2013年12月25日 星期三
2013年12月22日 星期日
參觀歐羅有機農場
由幾年前開始愛上了種花之後一直都對植物生長有一份莫名其妙的感覺，腦海裏一直都有一個意念就係好想試下耕作，好想體驗一下農夫的工作。
之前上網見到歐羅有機農場，既有有機菜售賣亦都有農地出租，由於我自己唔係好肯定自己係咪真係鐘意種植，而呢個農場亦都有導賞，所以我地今日入左歐羅有機農場參觀。入園導賞的費用係$60。
第一次入到去農場，感覺好特別及興奮，農場位於元朗錦上路，地點都算就腳，如果起呢度租田都幾方便。
入到農場感覺到非常清新的空氣，農場負責人黃先生向我地介紹有關有機耕作，有關輪作及休耕及如何管理一個農場。當遊覽完畢後，因係好清楚明白現代農夫管理一個農場，利用了好多現代的管理模式，資源分配，如果何以做到盡用每一份土地。
2013年12月19日 星期四
Biore 深層卸妝油~淨肌禮盒
之前上網見到biore 卸妝油有聖誕禮盒裝，仲送一套化妝掃，雖然我唔知套化妝掃質素好唔好于過真係好想買，一來我自己用過碧柔的卸妝油真係平得嚟好好用，二嚟我自己鐘意聖誕時買晒一年的護膚品，聖誕禮盒平咁多，仲有咁多野送唔買邊對得住自己！！！
我自己行左好多間萬寧都搵唔到呢set，最後起IFC 比我見到最後兩盒，望望個價錢，對眼即刻發光，只係$99.9有兩瓶卸妝油仲送一套七支的化妝掃。平時就咁買一瓶都要接近$60~抵！抵！抵！
化妝掃的質素唔係好好，人造纖維掃。不過送又唔可以有d 咩要求。呢set 掃極度適合一些初學化妝的妹妹仔用，我自己只會去旅行時帶出去用因為有埋個插化妝掃的套，加上掃細細支方便攜帶。但唔好對佢抱有太大期望，或者希望佢會有一個好好的上妝效果。
2013年12月2日 星期一
Trilogy vital moisturising cream SPF15
貪少平宜的我，上個月見起feelunique 訂聖誕set 有折，所以就買埋 Trilogy vital moisturising cream SPF15呢支cream。
我自己平時都係靠粉底的防曬作日常的防禦，因為我自己呢排少左搽粉底，所以用返有防曬的護膚品，唔想搽咁多野上塊面到增加皮膚的負擔。
Trilogy vital moisturising cream SPF15呢支cream 單搽佢個完全唔夠滋潤，搽完之後仲覺得皮膚有少少乾，我自己會用佢支玫瑰果油加起底，兩樣一齊用就好滋潤，又可以鎖水。
個cream的防曬係zinc oxide (物理防曬)，就咁搽上去會覺得有少少白左的感覺，當推勻左之後睇落無咁白，可以接受的。
我自己平時都係靠粉底的防曬作日常的防禦，因為我自己呢排少左搽粉底，所以用返有防曬的護膚品，唔想搽咁多野上塊面到增加皮膚的負擔。
Trilogy vital moisturising cream SPF15呢支cream 單搽佢個完全唔夠滋潤，搽完之後仲覺得皮膚有少少乾，我自己會用佢支玫瑰果油加起底，兩樣一齊用就好滋潤，又可以鎖水。
個cream的防曬係zinc oxide (物理防曬)，就咁搽上去會覺得有少少白左的感覺，當推勻左之後睇落無咁白，可以接受的。
2013年12月1日 星期日
6th blood donation
哈哈，終於都的起心肝去捐血。
今次係我第六次捐血，感覺無乜特別，過程亦都好順利，好快就捐完，無去捐血半年左右，整個捐血流程又有少少改變。以前係可以拎住血十字會張咭就可以，今次係要出示身份證。
希望未來的日子我可以有一個健康的身體繼續捐血幫助有須要的人！
訂閱：
文章 (Atom)