龍鼓灘

天天陰陰估唔到都可以睇到日落，雖然並唔係醉人的景緻，但依然心存感恩！

龍鼓灘係一個好遙遠的地方，但為了今日的聚會，再遠都會去。BBQ燒海鮮真係好開心，由其是係燒扇貝，用牛油＆蒜蓉嚟燒，真係正到暈！

龍鼓灘海邊燒烤場位於屯門，坐起海邊燒烤都係比多$10，呢$10真係藉得比，坐起海邊吹吹海風，看著日落，真係好開心。

燒完野食再去食埋甜品，真的大滿足！

Real Techniques miracle complexion sponge

自從學左化妝之後我就用左即棄的粉卜~乾淨又衞生。

其實一直都只係想化淡妝，甚至係唔搽粉底，但奈何由今年4月開始爆瘡，到近來先至叫做好返少少，所以唔搽粉遮一遮d 暗瘡印！或許好多人或事都係無奈，明明唔想化妝偏偏生到成面都係暗瘡，咁大個人都係第一次起面蛋上生暗瘡，仲要持續了半了，真係救命！！

即棄粉卜雖然好用，但都想試下Real Techniques miracle complexion sponge，出左都大半年，佢個概念係抄Beauty blender，Beauty blender 我都買左但未有時間試，等我遲d試左玥同大家分享。

Real Techniques miracle complexion sponge個size比起Beauty blender 大個少少。

1) 上粉底會令個粉底比較貼，粉卜唔會太食粉，用佢嚟上粉如果大初左都可以御左d力唔會咁傷皮膚。

2) 用個尾尾尖尖的部分可以用起細緻要遮瑕部分

3) cream 狀胭脂:可以用隋圓形的背面上cream 狀胭脂，效果都好好。

Real Techniques 個卜價錢合理算係抵用around $50，我係起iherb.com 訂購的。等我再用耐少少再更新返個卜可以用到幾耐及如何清洗。

Real Techniques miracle complexion sponge<-----如果大家有興趣可以直點連結購買。

碎人的日落

夕陽無限好……

紅提子

之前睇報紙得知紅提子含有花青素，可以抗衰老、減少色素及幫助細胞修復。

近來想食得健康一點點，所以今日的晚餐改左食一串提子罷，提子含有高果糖，如果吃得太多亦會致肥。

所有野都係適可而止，有好多食物都係有益且可以抗衰老，我會持之而行咁食有益的食物。

ProX by Olay Wrinkle Smoothing Cream

Olay 一個由細到大伴我成長的品牌，相信亦都無人唔認識佢！由兒時用佢的廉價護膚品，到今時今日olay 再唔局限於平價護膚品。

今次試用的係pro x 系列，針對抗皺，產品並沒有任何的香味，而個cream 因為無香味反而多了一陣膠味……自己就覺得唔係咁討好。

cream 的質地好杰好張，推開左唔會笠，好易比皮膚吸收，滋潤度屬一般，不竟這個產品主打是抗皺嘛。搽了這個產品皮膚緊緻度提升，彈性增加。

個人嚟講，一直對olay 都存在一定程度的偏見，全因olay 係於國內生產……國內造假的技術實在係太高，所以每當見到產於國內就會不奇然地抗拒。

olay 以價錢取勝，功效很效，值得再回購，廉價抗皺護膚品之選。

泰拳

泰拳幾年前我已經想學，不過奈於自己的體能問題，所以一拖再拖，早排起團購買了一堂泰拳堂，上完之後真係超鐘意。

今日上堂的地點為於觀塘成業街，個街名好熟，但我又唔係好識得去，所以又係問google map 路的時候，儘管google map 已經可以好準確地顯示個方向，但每次地圖指我行左，我就行了去右，來來回回地我終於都到達了目的地......

因為要搵路，去到拳館遲了接近廿分鐘，但係遲有遲好，換來單對單的訓練。我平時比較少運動，個教練幫我拉筋時都睇得出我好少運動，當佢推我再落去拉筋時痛到我呢~~~

因為我手腳唔協調，熱身時教練話要出左手，我就申右手，搞到個教練教到我有點不耐煩；anyways 經過一輪熱身，我開始熟識點出拳，到打沙包時教練都話我已經開始有進步。

短短的個多小時練到我手震又腳軟，泰拳係一項比較劇烈的運動，出完一身汗之後，個人即時精神左好多。走個時發現出拳打沙包時太用力連指甲都斷埋......等我仲唸住留返長D指甲可以做gel 甲，今次又慳返！

呢間拳館~Kpower Fitness好乾淨，地點好近觀塘地鐵站B出口，而且拳館主張少班教學，通常以2-8人一堂為主，所以可以控制到學員所學到的知識！

今次我係團購去學$98/堂，上完堂即時報名$150/堂，如果沒有任何的休息學費係$200/堂。呢間拳館係比較貴，但勝在地方乾淨，地點就腳！

個教練有唔會好hard selll，所以我自己都幾鐘意，我自己係一個試完如果鐘意係會買個product / service，所以我今次報左名再上堂，嚟緊我每星期都會去學泰拳！

GLYCEL 42°C Mobile Skin Therapist

GLYCEL 42°C Mobile Skin Therapist $2,888

集微電流、42°C熱能、640紅光、震動四個功能。機身輕巧，用前只需要叉足電，就可以用到大概8次 (以每次完成3個模式計)

開機時需要等約30秒待部機暖左先，機共有三個模式:

1) 光+熱能+微電流

2) 光+熱能+震動+微電流

3) 光+震動+微電流

近來天氣凍了，晚上用這部機真係超舒服，部機暖暖，可以因應個人的須要選擇自己雖要的模式。

用佢嚟導入，完成整個過程，毛孔收細了，簡直就好似變返好似我廿歲時的肌膚、熱能能使膠原增生，皮膚光澤感提升、皮膚緊緻、水份充足，輪廓提升，包包面消失了。第二日上妝個粉底更加貼面。

食療急救肌膚

自從注重自己的健康，我就開始多吃有益的食物，例如生蒜、杏仁、紅菜頭等‧......今日睇報紙見到完來有好多食物對肌膚有莫大的益處，兼且可以延緩皮膚的衰老，往後要多吃有益的食物，抗衰老係我現在關注的一環!!

牛油果、三文魚　急救肌膚 | 蘋果日報 | 要聞港聞 | 20141119

Angel Key Magician Ampoulse

早幾年台灣護膚品於香港很流行，自從一陣韓風就將台風打沉了！

個人對台灣護膚品的感覺是廉價且功效顯注，今次試用了Angel Key Magician Ampoulse $89/10ml。

這個產品驟眼試係無乜特別，質地好似水，無色無味。但係搽上面的功效就真係非無色無味般的感覺。

Angel Key Magician Ampoulse 的成份有馬胎盤萃取精華、B5、六胜肽。

每次只須搽3-5滴，不能搽太多，因為會起擦紙膠碎，少少的份量已經很保濕，作為化妝打底用可以令粉底更加貼；而六胜肽成份可以撫平細紋，抗皺-->單單這一點已經非常適合我了。抗皺是於皺紋未出現前就須要做足預防工作，到了皺紋出現時到時搽乜都已經無補於事！

除此之外，這個產品有美白的功效，早陣子面上長出了很多暗瘡，留下了很多暗瘡印，用了這個之後暗瘡印亦都淡化了很多。

一瓶約可用一個月，作為妝前打底精華，超值!

GLYCEL X'mas set

GLYCEL部美容機已經起幾個月之前budget左今個聖誕送給自己的聖誕禮物。

見聖誕set 已經出左，加上唸住用信用咭比錢可以有60日的還款期，所以就提早為自己送上聖誕禮物。

呢套set 要$4,567比起我預左的budget 亦都超支了一點點，但我又諗返如果我唔再出街做facial 而改用自己的美容儀及護膚品，買這個一點都唔昂貴，同時亦省卻左比美容師hard sell 的唔愉快經驗。

荷蘭大閘蟹

一向都好終意食蟹，所以大閘蟹都係我愛吃食物之列。

又到食大閘蟹的季節，食大閘蟹自己買返屋企蒸就最抵，因為蒸蟹係完全無難道。

平時都係食開陽澄湖的大閘蟹，今年就試下荷蘭大閘蟹。

可能抱有太大希望，所以打開隻蟹好失望，隻蟹無乜膏，蟹味較淡。蟹的肺都好乾淨係白色的，蟹腳較長，但無乜肉。整體ok 如果多d 膏會開心好多。

今次起團購訂左6隻荷蘭大閘蟹每隻重3.5-3.9兩，每隻$46。本來唸住訂5.5兩，唸唸下又唔知好唔好食，而且一隻5.5兩的價錢係3.5-3.9兩的3倍，所以都係訂左隻細蟹返嚟試食左先，最後都係我的想法正確！

Maquillage Prefect Multi Base B B

BB cream 成為近年好熱門的化妝用品。

今次用左Maquillage Prefect Multi Base B B佢本身係有顏色，質地透薄，但顏色偏白，唔係幾適合我的膚色。

單用遮瑕度當然不及市面上的B B cream，而且好易溶，保濕度係完全唔夠，但用後皮膚有光澤感。回購指數係0。

Pukka Lemon, Ginger & Manuka Honey Organic Herbal Tea

又比我起iherb 搵到一款好飲的茶包，繼咖啡之後，花茶已經成為我日常飲用的飲品。

未認識Pukka herbal tea 之前我係飲Yogi tea，飲過Pukka herbal tea 加上了解該品牌的背景及理念後，我會多d 買pukka 茶包。雖然pukka 比較貴但係物有所值，唔係Yogi Tea 唔好，只係個人比較欣賞Pukka 的理念。

Pukka 是英國的品牌，是有機種植、良心採購、使用公平貿易原則。

Pukka 的社會企業責任亦都係我令我讚嘆！

Pukka Lemon, Ginger & Lemon, Manuka Honey Organic Herbal Tea，入口有少少的甜味，薑味並唔濃，飲後有一種舒服平和的感覺！秋冬時分飲用可以滋潤之餘，而薑亦可以增加抵抗力及抗氧化。

於iherb.com 購物輸入Coupon code: TGD808，首次購物滿USD20可以減USD5，滿USD40可以減USD10。

生蒜

記得很久以前我第一次食生蒜，即時的反應是反胃，嘔吐大作。自此之後，我對生蒜異常地反感。

早陣子上網睇了一段文章，得知食生蒜可以防病養生，所以我開始食起生蒜來。吃生蒜的正確方法是逐粒切片，讓蒜片暴露在空氣15分鐘才吃，因為蒜頭跟氧氣結合然後產生蒜素。

蒜素能防止脂肪積聚血管壁上，減少血液斑塊形成，有助降低膽固醇及三酸甘油脂，從而減低血管硬化及閉塞機會；並能保持血管彈性，維持正常血壓，有助保護心臟健康。

 此外，蒜頭含果寡糖成分，可促進腸內益生菌的增生，能驅除消化道中的害蟲，配合蒜頭的殺菌能力， 多吃蒜頭可增強身體抵抗力，預防病菌入侵。

另外，蒜素能紓解咳嗽，減少肌肉痠痛疲勞，令各個人體器官的老化進程減慢，防止五十肩，而且蒜素是抗癌之王。

初時食生蒜真的好辛苦，因為生蒜超級辣，每次放入口舌頭都好像被火燒，吞下時好像火燒心。

儘管蒜頭有很多的好處，但都不能吃太多，每餐最好不超過兩粒，特別生吃蒜頭時，當中的蒜素、增精素和蒜硫胺等成份會直接刺激胃黏膜，進食過量會造成貧血和胃潰瘍。

食蒜頭缺點係會帶來口氣，要解決亦都好簡單，只要進食蒜頭後咀嚼一片茶葉、薄荷葉或喝牛奶都能令口氣消失。

切好的蒜絲

Pekkle 貼紙DIY

之前訂左一d Pekkle 貼紙，呢d貼紙質地好好，防水及防花，所以我拎佢地嚟四圍貼。

見個小米外置叉電器一點都唔靚，見有兩個貼紙的size 與小米叉電器差唔多大，所以我就拎左兩個貼紙嚟裝飾下佢。

貼左貼紙的小米叉電器真係靚左好多。

柑香茶

澳門獨有的陽光~柚香茶，因為只係澳門才有所以一定要試下，味道唔太甜，個人都係鐘意檸檬茶多d。

動物認知真實的你......

動物認知真實的你......

狗、熊、猴子、獅子、馬、松鼠、羊、兔子、企鵝、貓，以上這些動物中，請依序選出你心目中最喜歡的三種，選完才能看答案哦。
(必須是你第一直覺想到的動物去排列，優柔寡斷就不准了。)

我選了貓、獅子、企鵝

▼▼▼ 查看分析結果 ▼▼▼

解析：

最喜歡的動物，代表你希望自己給別人的印象。
排名第二的動物，代表別人對你的看法。
排名第三的動物，代表你真正的樣子。...

狗：個性溫和，善解人意，為朋友竭盡心力，不怕麻煩，是忠誠度極高且富有同情心的人。為人正直，不會做出背叛朋友的事，是可以信賴的人。

熊：溫和親切，是可以依賴的人。心地善良，個性單純、率直，給人平穩、宜家的印象。另外，行事謹慎。

猴子：幽默、容易親近，在一起不會讓人感到厭倦的人。喜歡照顧別人，頭腦靈活，好奇心強。

獅子：有威嚴，在人群中特別受矚目，最具有領袖氣質的人。重榮譽及社會地位，有時難免偏於虛榮，因此，自尊心也很強。

馬：帶點稚氣，為人爽快。即使是女性也不會要求特別的待遇，是個個性活潑、乾脆，在穿著上也很講究的人。

松鼠：有一點孩子氣，外表給人軟弱的印象，實際上卻是個能幹且牢靠的人，不過有些三心兩意。另外，崇尚自由，腦筋也很靈活。

羊：外表柔弱，實際上卻很頑固。是個勤奮不懈的努力派，以及重秩序、講義氣的人，朋友的事看得比自己還重要。

兔子：是個可愛、頗具魅力的人。由於這個特質，常讓周遭的人興起想保護你的慾望。另外，個性溫和優雅，很討人喜愛。

企鵝：謹慎、保守、樸素型的人。有時會給人一種沉靜中帶點危險的感覺，對很多人事都無動於衷。

貓：神秘、捉摸不定的人。終於自己的步調，崇尚自由，不喜歡受束縛，而且非常自我，對很多事都保持著既定的想法。

Divana kiss me pink grapefruit lip balm

上年去泰國時買左個lip balm，又係時候試用了。

呢年lip balm 真係好潤，又唔會好張、好笠，我自己會厚厚敷一層才睡覺，第二朝起身個咀仔變得好滋潤，唇紋、乾紋又少了很好用的一個產品，可惜香港買唔到。

Alba Botanica Mineral TerraTints Lip Balm SPF15

一直都好注重臉部的防曬，而唇部的防曬往往都被人忽略，因為市面上很難才找到唇部的防曬產品。

好耐之前起iherb 已經搵到Alba Botanica有唇部防曬的有色潤唇膏，不過當時無貨，其實唔知點解iherb的產品好多時都無貨，等得呢隻有貨，第二款產品又無貨，所以我都費是再等，買到與否都有一切隨緣！

早排終於都有緣買到了！於是即刻開左佢嚟用啦......

開蓋後見到潤唇膏的顏色好靚，係淡淡的珊瑚色，搽上咀係淡淡淡的粉紅色，滋潤度不能要求太高，現時用岩岩好，如果夏天用滋潤度一定足夠有餘！

不過我都係想要一支有色的防曬的潤唇膏，正合我的心意，而且滋潤度都滿意，用晒之後我都會再回購！

如果大家有興趣可以起以下的網址訂購：

http://www.iherb.com/alba-botanica-mineral-terratints-lip-balm-bloom-spf-15-15-oz-4-2-g/4527?rcode=tgd808

iherb.com

上個月收到iherb的promotion，10月底前購物滿USD60於11月份會回購USD20，見個推廣咁吸引，加上買滿USD40仲額外有10%discount，真係抵上加抵。

又係時候可以買返我好鐘意飲的yogi 茶包，今次仲可以買埋Pukka herb 茶包，共買左四盒茶包，有排飲~~

今次真係一次過買左好幾樣一直想試的產品，包括alba botanica spf15 有色潤唇膏，sibu beauty sea buckthorn seed oil……

Iherb.com 真係有好多好野買，得閒可以慢慢尋寶。

購物時輸入coupon code “TGD808”，首次購物滿USD20可以減USD5，購物滿USD40可以減USD10。

又爛根

又種到爛根，種花真係好睇心情，心情好植物就會種到好茂盛，因為我早輪心情低落，所以d盤栽都向的示威……死氣沉沉咁!!!

今日去醫治佢的時候都已經處於垂死邊緣，仲要一嚟就三盤，希望可以救返佢地啦！我都唔期望佢地可以開花，只要健健康康咁生葉，每天等待著佢地長出花朵來都是一件開心的事情。

總會停下來

人生就像錶一樣總會有停下來的時候，而停下來又代表甚麼呢？

人生不同的階段都會有不同的感覺、不同的領悟。於這刻我感受到的是放下、停下!

停下來思想，回顧及整頓一下自己的回憶、收拾執著多時的傷痛，再重新出發開展人生新的一頁。

執著只會領自己停滯不前，沒有人能阻止你的選擇，正如我所講路是要靠自己行出來，生活態度亦都係取決於個人。

你可以選擇開開心心咁享受生活的每刻，同時亦都可以活在痛苦仇恨之中，兩者二擇其一相信聰明的你必定知道該如何選擇罷。

相信錶已停下亦都係一個好好的時間停下來是思想沉澱罷……新的一天正等待著大家，放眼未來，活出精彩的生命。

尋找花盤

上星期買了一盤紫掌，其實紫掌係可以水種或泥種，個人認為泥種可以為植物提供更多的養份，所以我都係繼續選擇用泥種。

但係問題就係嚟啦，話說我又怕起花墟買返的植物，因為每次都日有D 小動物附送，所以上星期已經急不及待，將買回來的泥全部清理乾淨！但係笨手笨腳的我起公司拎左一個細了一寸的花盤返屋企，而屋企又無咁大個花盆；買回來時個個膠盤又爛爛地，咁我唯有夾更將盤紫掌塞入去個細盤度！

不過清埋晒D舊泥後，真係好難再倒返D 泥入去種，個感覺係唔可以套用種紫羅蘭的方法去種，加上盤紫掌拎左返公司之後，佢D 葉乾到枯左，都唔知係唔係我呢個摧花殺手搞成佢咁......

有見及此我都唔知買唔買返一個大少少的花盤好，但係我有信心只要用心去種一定可以種到佢好健壯！

今日去試姊妹裙時順便可以去行埋花墟，成個花墟都係繽紛，繽紛每間鋪都未不同的產品，我每次都係去有微型生態缸個間鋪睇，實在係太想帶呢個缸返屋企，呢個缸可以滿足到我三個願望：

1) 可以種植物

2) 可以養漁仔

3) 可以觀賞

雖然，暫時沒有多餘的空間去種，所以影低張相望梅止渴先，我相信我好快可以帶佢返屋企，只要執一執屋，我一定可以帶你返屋企。

不知由何時與種物結下不解緣，希望將來我溫暖的家可以比我種到很多不同品種的植物！

依家去行花墟真的很有時代感，好多新店的裝修都係靚，每一盤盤栽都包裝得好精美，每星期去到花墟所買的植物都有所不同，植物都有季節所以多D 去花墟睇到不同的植物真係好開心。

去花墟的目的係買花盤所以我主力都係去揀花盤，本來係想買個儲水式的花盤，因可以儲水個花盤變得好高，如果用左佢會令到本來好高的紫掌變得更高，都係放棄儲水式。

之後見到我今日買左呢個感覺比較高貴的紫色花盤，但係佢都幾貴$98，印象中一個花盤只值$30-$40，初時唔係好寫得買，因為呢個花盤比起普通花盤貴一陪，但當我細心的再睇，佢係德國造，拎上手個花盤陶瓷係同普通個D 係唔同，呢個係比較輕，而上色係一絲不苟。最後，我係決定買呢個，起我揀緊買咩色的時候，我不時拎住呢個紫色花盤，但個花盤的形狀實在係太奇怪，所以又要再三考慮，起我揀嚟揀去之際，有位年長的女仕同我講呢個紫色靚呀，我呢個星期前買左呢隻色的呢個款，返到屋企覺得好靚，之後連續幾星期都嚟想再買多一個，但可惜已經再無返貨！就係呢位太太咁講我即刻拎住我個花盤去比錢！其實我第一眼的已經睇中呢隻色，人就係咁好多時都會三心兩意，有得揀總會想左揀右揀......

微型生態缸

試姊妹裙

仲有一個星期就係Cannex's Big Day，今日我地幾個姊妹約左去試姊妹裙，條裙個款都幾靚，長裙可以遮蓋下半身肥胖的問題。

條米白色的裙可以襯返兩年前買的姊妹鞋。我唸我都唔會投資太多去買束褲，一來著住都幾辛苦，兩來著左視覺上都唔會有太大的改變，三來我要儲多一點首期上車。所以盡量慳得就慳。

Pekkle 浴巾

呢條浴巾兩年前已經於有得買，不過係老翻，所以唔係咁易搵到。之後去過深水埗、花園街等地方都見唔到有。

多得blogger Phantom Pekkle 報料，今日終於都買到了，$100/3條，如果一條就$39。

浴巾質地偏薄，但係印刷精美與正版無異。仲唸緊要唔要買多幾條看門口。