2013年10月29日 星期二

Tniogy~certified organic rosehip oil

見天氣開始乾燥,所以搵D 比較油潤的產品出嚟用先。

今次用左Tniogy~certified organic rosehip oil好出名的玫瑰果油。

Trilogy係紐西蘭的品牌,獲得紐西蘭BioGro NZ Ltd有機認證,更榮獲Nature Natural Cosmetic Certification 認證。
所出產的純粹玫瑰果油,經由臨床實驗證明,可有效減少皺紋、撫平細紋、全面提升肌膚保濕度,使肌膚緊緻透亮。質地溫和不黏膩,富含Omega 3,6與 9,必需脂肪酸及抗氧化物,深層修護,呈現出肌膚的健康美麗。不僅可使肌膚賦活再生,更能有效減少疤痕與妊娠紋的色素沉澱。

近來發現Trilogy已經於萬寧上架,價錢方面同起外國買差唔多,如果平時用HSBC 有最紅購物日,一定會比起外國訂平,同埋仲唔駛等添。

因為我自己暫時未有皺紋,所以都係唸住用定玫瑰果油去防禦,而玫瑰果油的保濕效果好好,現在已經係秋天,我每隔幾日就會用佢嚟按摩。雖然佢係油但完全唔笠,吸收得好快,有助收細毛孔,減淡暗瘡印效果顯注!

Rimmel Lasting Finish 25hour Foundation

襯住轉天氣,我終於都可以用左Rimmel  Lasting Finish 25hour Foundation,Rimmel的粉底好出名,於英國的開架品牌,售價與May 記差唔多,但係Rimmel產地就係英國,粉底折合HKD73.90。

因為無得試色,所以我都係上網睇左其他blogger 的介紹膽粗粗咁買左顏色 "200 soft beige"嚟試,試用第一日覺得個顏色好深,再用多幾日終於都睇得清楚,個粉底的顏色除左係比較深色之外,個色仲係偏橙,只終亞洲人同西方人的膚色係有所不同,呢個粉底的顏色都唔係咁岩我!

粉底係防水、防油,我了超過12小時都完全無問題。

遮瑕度:高,因為粉底質感係超厚,所以遮瑕度好高,但係我自己就唔鐘意咁厚重的粉底。

滋潤度高,唔會好侷,粉底到了下午會變得更暗及黃......永不回購該品牌的粉底液......

2013年10月27日 星期日

探訪老人院

自從讀書時做過義工之後已經好多年無再與呢類活動。
 
適逢教會有老人院探訪,好有感動去服待及祝福未信主的朋友。感謝主比呢個機會我參與,亦都感謝主讓我改變尋回昔日的我。
 
今次係我人生中第一次探訪老人院,我地去左教會附近的慈恩護老院。
 
上去老人院之前有一個負責今次活動的同工講解要注意的事項……講解完畢之後就上樓進行探訪。
 
第一步踏入老人院見到有一位老婆婆坐左起度感覺好似唔知點咁,個心有少少唔舒服。
 
生老病死乃人生必經的階段,只在乎自己有無琴惜及生命有無白過。主再一次比機會我去明白呢個道理。
 
一入到院舍就有一位好開朗的婆婆走 埋嚟同我地傾計,或者係年紀大了行動不便,所以太多時間逗留起院舍,見到有人嚟探訪就好開心,不停咁同我地傾計。
 
這個老人院的公公婆婆都好熱情咁同我地傾計及玩遊戲。過程好順利亦都好開心。
 
起初報名時知道要為老人院公公婆婆祈禱時心情好忐忑,因為自己唔係好識得祈禱,雖然祈禱只係同天父爸爸傾計咁,但心裏都有擔憂,害怕自己講錯說話,影衰我的天父。
 
而我的恐懼只可以向我的天父傾心訴意,只有祂才知道我的擔憂,而我係奉天父的名去傳揚福音神必定會開路。
 
到了出席探訪當日,我祈禱的能力都好像沒有進步,所以唯有向姊妹請教該如何處理,好在得姊妹的提點,她說老人係求健康、喜樂,有了大方向咁就可以交比聖靈帶領。
 
數算神的恩典真好,因為我們的天父係又真又活的神,祂的意念比人高,無人能知天父的預備。今日我地分亨神的奇妙作為時有一位婆婆舉手叫我地比佢分亨佢的見證,婆婆由14那年經歷戰爭、患病時有位基督徒為她祈禱,她得醫治。我的天父真係好,不單止使用我們去傳揚福音,還藉著老人院的婆婆的見證祝福其他的人。

希望神將來比多d 機會我去服待,經過今次的探訪我的心靈好喜樂,願神繼續使用我作為祂的精兵,讓我可以同不同的人數算神的恩典!
 

2013年10月18日 星期五

Derma e Evenly Radiant Makeup Remover

我發現我自己仲有大量的護膚品存貨,所以我要盡力清左一部份先,如果唔係擺到過左期咁咪浪費晒!

Derma e 呢個品牌其實我從來都唔認識佢,只係上次起iherb 訂開野見佢有係成份天然、無防腐劑、無香料、無油,所以買嚟試下。

試用左一段時間,呢個卸妝液真係幾好,用佢卸普通的淡妝係完全無難度,卸完妝之後面部完全唔會乾,落妝潔淨度好高,不過用佢嚟落防水眼線個效果就唔係咁乾淨,要將化妝棉放在眼上讓防水眼線溶解先才可以落得較乾淨。

呢支卸妝液都係大約$67唔貴,值得試用下。

用呢個code "TGD808" 首次購物滿USD40可以減USD10,如未滿USD40亦可以減USD5。

2013年10月14日 星期一

Real Techniques~Blush Brush

起網上見到好多人都大讚Real Techniques的化妝掃,而好我的胭脂掃又唔係咁夠替換,所以我又訂左一支返嚟試下,折左約HKD64.23。超抵用!!新學化妝絕對不二之選。

掃毛係人造纖維好柔軟,抓粉力強,不過我自己覺得佢個掃頭其實都幾大個下,用嚟做碎粉掃都仲得,我自己覺得雖然係掃抓粉力強,但係如果用嚟上胭脂我自己就覺得唔可以做到好細緻,個掃柄好好拎,而個掃的底部係平的可以垂直都放支掃起枱面。

我係起 iherb 訂呢支掃,而用呢個code "TGD808" 首次購物滿USD40可以減USD10,如未滿USD40亦可以減USD5。


2013年10月12日 星期六

REVLON Colorsilk Luminista~148

歲月留痕......白髮又偷偷的跑了出來......

白髮嚴重地影響我的儀容,襯今日假期,快快的自己整理一下!

自己染髮真係好方便,雖然染出嚟的顏色往往都與盒上的顏色有所偏差,但我只係想把歲月的痕跡遮敝,我自己頭髮的顏色係深黑色,所以下次要買較淺色的顏色至得。

完成整個染髮過程之後,頭髮係好鞋,但用埋包芒果油修護素之後頭髮即時順滑無比,完全唔覺係岩岩染完髮。

2013年10月11日 星期五

祝福

信仰對於我嚟講只係個人的事,因為每個人都可以有自己的信仰自由!朋友信唔信神對我嚟講好似無乜關係......

身邊有D朋友已經受浸 / 決志但並沒有參予教會生活,但我從來都唔覺得有甚麼問題,亦都沒有開口叫他們返教會 / 祈禱。

因為每個人都可以有自己的選擇,我自己相信但唔想迫人地要去跟從,一直都覺得如果我咁做就會變得太hard sale......

上個月有個朋友遇到感情的煩惱,而呢位朋友已經起外國受浸,但回港後並沒有參予教會生活,亦都無睇聖經及祈禱。當時我好有感動叫佢祈禱交托比主,因為人並唔知神所安排的道路,神的意念比人高。當時朋友回覆我,一定係主叫我提醒佢要多祈禱。當我見到佢咁回覆我,我個心又有一份莫名奇妙的開心。原來簡單的一句提醒係可以祝福到身邊的朋友......

過左兩個星期左右,呢位朋友又問我 "真心想問祈禱同睇聖經幫唔幫到妳遠離痛苦",於是我即刻將我自己的經歷同佢share,仲好屬靈咁同佢分享聖經。凡勞苦擔重擔的人、可以到我這裏來、我就使你們得安息。(太11:28)

呢d 一切一切我知道唔係出於我的口,係出於神的旨意,唯有神才可以改變人的心思意念。今日我朋友又問我關於聖經的野,我真係好感恩,我只係做了少少的事情而可以令到我朋友再次親近主,天國我係有份的amen!!!

今日再次經歷到主的同再,月尾有個飯局,平時我係唔會主動起whatapp 開個group 出嚟約人,但係唔知點解我尋日就做左,其中一個朋友起個group 講模到自己個乳房有個腫瘤,今日睇完醫生驗出自己兩邊乳房都有好大,要等到下星期五出左報告先至知幾時可以入醫院。我當時好唔開心,心裏問神點解......好傷心!但其中一個朋友記得我係基督徒,佢叫我代禱,我當時好感動,我算得係乜,但係神會不斷提醒我去祝福身邊的朋友......

主啊!求你讓Doris 於等待報告的一個星期都有一個平安的心、爸爸求你拎走Doris 心中的擔憂、恐懼、傷心、唔明。求主的福都大大臨到Doris一家,讓她可以積極面對自己的病情、放鬆心情及可以大大的經歷主的信實。amen!!!!

2013年10月10日 星期四

COACH Legacy Leather Crossbody Flight Bag

唔見點解我自己對皮的手袋係情有獨鐘,所以我揀的袋一定要係皮我先至會買。

但係皮極難打理,又易發霉,但係鐘意呢樣野我自己就改變唔到,所以唔理得咁多一於繼續買啦~~~~

今次買左coach 的細size 手袋,自從coach 起香港上市之後,品牌的風格完全改變了,有部份款式更走上了型格的路線!

我呢個袋起專門店買$2880,我自己本身係member 都係得9折,今次上網搵左代購幫我起美國買,大家都知coach 起美國買得好平,用代購都係比少少手續費加運費,所以計起上嚟都平成一截,都係一個星期左右就可以收到個袋。

個袋好靚!好鐘意呀!不過我自己就覺得條帶長左少少,如果可以短返少少會更prefect~~~


2013年10月8日 星期二

至尊重慶雞煲

本來今日係約左西藏團友出嚟食飯,好可惜最後個個都甩底,今日只係得返我同要藏細佬出嚟食飯。

反正得我地兩個人所以我就揀左近近地的旺角,起openrice見到呢間雞煲好似幾出名,所以就打左電話去book 位,但原來book 左位都要等半個鐘!

我去到比起book 枱時間遲了足足半個鐘,去度見到有好多人起度等緊,而個reception 就唔知去左邊度......唯有企起度等。本來唸住遲左咁多要從新再排過,點知個reception 又即刻比位我,只係話左我兩句做乜遲咁多先至度。

估唔到兩個人食個雞煲都咁大個,仲要個雞都幾好味,少少辣又帶有少少甜,食完個雞煲再加湯就可以打邊爐....

時間過得好快,食完都差唔得十二點,埋單一d 都唔貴$138,仲免收加一,汽水任飯,打邊爐配料都係任食,真係幾平,唔怪得知咁多人排隊啦!

希望下次可以約到西藏的團友出嚟食飯啦!

2013年10月6日 星期日

新記芝士麵茶餐廳

突然之間好想食芝士撈丁,我唸好多人都知道尖沙咀有一間有好多明星食過的芝士撈麵!於是我就去openrice search 下睇下除左尖沙咀個間新間之外,仲有無其他餐廳都有得食。總共只係得三間,而位於旺角個間因為有時間限制所以要再就下d時間先!
 
今日就去試左灣仔呢間新記,去之前前都好懷疑究竟灣仔個間係唔係尖沙咀的分店呢?
 
去到見到門口沒有任何的明星合照,所以我估都應該係無乜關係,只係個名有d 相似!
 
今日order 左一個燒豬頸肉芝士撈公仔麵配熱飲$40。
 
個麵嚟左見到好多芝士汁,我呢個芝士怪真係超鐘意食芝士,撈好左個麵每一口都有好多芝士汁,好可惜個芝士汁好淡,味道唔夠濃,對於我呢個芝士怪真係有少少失望!麵都好爽口彈牙,如果係出前一丁會更加好!豬頸肉燒到好乾好"鞋"味道都ok.....
 

2013年10月5日 星期六

Solone eyeliner

已經用過好多支Solone眼線筆,亦都因為佢太好用,加上價錢超平,所以我又忍唔住入多了幾支不同顏色的眼線筆!
 
眼線係我每日必定要畫左先至可以出街,Solone眼線筆對我嚟講係超防水,我自己本身唔係油眼,仲要係超乾個隻,所以講唔到比大家知油眼人會唔會溶!
 
眼線顏色係比較實色,加上有少量的閃粉,好符合我的要求,上眼好順滑,好易拉開至剔起的眼尾,眼線筆顏色的選擇亦多,平均都係$35~$45一支,真係好抵用......
 

2013年10月2日 星期三

iherb

今次起iherb 訂野比平時早了一日收到,原因係今次用左dhl global priority mail,所以今次件件係唔須要簽收。

亦都因為訂今次的order 我的信用咭被盜用了......

iherb 的運費係以磅數計,首8磅收取USD8,其後每一磅多收USD1,我埋單時係差唔多8磅,但係收到件件只係5.3lb,如果個磅數可以準確少少,我一定會再買多少少乾果及薯片......

今次總共用了USD85.19=$673.67 (@7.9078)

用呢個code "TGD808"首次購物滿USD40可以減USD10,如未滿USD40亦可以減USD5。

2013年10月1日 星期二

老川皇

唔知由幾時開始我的味覺已經失去了辣味,於是我四出咁搵食川菜的食肆。
 
因為我真好想食返一餐好辣的菜,所以我起open rice 搵下有無d 出名的川菜!
 
見到人話位於旺角@老川皇係味道正宗的四川菜,於是抱著好大的期望去食......
 
今日點了一個水煮牛肉,職員問我要咩辣度,我當時答要最辣,等了十幾分鐘先至上菜,好希望真係食到好正宗好辣的四川菜......
 
當個餸拎到埋嚟,食了一口,好失望!一d 都唔辣,呢個勁辣連少少的辣味都無......而牛肉用鬆肉粉醃得太耐,令到牛肉失去了本身的口感!
 
$58一個午餐都算頗貴,個餸入面大部份都係芽菜,牛肉份量都多。
 
因為個餸都幾大盤,所以一個餐兩個人share 都ok。
 

工作中的磨難

因為之前的經歷自己係唔鐘意負太大的責任,我一直都只係想做一個寂寂無名的小職員....

工作崗位上的整合,我由一個小職員開始要管理自己的團隊,性格上我好怕人經常地煩我,我下面班同事係d 咩類型的人?佢地會將同一個問題問我十次、每日自做開的工作,每日返工都可以問我一次點做!我最怕人煩我,奈何地我的團隊內的同事就係呢D 咁ge 人!

作為別人的上司,我的同事從來唔會尊重我、比指示佢地要完成的工作,從來都係唔服從指示。我根本唔在符佢地尊唔尊重我,我叫你做,你地唔做到最後都係你地自己受返。

經過呢兩年的時間,我的性格慢慢地都被磨練到好暴燥~~~

永遠都係意識到會被投訴的工作就同我報告叫我去頂,從來都唔會尊重我,個個都想博出位、博表現,無得我同意下就自己去接人地比佢的工作,老老實實你地接返嚟的工作,有咩事又係我受晒,每次都係自己接的工作做唔掂就同我求救,有時心裏無名火起~~~要博出位、博表現我自己都識,我由無須要由你地下面班人代我去做,更何況我自己都唔想背負太多的責任......

日子耐了我漸漸的明白到聖經的話語,無論見到任何的逆境都要喜樂!

在患難中、也是歡歡喜喜的.因為知道患難生忍耐.忍耐生老練.老練生盼望 (羅5:3-4)

在指望中要喜樂.在患難中要忍耐。禱告要恆切 (羅12:12)

近呢幾個月我漸漸地開始慢慢地學習,我要禁止我口說出一些唔造就別人的說話,所以每當我下屬做錯野,我都會選擇唔出聲,只係用post-it去溝通,但係人永遠都唔會覺得自己錯,永遠都只係將自己無限放大,睇都未睇自己錯乜就鬧左我先,平時的我鬧返佢十句啦,但我要學習神的榜樣,我選擇左好淡言咁同佢講你自己睇下先啦!

其實兩個月前我強烈同亞姐要求要換左最難啃的同事,佢當時答應我會唸下,但係今日開完會,佢依然都係繼續要under 我,當時晴天霹靂,心裏繼續問神為何要繼續磨難我??

平時隔離team 做錯野,我亞姐又鬧我,其實又關我咩事呢,點解唔鬧當事人呢?慢慢地我又學習了忍耐.......

我自己係追求公平,起個幾用前我上面終於都請了一個senior,但係唔知點解工作上都係要我take 重要最大舊個part,對我超唔公平,點解個senior 可以做d 咁簡單的工作,而我就要take 最大舊最易出錯個part,個心真係百般的問號?

上星期主日講喜樂,無論處於任何的境況都要喜樂,因為神並沒有允許天常藍,但常與我同在!

但當我睇埋呢幾段的經文,我終於都明白,神有祂的美意......感謝主,我再無因為工作而埋怨,神禁止我口說出不造就人的說話,縱然同事會令到我好嬲怒,但我都忍耐......我要在我生命中去學習喜樂.......

你們落在百般試煉中、都要以為大喜樂.因為知道你們的信心經過試驗、就生忍耐。但忍耐也當成功、使你們成全完備、毫無缺欠。你們中間若有缺少智慧的、應當求那厚賜與眾人、也不斥責人的 神、主就必賜給他。(雅1:3-5)