒適。
杏色平底鞋$499 （特價款）
窩釘厚底涼鞋$399 （特價款，半價後$199）
2015年8月14日 星期五
2015年8月9日 星期日
Hea 遊東莞
又係美食之旅，今次參加永安旅遊兩日一夜美食團~團號HVV02X，朋友揀左這條酒店路線，行程只係得一個景點，純粹唸住離開香港休息下真係唔錯。
食完午飯就返酒店休息，今日入住的酒店位於虎門~東莞豐泰酒店。酒店遠離巿區，周邊有少量的店舖，沒有夜市之類。
酒店房間好大且舒適，而我們的房間是面向酒店園景/泳池。酒店內有足沐，KTV，泳池，健身室。以上總總都唔岩我，瞓覺就最好，我一返到酒店就大昏迷，瞓足一日好滿足。
朋友對今次的行程有少少微言，其中一位朋友對這個沒行程的活動，感到無聊，呢d真係好個人。
食物方面質素都好好，由其係第一餐到的燒雞又香又滑！
酒店的自助晚餐亦有海鮮供應，長腳蟹無蟹味，凍蟹及凍蝦就好好味，唯一不足之處係酒店較少補充食物，好多款食物拎完第一轉就無晒。
全個行程唯一一個景點係荷蘭花卉小鎮，荷蘭花卉小鎮主要售賣植物、鮮花、種子、肥料、花盤等……對我咁鐘意花卉的我，行呢個地方顯得份外開心，雖然我無買到任何植物，但我都係開心，因為可以見到好多植物。
兩日一夜的行程到此完滿結束，約下午4時返到羅湖解散。
團費$498、導遊費$120
蜜蜂採蜜中
粉紅色的雞蛋花
酒店外觀
酒店泳池
酒店望出的泳池景
晚餐~海鮮自助餐
終於都試到朋友介紹的蒙牛芒果口味雪泥
2015年8月6日 星期四
2015年8月5日 星期三
舒適平底鞋
廣告話著鞋要舒適要揀Dr. Kong，我自已著左Dr. Kong不經不覺得已經有8個年頭，近這幾年睇到Dr. Kong鞋款的轉變，仲記得Dr. Kong鞋款初初由老土款走向trendy，初時Dr. Kong的鞋售價比較平大約$300左右，但鞋的質量就一d 都唔好，著得半年左右就已經爛。
今時今日Dr. Kong的鞋已經越嚟越貴，圖右下角個款已經賣到接近$900。不過貴還貴，近這一兩年出的鞋款質量已經好了好多！
每次試鞋店員都會講，小姐你姆指外翻好嚴重，但又可以點呢？由細到大都係咁，我自己都睇慣、習慣了……
因為有姆指外翻的關係，所以我今次買左3E & 4E系列的鞋，3E & 4E著上腳更舒服！
價錢係貴左少少，但都物有所值，雖然個款就平凡左少少，又唔係咁多靚，只要唔刮腳又著得舒服就好了。
現在做緊推廣，買第二對可以半價，最後買了兩對回家。
原來年紀大了，有些事情是不經不覺間變了，就好似買鞋，以前我唔會買呢類顏色的鞋，我自己偏向彩色，感覺上活潑少少，但現在……
4E鞋款真係超舒服，又柔軟，行足一日又唔攰，完全唔刮腳，這款鞋比起我一向著開的鞋更舒服，更好著……
黑色平底鞋$869 （新貨無折）
藍色平底鞋$599 （特價款，第二對半價後$299）
這兩雙鞋子係我試過而沒有買，左上角係我買左同款另一隻色，因為實物隻色有d奇怪。
訂閱：
文章 (Atom)