BVLGARI Omnia Coral

上一次買香水都已經唔知係幾時GE 事，早幾日發現瓶香水已經用完，可能噴香水已經係一個好指定的動作，每日出門口無做過呢個動作，個日就好似欠缺左一D野，個人有點兒坐立不安，所以都係快快手手咁去買返瓶。

買香水我多數都係會去卓悅買，因為佢售價比較平，而且有好多品牌可以選擇，今次買左我一路都好想試的BVLGARI香水，個瓶個設計都好似用左好耐，每次出新LINE 都係用呢個瓶的設計，不同的只係顏色及香水的味道唔同。唔知一瓶香水可以用到幾耐呢？

苦瓜黃豆排骨湯

上星期媽媽話天氣咁熱想飲苦瓜湯，苦瓜湯的功效能袪暑除煩，清腸胃濕熱。

今個星期就煲了苦瓜湯，老老實實苦瓜湯我就真係唔係咁鐘意飲，因為苦瓜有一種好獨特的甘苦味，呢種味道唔係人人都接受度，加上又唔係個個人都食得苦，平時涼瓜炒牛肉有D汁伴埋一齊食我就OK，但係湯就...

今次煲出來的湯味道都OK，唔係十分苦，味道尚可以接受。

材料：苦瓜、黃豆、咸酸菜、排骨

S617+ Blooming

呢盤S617+係由一盤花苗開始種，自從第一次開花之後 (已經係10年10月的事了)，經過我不斷的催殘，這盤花慢慢的開始萎縮，經過我一年半的悉心照料，終於都再始開花啦，而葉片的大少已經變得越來越大塊啦，今次開花的數量都唔少家，真係好開心！

Jenny Bakery

打風前席天氣別熱，熱得喘不過氣來，今日OT 完時間尚早，所以去左油麻地Jenny Bakery買曲奇餅，去到店外有好多人排隊買緊，到我買的時間心大心細都仲未決定買4mix 定係8mix 好，因為一盒曲奇只可以放一個月，如果買兩盒就會太多，放到過期都食唔晒，最後都係決定了買8mix，因為8mix 感覺上無咁肥。

之前起open rice 見到好多人讚Jenny Bakery的菠蘿汁好好飲，但就唔係成日都有得賣，我一見到已經好開心，因為可以試下佢有幾好飲，眼見全部的菠蘿汁都雪到冰狀，因為我唔係即時飲用，所以都無乜問題，一瓶菠蘿汁$12，買二送一，平均都係$8，咁大瓶真係好平，仲平過平時起果汁鋪買的鮮榨果汁。一打開樽蓋已經聞到陣陣的菠蘿香味，入口酸酸甜甜，真係好好味。

之後仲見到有我至愛的南棗糕，有禮盒或散裝買，禮盒$100 (有28粒)，散裝$25/5粒，買個時我唔知邊款平d，不過唸住有個盒裝住靚靚地咁，同埋散裝得個5粒都滿足唔到我，所以我唸都無唸就買左禮盒散，Jenny Bakery的南棗糕都係手掣，入口唔係太甜，仲有啖啖的合桃肉。

店員見到我買菠蘿汁仲推介埋我買甜品，這裏的甜品都係季節限定，我本來都無興趣買，但心唸都係試埋啦，一年先得個幾個月有得買，我今次揀左芒果慕士$15，入口好creamy，食晒成盒好"流"，味道就普普通通。

8mix cookie $150/730g，實在係太大盒，因為屋企人唔鐘意食，所以自己食一盒有d 吃力...

 

花旗蔘雪耳蓮子百合湯

是日靚湯--花旗蔘雪耳蓮子湯，今次用左一兩 (兩朵) 雪耳，實在係太多，搞到煲湯好杰，下次要放少一朵，咁煲湯飲起來會無咁杰身，個口感會好D。

材料：花旗蔘、雪耳、蓮子、百合、圓肉、西施骨

Biore Watery Cleansing Liquid

某日放學去左行萬寧，無意中見到Biore 出左一隻新的卸妝油，見自己已經用左一段長時間價錢比較貴的卸妝油，所以今次用返隻價錢比較大眾化的卸妝油，這瓶卸妝油的容量比較多有230ml，價錢方面$84.90，付款時仲有一個指甲鉗送。

反轉個瓶身見到個介紹話這瓶卸妝油話可以用到3個月，平均一個用都個二、三十蚊，價錢方面真係好抵囉，至於卸妝方面，我自己係習慣左用埋卸妝油嚟卸眼妝，但係這個卸妝油唔係好適合用嚟卸眼妝，因為佢都係澀眼。卸妝都乾淨又唔會今到塊面好乾，但係澀眼就真係唔係咁適合我囉。

Pekkle 扇

近來Pekkle 出的產品少了好多，踏入炎炎的夏日，手上有把扇真係好適合，大熱天時，無一D降溫的產品分分鐘中暑都以有份，今年出這把扇的手柄比起上年個把長度已經改短，長度適中，放入手袋都好方便。

今次這款扇的設計無乜特別，係潛水pekkle，但係勝在顏色鮮明，好配合這個炎炎的夏日。唔知把扇係咪做緊特價，標價$11.90，付款時只係收$10.50。

Pekkle Chopsticks

經歷左幾個月每日返十六、七個鐘的沒完沒了的返工時間，今個月似乎已經有好日子過啦，今日算係正正式式叫做早左放工，不過都要八點先至放工，其實我正確的放工時間係六點，都唔知點解我條命咁苦，享受左幾年無OT 的時間，又要過返年幾沒完沒了的OT工作。

難得一天叫做早左放工，當然係要去shopping 一下買返一些我心愛的pekkle 產品慰值我自己啦，今次呢款筷子並唔係一d 咩新產品，都係上次套碗內的產品，只係將對筷子分開賣，見又唔係好貴$10.90一對，所以買了兩對來看門口。

猴頭菇合掌瓜無花果鮑螺湯

上兩個星期放假去左樓上買了一D 湯料，今個星期又可以用煲出一煲美味的湯水來滋潤一下。

材料：猴頭菇、合掌瓜、無花果、鮑螺、西施骨、瑤柱

Natura House 柑橘果防蚊滾珠液

又到左夏天啦！我自己係超惹野，所以每天都會四出搜尋一些比較出色的防蚊產品

之前用過兩個品牌的驅蚊產品覺得比較出色

所以今次決定再次回購 Natura House 柑橘果防蚊滾珠液

成份天然，加上氣味討好，我自己就超級鐘意這個氣味

不果佢加左價年幾前$120，今日去買已經要$140~50ml

但係好用都無值得的

Burt's Bees Bug Bite Relief

之前用開的舒緩蚊釘的產品已經過期，所以我又要唸下用咩品牌好，見之前用過Burt's Bees的產品都幾好用，加上成份亦較為天然，所以今年都繼續選用Burt's Bees，今次買的產品係 Bug Bite Relief，這個產品的氣味比較濃烈，我自己就唔係咁鐘意這個氣味，但係佢舒緩蚊咬的效果都好出色，這個產品除了可以舒緩蚊咬仲可以驅蚊添，一物二用，抵晒！

姬松茸黨參淮山杞子湯

因為昨天打風的關係本來是煲的湯的其中一款材料，街市沒有得出售，所以今日的湯水又作出了改動，今日的湯只係普普通通的藥材湯，又係姬松茸，無法買左一大包返嚟，仲有幾次先至煲晒，不過姬松茸係一種很好的抗癌食品，近來公司接二連三有同事患上癌症，真係有點兒擔心...

材料：姬松茸、黨參、淮山、杞子、圓子、瘦肉