不經不覺間我已經種植了紫羅蘭差不多已經有四年的時間，起呢幾年不斷咁學習，大概都已經掌握到當中的技巧。
今日真係好開心，每當有人讚我的盤栽好靚，請教我點種的時候，我都只會講係用愛心嚟種。真係好感恩可以從種植中找到生活的樂趣。
2013年11月26日 星期二
Feelunique.com
又到聖誕，又到聖誕，又係入貨的好時機，每年聖誕各大品牌都推出好多優惠的set 裝。
我都睇到眼花都唔知買邊個品牌好，暫時只係買住 trilogy 呢set 先。
不過買完先至發現原來起萬做特價時會更加平，真係平一大截。我唸我以後都只會起萬寧買呢個牌子。
今次係15/11/13 訂貨，17/11/13 發貨，26/11/13收到拎包裹 （普通單掛號寄出）。
依加買野可以有三包試用裝送，大家記得揀自己鐘意的產品，我本來的係揀左三款但係寄出時只係得二款……
| Product | Price |
| Trilogy Rosapene Day and Night Collection | £29.50 |
| Trilogy Vital Moisturising Cream SPF15 50ml | £24.75 |
| Rimmel Stay Matte Pressed Powder 14g Transparent | £3.99 |
| NUXE Huile Prodigieuse Multi-Usage Dry Oil Complimentary Sample 4ml | Free |
| Jurlique Herbal Recovery Advanced Serum Complimentary Sample 2ml | Free |
| Subtotal | £58.24 |
| Discount | -£5.82 |
| Delivery | Included |
| Total | £52.42 |
2013年11月25日 星期一
Thayers ~ Lavender Witch Hazel
之前用過Thayers 的爽膚水，因為又平又好用，所以試埋薰衣草的爽膚水，Thayers 已經有百幾年歷史，產品成份天然，又補濕，加上大大支都唔駛一百蚊，平用用佢當toner mask 用都唔會肉赤。
我呢個toner 起iherb 訂講，如果大家有興趣可以起呢個web 訂不過要比運費，運費又唔係好貴，大家可以起iherb 尋寶！
用呢個Code "TGD808" 可以有少少優惠，歡迎大家隨便使用！
2013年11月24日 星期日
PiGe:ll Plus Real Skin Mask
哈哈！韓國大熱~~豬皮面膜，終於都衝破了自己的底線，用左新來韓國大熱的豬皮面膜。
豬皮都可以做面膜，真係難以置信！呢個面膜的主要成份真係由豬皮造成，而呢個豬皮面膜有好高濃度的骨膠原，佢做收緊的效果好明顯，不過佢係要敷3個鐘以上，我自己就比較喜歡瞓覺時敷，但係佢就係起你瞓時不斷咁收緊，所以我每次敷的時候都會瞓下醒下。
起身時皮膚彈性增加，皮膚變得緊緻，毛孔全部消失，皮膚光澤感增加，保濕效果唔明顯，
豬皮都可以做面膜，真係難以置信！呢個面膜的主要成份真係由豬皮造成，而呢個豬皮面膜有好高濃度的骨膠原，佢做收緊的效果好明顯，不過佢係要敷3個鐘以上，我自己就比較喜歡瞓覺時敷，但係佢就係起你瞓時不斷咁收緊，所以我每次敷的時候都會瞓下醒下。
起身時皮膚彈性增加，皮膚變得緊緻，毛孔全部消失，皮膚光澤感增加，保濕效果唔明顯，
2013年11月17日 星期日
2013年11月15日 星期五
Revlon Colorstay Aqua Mineral Makeup
今次試用左上次上化妝堂時miss 介紹的碎粉，唔知係咪轉左，我搵唔到miss 上次講個個3號色，所以自己揀左light medium呢個色。好在都叫做岩我的膚色無揀錯。
miss 講到呢個碎粉好幼滑，我唔否認，就咁用眼睇都可以見到佢個幼滑到超超超幼細的粉抹。
不過我自己第一之用呢個碎粉時真係超唔適應，因為呢個碎粉接觸皮膚後會自動變為水份，我初時仲以為係我支碎粉掃唔知點解濕左，等我仲走去拎過第二支掃出嚟，點知一上面又係濕。之後再上網睇完來係個碎粉其中一個成份會係咁。
儘管個碎粉係幾幼滑我自己真係唔鐘意呢個感覺，因為要掃好多、好多、好多的碎粉都唔會覺得夠，唔好睇佢$148好似好平咁，其實佢只係得9.9g，再將個份量化大返做一盒正常碎粉的份量，佢一d 都唔係平囉！
不過我自己就幾欣賞佢隨盒附送的碎粉掃，仲一支好細支的伸縮，用完可以放返入個蓋個頂部。
miss 講到呢個碎粉好幼滑，我唔否認，就咁用眼睇都可以見到佢個幼滑到超超超幼細的粉抹。
不過我自己第一之用呢個碎粉時真係超唔適應，因為呢個碎粉接觸皮膚後會自動變為水份，我初時仲以為係我支碎粉掃唔知點解濕左，等我仲走去拎過第二支掃出嚟，點知一上面又係濕。之後再上網睇完來係個碎粉其中一個成份會係咁。
儘管個碎粉係幾幼滑我自己真係唔鐘意呢個感覺，因為要掃好多、好多、好多的碎粉都唔會覺得夠，唔好睇佢$148好似好平咁，其實佢只係得9.9g，再將個份量化大返做一盒正常碎粉的份量，佢一d 都唔係平囉！
不過我自己就幾欣賞佢隨盒附送的碎粉掃，仲一支好細支的伸縮，用完可以放返入個蓋個頂部。
2013年11月9日 星期六
第三次練習
今日係我第三次練習，上次練跑到時下載左一個app 計時間及速度，但個app完全唔work。
所以我上網搵到 runtastic 呢個app 所以下載左嚟用。
為免好似上次咁跑完之後個app 無反應所以我跑到去尖沙咀時就望下自己跑左幾遠，天呀！只係見到跑左卅分鐘，但公里依然係0！！
跑左半個鐘都係0好唔開心，於是停下來研究點解，原來係我無開到gps,所以計唔到跑左幾多公里，開返之後公里個數開始有少少反應，但係只係得0.1,時間就繼續跳動，所以我唔理咁多繼續跑。就係因為唔記得開gps 所以計出嚟公里就唔準確。
今日天氣好好，我經尖沙咀星光大道跑左去海港城為的只係想睇海港城的聖誕佈置，去到只係起出面影完相就繼續跑。
完來跑個半鐘係可以消耗576個卡路里，就係咁又可以大吃一餐。
2013年11月4日 星期一
Ahava~Extreme Night Treatment
襯住秋冬天氣可以試用埋好耐之前買的Ahava~Extreme Night Treatment。
成日都話自己係乾性皮膚，加上上年有爆拆的經驗，所以今年要等別加緊護理的我皮膚，絕對不能輕敵乾燥的天氣。
Extreme Night Treatment睇落去好似油狀，但係揼左出嚟之後見到佢其實係gel 狀，質感係比較杰身，揼兩揼出嚟已經足夠可以搽晒成塊面。
因為產品的成份都係相對地比較保濕的成份，初時都好驚佢的保濕及滋潤度唔夠，但係大家可以放心，Extreme Night Treatment除左係保濕之後仲係超級滋潤，杰身gel 狀質地伸展度高，好快被皮膚吸收。我自己習慣搽左保濕精華打底之後再搽Extreme Night Treatment可以做到鎖水的效果，產品增加皮膚的光澤感亦有抗氧化的作手。
產品價錢$790/30ml，價錢屬中高價的美容產品，不過效果好，貴少少都值得用！
成日都話自己係乾性皮膚，加上上年有爆拆的經驗，所以今年要等別加緊護理的我皮膚，絕對不能輕敵乾燥的天氣。
Extreme Night Treatment睇落去好似油狀，但係揼左出嚟之後見到佢其實係gel 狀，質感係比較杰身，揼兩揼出嚟已經足夠可以搽晒成塊面。
因為產品的成份都係相對地比較保濕的成份，初時都好驚佢的保濕及滋潤度唔夠，但係大家可以放心，Extreme Night Treatment除左係保濕之後仲係超級滋潤，杰身gel 狀質地伸展度高，好快被皮膚吸收。我自己習慣搽左保濕精華打底之後再搽Extreme Night Treatment可以做到鎖水的效果，產品增加皮膚的光澤感亦有抗氧化的作手。
產品價錢$790/30ml，價錢屬中高價的美容產品，不過效果好，貴少少都值得用！
2013年11月2日 星期六
首次試跑
22/10 係渣打半碼接受報名的日子，其實好多年前已經想報名跑10km,但礙於之前比人反對，所以我咁多年都係得個唸字！
由今年開始我可以做返一d自己想做的事情，所以我決定左今年一定要報名，一向都喜歡挑戰自己極限及愛冒險的我，唸都無唸就決定左報半馬！！！當時只係唸有對腳一定可以跑畢整個路程。
之前有朋友話比我知，佢有一年報馬拉松個網死左，根據個web的指示佢過左一陣先至再上去報名，點知個年佢就報唔到名。收到呢個分享之後，我決定左報名個日就早少少起身準備，真係平時返工都無咁早，我六點九就起身，七點準時上網報名，點知個web 一開始接受報名已經死左，我個時好心急，但係我知道急都無用，隻手係咁起度禁refresh，禁左廿分鐘都無反應。當時我知道自己發晒癲係咁禁refresh 都無用，我唯有即時祈禱交托比天父，如果主係容許我參加的話求主開路 / 成就，但如果主認為我體能唔適合參加求主讓我有一個平安的心報唔到就報唔到。
祈禱完之後我按refresh 的步伐開始減慢，突然聖靈提醒我，唔係禁refresh，試下重新輸入個網址，感謝主我終於都入到去個web-site 仲已經排緊隊準備報名，大約排左100位，要等約五分鐘，但係我自己都唔相信我已經成功報左名，仲打電話問朋友係咪已經ok...
當我報完名之後同朋友講我今年會參加半馬，大家不約而同都係驚訝，認為我係無可能會跑到、太勇、等坐車送走......好多好多的負面聲音。
上個星期日我終於都買晒所有的跑步用品，本來唸住由今個星期一每晚放工之後開始練習，但係爸爸話夜晚條街無乜人有D危險，佢話不如星期六、日先至練啦反正距離比賽日仲有5個月，每個星期練都應該夠。
爸爸今日約左我同佢一齊去跑，佢話幫我搵左一條好好跑又有風景睇的路線，所以我今朝一早就起左身，同佢一齊行左去尖沙咀。平時真係無乜可能起放假的日子可以咁早起身，但係我感恩，因為我知係主為我預備，平時我自然瞓醒都已經係下午，聖經話我地係白晝之子，我終於都可以朝早起身而唔係下午，感謝主的改變我的生命！
你們都是光明之子、都是白晝之子、我們不是屬黑夜的、也不是屬幽暗的．所以我們不要睡覺、像別人一樣、總要儆醒謹守。因為睡了的人是在夜間睡．醉了的人是在夜間醉．但我們既然屬乎白晝、就應當謹守、把信和愛當作護心鏡遮胸．把得救的盼望當作頭盔戴上。(帖前5:5-9)
再者、你們曉得現今就是該趁早睡醒的時候、因為我們得救、現今比初信的時候更近了。黑夜已深、白晝將近．我們就當脫去暗昧的行為、帶上光明的兵器。行事為人要端正、好像行在白晝．不可荒宴醉酒．不可好色邪蕩．不可爭競嫉妒。總要披戴主耶穌基督、不要為肉體安排、去放縱私慾。(羅14:11-14)
再者、你們曉得現今就是該趁早睡醒的時候、因為我們得救、現今比初信的時候更近了。黑夜已深、白晝將近．我們就當脫去暗昧的行為、帶上光明的兵器。行事為人要端正、好像行在白晝．不可荒宴醉酒．不可好色邪蕩．不可爭競嫉妒。總要披戴主耶穌基督、不要為肉體安排、去放縱私慾。(羅14:11-14)
平時起街見到好多人跑步，所以令我更加相信有對腳就可以跑到，最多只係會慢少少，唔會完成唔到的我......當我開始跑的時候真係晴天霹靂......
今日掛一號風球所以天色陰暗，7:40am 出門口行到去尖沙咀已經8:10am，平時都好少同屋企人傾計，今日因為要一齊去跑步本來一出門口已經塞住左對耳，但係爸爸都不斷起度同我講野，想唔回應佢都唔得。因為呢個活動多了相處的時間。
跑步開始的地方係一條斜路，跑左一陣已經要行 (因為無氣)，行幾步再跑，平時唔係好出汗的我汗已經滴下....終於都跑完條斜路，個刻辛苦到呢！！！
繼續我的跑途，實在係太辛苦，我終於明白唔係有對腳就可以跑到，當時知道能力有限所以祈禱希望主比力量我等我可以跑到9:00am。
祈完禱繼續跑下行下咁，時間好難過，跑到我想放棄，邪惡的意念又出嚟，反正都係比人地睇死跑唔到，放棄一了百了！我望住個天聖靈提醒我，係我自己高估左自己的能力--->自大，平時完全唔會做運動，過往連10km 都未跑過，一報就已經報左半馬，我即刻認罪，求主比力量我堅持到9:00am。
過左一陣見到一幅好美麗的景色，天色好陰暗但起厚厚的雲層比我見到一線的署光，個刻我放棄的念頭即時打消，既然天父為我開路比我有機會可以做一d 自己想做的事情為甚麼要放棄呢？！個刻我明白放棄只係撒旦的計謀....
再過多一陣見到有一隻鷹起海上空飛，我跑住望住隻鷹，我唸起馬太福音的經文，天上的飛鳥神都看顧更何況係我呢！
所以我告訴你們、不要為生命憂慮、喫甚麼、喝甚麼．為身體憂慮穿甚麼．生命不勝於飲食麼、身體不勝於衣裳麼。你們看那天上的飛鳥、也不種、也不收、也不積蓄在倉裏、你們的天父尚且養活他．你們不比飛鳥貴重得多麼。(太6:25-26)
時間"疑似"過得好快，我聽住收音機跑，當我聽到收音機播新聞時，心裏百般的喜樂，夠鐘收工，拎部電話出嚟唸住起fb 打完咭就走，見到個時間再一次晴天霹靂，吓只係8:30am仲未夠鐘，唯有堅持行又好跑又好我都係要堅持到9:00am，因為跑得太慢爸爸成日都要跑返轉頭睇下我去左邊，因為我知佢唔鐘意跑呢條路，所以我叫左佢自己跑返佢的路線，又唔駛成日返轉頭搵我，我又可以行下跑下...
終於都到過左9:00am抬頭望向天好美麗的畫面，神撥開了雲霧，我見到的再唔係一線署光而係一個太陽！神不單比力量堅持到9:00am，仲比我感受到無論任何竟況只要禱告主必垂聽。
之後再慢慢跑返屋企，返到屋企都9:45am，足足玩左兩個鐘。即刻去食一個超級豐富的早餐~滿足！！！
祈禱
親愛的天父上帝我多謝你、讚美你，主你比我朝早起來有生命氣息、身體可以行動、可以活著有衣、有食都係神恩典，我唔係好富有或者好健康，但都要數算神的恩典，求你使我地在睡夢中醒過來，行在上帝美好旨意裏面，叫我們一生一世歡呼、喜樂，因為我們知道我要行主的道，預備迎接榮耀君王的降臨，求聖靈在我心中做工，求你旨示我當行的路！amen！
祈禱
親愛的天父上帝我多謝你、讚美你，主你比我朝早起來有生命氣息、身體可以行動、可以活著有衣、有食都係神恩典，我唔係好富有或者好健康，但都要數算神的恩典，求你使我地在睡夢中醒過來，行在上帝美好旨意裏面，叫我們一生一世歡呼、喜樂，因為我們知道我要行主的道，預備迎接榮耀君王的降臨，求聖靈在我心中做工，求你旨示我當行的路！amen！
2013年11月1日 星期五
Too Cool For School Pumpkin Sleeping Pack
呢個世界係無醜樣的女人只會得懶的女人，而係就係個D 介乎起中間的人，我唔靚，但又唔係好想日日都好勤力咁護膚人妝。
加上天氣開始越嚟越乾燥，懶筋又發作，mask 唔可以唔敷，但係又唔係咁想成日起度等，所以我呢個懶人就走左去買個sleeping mask，sleeping mask真係好岩我呢d 懶人用！
其實我係想買隻好少少的sleeping mask，點知我平時買護膚品間鋪介紹左呢隻平靚正的韓國牌子Too Cool For School Pumpkin Sleeping Pack比我。佢話呢隻真係好好用，又平只係$85就有100ml，其實大家都知我乜都會買嚟試，所以我都唔係好介意。
Too Cool For School Pumpkin Sleeping Pack 含有南瓜醱酵萃取物，能高效保濕肌膚，蘊含維他命A&β-胡蘿蔔素等養份，為肌膚提供所需營養，增加肌膚彈力，加強血液循環，從而改善膚色不均，配合木瓜蛋白醱酵，可去除角質層，令肌膚重拾光滑彈性，而且睡醒後更幼滑細緻
就係見到個packing 覺得個mask 好兒戲，因為好卡通化，自己覺得好雞，但係第一次用又覺得唔差，因為搽左上面之後好快就會吸收晒，佢又完全唔笠，搽住瞓覺都唔會怕整污jo 將床。瞓醒起身個塊好滑，唔會有好多面油，面色比較白淨，但我最注重的保濕真係好麻麻，敷完佢一晚之後再上妝個妝都係浮妝，平平地都廉價保養品都可以接受的。
加上天氣開始越嚟越乾燥，懶筋又發作，mask 唔可以唔敷，但係又唔係咁想成日起度等，所以我呢個懶人就走左去買個sleeping mask，sleeping mask真係好岩我呢d 懶人用！
其實我係想買隻好少少的sleeping mask，點知我平時買護膚品間鋪介紹左呢隻平靚正的韓國牌子Too Cool For School Pumpkin Sleeping Pack比我。佢話呢隻真係好好用，又平只係$85就有100ml，其實大家都知我乜都會買嚟試，所以我都唔係好介意。
Too Cool For School Pumpkin Sleeping Pack 含有南瓜醱酵萃取物，能高效保濕肌膚，蘊含維他命A&β-胡蘿蔔素等養份，為肌膚提供所需營養，增加肌膚彈力，加強血液循環，從而改善膚色不均，配合木瓜蛋白醱酵，可去除角質層，令肌膚重拾光滑彈性，而且睡醒後更幼滑細緻
就係見到個packing 覺得個mask 好兒戲，因為好卡通化，自己覺得好雞，但係第一次用又覺得唔差，因為搽左上面之後好快就會吸收晒，佢又完全唔笠，搽住瞓覺都唔會怕整污jo 將床。瞓醒起身個塊好滑，唔會有好多面油，面色比較白淨，但我最注重的保濕真係好麻麻，敷完佢一晚之後再上妝個妝都係浮妝，平平地都廉價保養品都可以接受的。
訂閱：
文章 (Atom)