淘寶 ~ 再訂Pekkke 保護套

上次訂的電話保護套真係好靚，所以我又忍唔住再訂多一批，不過人民幣咁貴所以都係忍下手。

我相信我係用唔晒d 保護套，但為了share 個運費所以要訂多幾個先至抵，我計過連埋人民幣25運費，訂三個折返做港幣都係200左右，呢個價錢起香港只係可以訂制到一個仿皮保護套，依家同一個價錢有三個殼，仲送三個保護貼，真係好抵，不過呢個賣家用的速遞公司送貨超慢，件件明明三日前到左香港但就今日先至派到屋企，仲要又係入夜先至送到……

淘寶~Pekkle S5 保護套

第一次淘寶，失望......

因為換了新電話，所以四出搵件靚衫比部電話著，於FB 見到有人話於淘寶可以訂購個人化的電話套 (提供圖片給賣家印制)，於是心私私托屋企人代訂，誰不知等了一星期還未幫我訂，心急的我唯有膽粗粗自己試下啦。

提供了圖片給賣家後，賣家會起一個印制後的版給我看，如果OK 先至落單，所以咩圖片的可以做到，而我當然選擇我最愛的pekkle。

上星期五訂，賣家星期日寄給我，星期三晚上才收到！

打開速遞包時好開心，因為產品包裝精美，但當我拎晒所有訂購品出來，發現少了一件貨品......

因為第一次用淘寶，真的不太清楚淘寶是如何運作的！

發現少了一件貨品心裏又少少不憤氣，即時與客服聯絡，賣家堅稱所有貨品已經寄出，不作任何讓步，小店還說因寄香港運費比較貴所以發貨時再三確定貨品已經寄出。

一個保護要人民幣69，都不算大貴，但少了一個又心有不甘，再三的理論都沒有結果......最後的結論可能是速遞方面出了問題。

電話套印制的圖案精美，不過這個套不是原裝電話套，所以電話套的休眠視窗功能未能運作--->真的是電話套質量的問題！

本來唸住收到第一批電話殼後，會再之訂購，如此是否雖要放棄呢？
今日賣家終於都作出了讓步，其實我只係要求退款我少收了的貨品，賣家了解我的意願，初時只係唸住補發貨品，因為我是第一次用淘寶，所以希望得到更大的保障，賣家都明白，所以願意退款，退款過程好順利，於淘寶申請退款，賣家確認後即時收到退款信息。不過退款過程會蝕了手續費及人民幣差價....
淘寶賣家：智優樂數碼

臭臭果 ~ 榴槤

都唔知已經有幾多年無食過榴槤，突然之間好想好想食，不過放工後去超市買又好貴。

呢個係起街市買係爸爸知我想食而特登去街市買比我食的，唔算十分大個，但好好味，$50個好抵食。

突然間好想去檳城食個夠……

張家界之旅

又係一個無乜預算的旅行，本來都無唸過可以去得成今個trip，估唔到咁都約到朋友一齊去，雖然唔算得上係一個美滿意的旅行，但係有6日的假期可以離開香港都算係咁啦，希望有一個愉快的旅程。

譚木匠~刮痧板

自從做過一個通淋巴的療程後，我自己就唸到這類療程可以自己於家中做，只要買一塊刮痧板就可以!

刮痧板要買用牛骨做成的為佳，我自己又唔識，所以揀左個有少少知名度的品牌~譚木匠，一塊刮痧板都幾貴要$168。而家我用佢呢刮腳多，呢塊刮痧板好受力都幾好用。

L'oreal Sparkling Visible Color With Hi-shine Complex ~ P66

自從自己識得染髮之後，每當頭髮長了一點點就心私私想再染下頭髮。

不過染髮霜真係好傷頭髮，起未去到最差的情況底下我都唔想染得咁頻密……

3個月染一次對於我來講已經係最理想的時間。

雖然我自己都染左好幾次，但都未能夠掌握到染髮的技巧，希望染多幾次就掌握到有關的技巧。

我自己覺得L'oreal 的染髮霜效果及質地都係比較好，染完頭髮又有光澤及柔順。

我自己頭髮的顏色比較深色中，所以都係染唔到個盒上的顏色，不過白髮個位就好顯色，隻色本身真係好靚，可惜係我自己天生的外在條件影響左……