Canmake Covering Powder

一盒碎粉可以用上一年，所以好唔容易先至用完一盒。

到用完一盒之後又頭痕要買邊個品牌好，因為就快生日，而生日月份去購物可以有優惠，所以我決定買開架品牌Canmake，平平地一小盒，$92不過盒上無標示重量。我唸大概有10g 左右。

去到都揀左好耐，都唔知買邊款好，最後左揀右揀我就買左呢款有03號色，有少少珍珠粉末搽上面帶有微閃，有光澤感，粉末並唔係太幼滑，但唔會click 粉。碎粉有少少乾，呢個季節用都ok。

貝澳~摸蜆

上次去土耳其時認識了團友Katrina，估唔到去旅行識到的團友可以成為朋友，仲一齊出去玩添，今日去左貝澳摸蜆，我都係第一次玩，見佢地起岸邊掘到蜆，而自己一隻都摸唔到時個感覺有點而失落，當摸出第一隻時個感覺好興奮，再摸到隻超大隻 (有成隻手咁大) 的蜆時真係超級開心！

原來起海中摸到的蜆係超大隻，不過成日都有浪湧埋嚟都幾難摸到蜆，而佢地話起海中摸蜆係靠隻腳，仲要起海中掘出一個好深的洞先至可搵到大蜆。

今日收獲好豐富，個個都滿載而歸，拎住好大隻的蜆回家。唔講唔知原來大蜆的當造季節為每年七月至十月。每逢農曆初一及十五、潮退位置低於１米或以下，就是摸蜆的好時機。摸蜆沒有特別的技巧只係睇當日有無運氣而已！

交通方面：可於東涌市中心乘搭3M 在杯澳公立學校下車。

今日的收獲~主要摸到平時食開好細的蜆...這些蜆叫沙白！

Book fair 2014

今年又為左去書展訂雜誌而入去書展，本來唸住星期六早上入場，一來可以行足全日，二來星期六、日早上入場，入場費只係$10，星期日早上就太多人了，不過上個星期六要拎部電話去整，所以最後都去唔到。

起討論區見人話今年書展送的禮物一點兒也不吸引，本來唸住放棄今年唔去書展，點知今日又無乜野做，所以準時少少放工去書展，可能書展都接近尾聲，今日入去又唔係好多人，而我一入場就拎左個地圖搵我要去的書攤，今次好叻女第一次自己睇地圖成功搵到我要去的地方！

第一時間去ELLE訂雜誌，今年ELLE送的禮品同往年一樣都係唔吸引，但係送的禮品的價值比起訂書價值為高，所以我都唔理得咁多揀左好實用的Syoss全系列洗頭水產品(價值$450)及Organic Natralox面霜 (價值$460)，而這兩份禮品總值超過$900，而訂雜誌都係$310，我自己係續訂戶所以職員再送多一set YMCK 海洋膠原醣原再生修護潤手霜連指甲挫 (價值$400)，雖然今年訂雜誌比起上年貴左，不過送的禮物又多左。抵！

今年再訂左一本雜誌Jessicacode要訂兩年，但送的禮品好吸引，就連送的福袋內的禮品我都好鐘意。今次揀左Osiao Rejuvenating Enriched Cream 價值$1,260。估唔到今年咁遲入去都可以換到一份咁貴的禮物，不過呢本雜誌係無任何訂閱折扣優惠，兩年+電子版$390，like facebook 獲得$30 coupon ,減左之後$360。

臨走時都想買返少少書返屋企睇，岩岩入書展見到Nick 的書，因為得7折同埋唔杙咁早就拎住d 書，唸住走時先買，們走時又搵唔返個書攤，本來唸住買緣，唯王知走時又見到另一個書攤有得買，仲要有齊四本註作加上仲要係六折深深感受到主的預備，而今次用左一本書的價錢$150帶走了兩本書。hope that experience more and more from him!

  

懶洋洋的鴿子

風和日麗，天氣放晴第一次見到懶洋洋的野鴿在晒太陽，感覺既得意又可愛。

下一站......

話咁快又過左一個月，越來越無心工作，總係覺得做人好兒戲，今日可以好有活力有說有笑的時候，可能轉眼間返了天家，既然人無法掌管自己的命運，倒不如及時行樂......

下一站~~~雖然無好正式咁為自己安排下一個旅程，但總會突如其來有人搵我去旅行，今之係我今年第四個trip，係咪去得密左少少呢，但其咁唸啦，我年頭兩個trip 係用上年的budget，用今年budget 只係去左兩次旅行，仲要兩次都係去東南亞，都唔係用左好多錢！

今次的旅程搞到有少少不愉快，因為其中位朋友又想一齊去但自己又無假，初時個出發日期已經確定，本來係唸住去越南，但後來佢自己唔想去又起度搞搞震，話越南危險，既然都決定左下去唯有再改過個目的地，人或者係自私總係想就自己，明明講好左八月出發，但自己又走去搵九月出發的旅行團，而所揀的時間係大家都唔得，令到我覺得好煩！

之後又話公司未必批到佢放假，而我從另外一個朋友口中得知原來佢係覺得去馬來西亞會浪費左佢個假期，所以唔想去但又唔講清楚。其實唔想去講清楚就可以我根本都唔會介意，反正我都習慣左一個人去旅行，依加搞到好似我迫佢同我地一齊去旅行咁……唉。

最後我決定非起佢，依加三個人出發，雖然單丁左一個出廿嚟，但係我地都三個都係心急人，所以心急鬥心急終都成行了。

生活其實好簡單，開心就可以了！！！

紙糊熊貓佔領中環

近來拖著疲倦的身軀返工，返工的步伐變得越來越沉重，厭倦工作無奈又要繼續下去……

今日返工的途中行到去置地見到一隻隻好可愛的紙熊貓即時眼前一亮，收起疲倦的身驅，九秒九拎部電話出嚟影低可愛的紙糊熊貓，這些紙糊熊貓由法國藝術家Paulo Grangeon為香港設計的，展出期至03/08/14。

行到去公司樓下見到仲有一大堆紙糊熊貓，於事又好興奮咁係咁影影影，如果日日返工都係咁就好啦！

旅行化妝掃

化妝掃我有一大堆，平的貴的都有用，都係個句好用就ok,平、貴、名牌我都唔介意。

今次這set 掃係elle magazine送，其實呢本雜誌真係好抵買，每期都會有贈品，雖然本書以廣告居多，但係入面好多最新的潮流資訊。上次起書展訂左年刊，又有贈品送，送的贈品仲貴過訂閱價，今年都要再入去書展訂至得。

講返呢set 掃見到就超鐘意，因為個size 好正拎去旅行用又唔會太大件，而且一set 三件有眉/眼線掃、眼影掃、胭脂/碎粉掃，除左胭脂/碎粉掃的質感較差外，其餘兩支都ok,帶佢地去旅行真係方便。

蛇紋平底鞋

自從學識左淘寶之後真係好大鑊!!

日日都走去淘寶shopping，因為足不出戶、無時間限制都可以買到自己的心頭好，真係超級幾方便。

早幾日淘左小小飾物返嚟，經過我一輪的計算，仲唸住好抵啦，誰不知買家用順豐速運，貨品送上門要多收$18，我對此事耿耿於懷，於係咁我決定少D淘，多D上街買我的至愛！

呢對鞋本來已經起淘寶搵到韓國代購，但係唔平、又要等兩個星期先至訂到，再加上要比埋高昂的運費，所以唸左好耐都無買到。

今日出街終於都比我搵到啦只係$110，仲要有得試，即買即有，其實識得搵香港都以買到平野，都唔須要起淘寶買啦！

其實我並唔係一個好奢華的人，最緊要買得開心、著得開心……$110平到我自己都唔信，呢個款絕對比得上平時起利時買的款式，如果起利時買最少都要$350，我足足慳左$240，呢對街平平地粗著一季都抵啦！另外，今日仲買左一條民族長裙$149，呢款長裙我想買好耐，但次次都搵唔到一款我自己鐘意的，今日見到幾鐘意唸住又唔係好貴，即刻比錢買左啦，等我仲以為自己買到平野，點知最後我見到另外一間賣$109，又買貴左添.....

淘寶~飾物篇

上個月去左利時買衫，一買就買左成三千蚊，直係覺得自己有少少瘋狂……

其中一件的小飾物賣成三百蚊，於是我自己試下起淘寶搵，點估真係比我搵到，仲要係十分一的價錢，經過我計過數之後，我算得買多幾款比埋運費都抵。

今次買左十件飾物加埋連埋RMB30的運費及3%的行政費總共RMB151.45。起利時買一條鏈都要$299所以覺得好平。

即時比錢買了呢堆飾物回家，超快的速度收到貨星期一訂星期三收貨。因為賣家用順豐速運送到屋企所以要再比多$18運費，呢$18的運費令成件事都唔同晒，個成本高左好多!

打開包裝見到飾物好靚，但唯一不滿係有三條鏈須要自行用箝修理，不一分錢一分貨，不能期望太多。

整體上今次淘寶的物品好滿意，至少實物同圖係一樣。

今次的賣家係：新亞新商城韓國飾品

Tonymoly Intense Care Snail Foam Cleanser

好耐都無update 過個關於護膚的資訊，無他因為已經無乜心機再寫。

Blog 只係為記錄我自己生活上的鎖碎事，但漸漸地再無動力更生下去，希望懶惰的我可以改變一下。

已經有一段時間係用清水洗面，因為太強力的潔膚產品都係唔適合我呢類乾性皮膚，偏偏我就有一支Tonlymoly 的贈品 (係年初時去韓國shopping時的贈品)，唸住用得唔好嘥，見夏天面部分洗的油份比較多，所以洗面膏可以出動!!!

儘管夏天油脂分泌旺盛，但係用呢個洗面膏都係覺得有少少乾，唔係咁岩我用，只要用好小的份量就可以開到好多泡，我都係會用返水洗面比較適合我。

小米行動電源線（10400mAh 版）

早幾個月前小米電話好hit 千圓左右就可以有一部電話，所以好多人都峰擁咁去買。


而我就沒有買這部小米電話，而細佬見呢個小米外置叉電器好平所以買左一個比我，不過呢個外置叉電器容量比較大所以都幾重下，我自己只會去旅行時先至帶佢去，因為去旅行時會影好多相仲可以用埋佢嚟為相機叉電，方便！

Kiss Me~Heroine Make 立體細筆持久眼線液

眼線係我每日必畫的一個部份，所以我有的眼線筆 / 液真係多到不得，我唸每個人畫眼線都唔希望佢會溶，而我亦都唔例外！

 之前上網見好多人都話Kiss Me 呢款眼線液超好用，於是我又唔執輸買嚟使下，價錢好大眾化$72。

這款眼款液是特強防水配方，抗淚水、汗水及油脂連搓眼睛亦無懼溶妝。可惜的是希望越人失望起大，我自己唔係油眼人，但係炎夏的天氣竟然有少少溶，我真係接受唔到，當大家講到呢支眼線有幾好，而佢並沒有起我眼上出現......

最後我發現要起眼蓋多掃少少碎粉，先至起用Kiss Me 眼線液就唔會溶，眼線液好實色，而眼線個掃又係滑，好容易可以將眼線拉長，用嚟勾畫尖幼的眼線最佳！

 到目前為止我依然鐘情台灣品牌~Solone的眼線筆，全日無溶、價錢平民化香港買都係$40左右，Solone 係我近來的大愛~~~