許留山~多芒小丸子

哈哈，終於都清晒d 假，今日無聊的半日假唯有好無聊咁用左去，好奢侈咁做左個兩個鐘的facial 之餘，仲可以食埋我最鐘意食的多芒小丸子，小丸子好煙un ,椰子雪糕好香，天氣晴朗心情特別的好，超滿足愉快的半天假期！

發記甜品

自從去完旅行返嚟一直都好想食甜品，不過返工太忙最後都係無左件事，襯住今日有一日無聊的假期，咁我食去食返一個甜品先。

今日去左發記，其實次次食親發記都留下一個唔好的印象，因為真係唔好食囉！

本來唸住試新野，睇渾個餐牌都係個類無乜新意又無乜特別的食物。最後揀左個玻璃珠芒果，雖然唔知咩叫玻璃珠，但個餐牌寫住係新產品咪試下囉，結果當然係超失望。

珠璃珠好似西米露咁，不過口感就……好硬好‘鞋’無味道。實在係令我感到失望！

睇嚟要去多一次許留山食返個芒果小丸子至可以彌補到我今次的失望……

安安燒

我係一個芝士怪，好鐘意食濃味芝士，今曰無意中經過旺角~安安燒，安安燒每逢星期六、日指定時間推出芝士三重撈丁！

全香港最出名的芝士撈麵第一時間就唸起新記，不過新記的水準每況愈下，而芝士撈丁又唔係四圍都有得食，我起open rice 搵過除了新記就只有安安燒，上次特登去食，點知去到時門口勁多人等緊，加屸又就快過個供應時間所以最後都係食到，點知今日無意中經過見到間鋪完全無人，加上我又未食lunch 於事又比佢個芝士撈丁吸引住，就係咁我就衝左入去食我一直好想食的芝士三重撈丁。

個芝士麵好大個，有三種不同的芝士，而最面的芝士燒過份外香口，麵底有出前一丁原味的湯底再撈渾芝士好好味，麵夠爽及彈，咬入口有不同層次的芝士味道，好好味呀！

至於燒物方面，今次揀左雞翼，雞翼味道好特別，偏甜，落多少少辣粉味道仲正。冬菇就無乜特別而且好多油。成個set $56如果lunch 嚟講真係偏貴。

農川~川菜

 終於都搵到一個人同我一樣都鐘意食辣野，雖然我辣味的味覺都已經唔係好靈敏，不過我都依然都係鐘意食辣野！

估唔到旺角女人街入面有一間食川菜的餐廳~農川，佢個水煮牛唔好味，用鬆肉粉醃得太利害，牛肉無晒牛肉味，同埋佢個水煮牛下面d 拌菜除了有芽菜外仲有薯粉，辣味OK啦唔算得上好辣。

最好味就係佢個焗蜆~超鮮甜！至於個涼粉，同我起四川食到的涼粉係一個味道，好懷念旅行的日子。

Turkey ~ Day 9

九日的土耳其之旅今日就正式終結，又要收拾心情準備明天的工作，無論願唔願意，生活都依然要繼續，唯有用正面的心去面對。我去土耳其呢個時間係冬轉春天，所以日溫差比較大由-3至13度左右，時差為六小時，而我地起第六日仲同一日經歷左落雹、雪、晴天，感覺特別！

 因為係跟團出發乜都唔駛唸，就連要換幾多錢都有人計算好晒，共9日的旅程大約都係要用USD700-USD800，其實大部份的美金都係用嚟比自費活動的錢多，至於買手信各方面，土耳其流通的貨幣係里拉、美金、歐羅。而里拉係當地使用的貨幣，領隊建議我地去到土耳其機場之後換USD100的里拉，去到最後一日岩岩可以用晒！當地去洗手間大部份都係要數錢每次1TL (約$4)，其實我大部份的錢都係用嚟去洗手間！

因為被放飛機我獨個兒出發前往土耳其，旅程的時間令我可以得到真正的休息，人生衝衝，可以的話就讓自己忘記一齊唔值得記住的事情，包括一些唔原諒、嬲、傷害.......


今個旅程比我一個好好的反省的機會，人唔會係完美，每個人都有自私的時候，答應了可以反悔，就如今個旅程一樣，我由當初對人的失望、感到傷害，最後終於都得到釋放，人生衝衝為何要帶著苦毒生活下去呢？


我的生活是取決於我自己如何去面對我的身邊周圍的事物，感恩旅途上遇到一位好的團友，一切一切都係主的安排，由從來唔認識土耳其呢個地方，到去到才知道原來土耳其係一個聖地，這裏有幾個古城於古羅馬帝國時代基督徒受逼迫時避難的洞穴，當我去到呢個地方真的慚愧，作為神的門徒但我自己就少信不認主，因為生命中經歷主的時間較少而質疑主的存在，埋怨主為何我的祈禱並唔係有求必應，主啊！應謝你讓我可以於旅途中的經歷讓我的靈命得以更生！應謝你對我不離不棄，主求你讓我可以用更多的時間親近主，心意得到更生。

Turkey ~ Day 8

時間過得好快今日已經係行程的最後一天，今日要好早起身，又係要搭六個鐘車返返去伊斯坦堡，今日係星期六所以會好塞車，為了要避免塞車的延誤，所以Ben 安排了要一早出發。
杜伯奇皇奇 (Topkapi Palace) ~ 始建於公元1465年，鄂圖曼帝國國力最強時所居住的皇宮，當時鄂圖曼帝國的土地包括歐、亞、非三州，有30位蘇丹王曾居住於此。現已改變為博物館，皇宮以傳統鄂圖曼建築風格來興建，更有多間珍寶館展出當時皇室所穿著過的衣服及價值連成的珠寶，館內藏有一顆重86卡的鑽石 (製匙者鑽石)。
地下水宮殿 (Underground Cistern) ~ 由君士坦丁大帝下令建造，由三百支「科林斯式」石柱承托著，貯水量高達十萬噸，當年曾動用約七千名奴隸，花數年時間才完成。