新 Blog 開張！

一直我都係用開Yahoo Blog，自己對Google Blog 真係唔熟悉，所以從來都無唸住用呢個Blog。

誰不知今日一上Yahoo Blog見到一個重要的公告，就係Yahoo Blog要關閉，個刻的心情真係十分震驚，亦都十分之唔捨得，因為我寫了Yahoo Blog都已經有6年，好唔捨得咁多年的回憶，雖然話就話可以搬Blog，但係都唔知會搬成點！

希望我所有的回憶都能順順利利搬到過嚟啦！大過Google & Yahoo 係兩家唔同的公司，真係好怕咁搬家發會唔見左好多野......不過我又有得揀咩？

我對Google Blog 真係毫無頭緒，希望可以搵到點樣開返D分類！

我需要有祢在我生命中

CHEN YU eye Contour Gel

早兩日起身突然見到左眼生左粒油茲粒，我都唔知點解，但係見到之後覺得好唔開心，係咁上網搵有D咩方法可以整走去。

當然啦生左出嚟真係好難先至可以令佢消失，唯一的方法都係做laser，所以我都決定當有一日我生多左幾粒之後再去搵個醫生同我K.O. 佢！

現在唯一可以做的就係搽CHEN YU水溶蛋白除油粒眼部啫喱！個sales 話呢個眼霜都有好耐的歷史，去油茲粒係去出名，所以我快快咁買左佢返屋企試用！希望有所幫助。

眼霜$430/15ml

 

白蘭花

今日路過花墟，去行左一個圈，估唔到比我見到有白蘭花賣，我真係好鐘意白蘭花的香味，而且買得好平，本來只係買一包 ($6/包)，可能係因為就快數檔的關係，所以店主賣$10/2包比我，咁我又即刻買左兩包，每包有7朵白蘭花，比起我平時起公司樓下買$10/3包得9朵真係平好多！

Olay Prox Advanced Cleansing System 淨透換膚潔面儀

的方式起面上不停咁轉動，洗面時間全面約一分鐘便可！其實用洗面奶都可以，未必一定要用可以起泡的洗面膏！

洗面擦原價係$329，萬寧逢星期五、六、日好多時都會做七折，等佢七折時買折左都係$230.30！平平地都幾抵用家。至於擦頭方面建議每三個月就要更換。

OLAY 呢部洗面機仲有一個好處係佢用乾電池，唔會好似濕電咁用到無電時唔可以即刻換塊電就用得，仲有部機係防水的。

單車一日遊

上個月已經約好左今日去踩單車，可惜之前幾日天公唔造美，日日都係咁落雨所以我地都唔知今日去唔去踩單車好！

最後我地都係決定左照去，無論落雨與否，我地都會如常出發，如果落雨唯有淋住雨照踩，我地係帶定左衫，如果真係咁不幸踩踩下落雨唯有完成行程之後就去換衫。

到出發當天，天氣異常的好，天朗氣清，烈日當空。我地約十一點出發，完成整個單車行程由大圍踩去馬鞍山終點站係大尾督！還車都已經4:30，真係估唔到我自己的體能係可以咁好，雖然真係覺得有D 辛苦，但係過程好開心加上可以做到咁長時間的運動，真係好開心！

租單車$70踩足5個鐘加上又有足夠的運動量，真係好滿足，當我地踩到去大尾督水霸的時候，見到有人起到放風箏，初時我地當到呼呼聲以為係電動的風箏，到接近源頭先至發現，原來係人手放風箏，呢度係兩條風箏，但放風箏者的技術高超，竟然用手都可以令到兩隻唔同的風箏可以平排於空中飛翔！

還完單車搭返巴士去大埔市中心，再食左個簡簡單單的下午茶，我就食左一個好清新的長腳蟹沙律，呢個沙律的份量實在係太細，唔係好夠飽！

G6 消腩丸

早幾年睇報紙見到有斷新聞講香港人工作壓力大，導致有排便困難，最嚴重的情況係有一個病者連續一個月都沒有排便，因為這個原因肚腩大到不得了，最後因為長時間未能排便而導致條腸爛左！！！

自從我睇左呢個報導之後我自己都開始意識到自己都有排便困難呢個問題，我自己本身係兩日一次，我就呢個問題都尋求過家庭醫生的意見，醫生話由細到大都係咁係正常，只係我平時條腸移動得比較慢。

日子耐了我發現我排便的次數越來越少，基本上每星期只有一次，因為宿便的問題的肚腩越來越大，成日有入無出呢個感覺真係好唔掂，因為個肚塞滿好多廢物令到個肚有一重逼爆的感覺！

講返我自己的飲食習慣，我平時都都係多菜少肉，有時更會以沙律代替正餐，我吸收的纖維應該係好足夠，只可惜我條腸實在係太懶加一D 無形的壓力令到我排便的情況每況越下......

我已經大大話話試過好多方法去解決呢個問題，但係每次試到有效個D 方法都只係可以KEEP 到頭個一個月，之後就唔得啦....

講下我試過咩方法先：
1. 西梅汁---對我來講完全無效
2. 西海---每次食七粒，又係完全無效
3. 蜜糖+肉桂粉 (布緯療法)---頭個一個月係好有效，之後可能係條腸適應左，所以效力開始遞減，現在已經係唔Work
4. 火龍果---都係頭個一個月有效，之前效果下降，而個將食量由每日一個改為每日兩個，將個效果拉長了一段時間

最後有個同事同我講話佢食開G5 消腩丸，佢話G5 消腩丸係可以幫助排便，我一聽到即係就想試下夠竟係咪真係得，於是就走左去萬寧買，我買的時候已經出到第6代，我今次買的係G6 消腩丸話到個效果係更加好，價錢都幾貴 $299，跟足指示份量食，一盒只可以食到15日。

我依足盒上的份量食用，不過有時食完飯先至記起未食，所以會食飽飯之前食，第一日食時候同事已經將佢的經驗分享左比我，佢叫佢平時都無依足盒上的份量去食，但都可以做到好滿意的排毒效果，佢話第一日食已經有即時有反應，個肚係會扭住痛之後就會即刻去排毒，而呢個過程係忍唔到。

可能係我條腸實在係太塞，所以我係食左第四日先至有反應，第五日又靜止左，我依加要繼續食埋淨底個d 睇下仲有無效先，遲d 再同大家分享個效果！

萬寧濕平日

越嚟越鐘意去萬寧買野，因為每次去萬寧都會有驚喜，試過好多次去到收銀比錢過機時就有野送，送得的野都唔會係cheap 野，今次送的野仲誇張，我四係買左六百幾蚊野，但係送比我的贈品價值最少都值$350，抵！抵！抵！

而萬寧好多時都會起星期五、六、日提供更多的折扣優惠，好似我今日買的產品，其實好多本身都已經係特別產品，既然過機比錢時再有額外的七折，加上近來匯豐又做緊最紅商戶優惠，今日買野真係折上折折折！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
以下全部都係是次購物的贈品！

潮興魚蛋粉

今日去完聽音樂會就去左銅鑼灣食我最鐘意食的潮洲粥，其實潮洲粥即係我地平時食買的泡飯，而我最終意食的就係蠔仔肉碎粥，數數手指原來我已經有幾年都無食過呢碗美味的蠔仔粥，入到餐廳坐底了真係比價錢嚇了一跳，今日一碗蠔仔粥已經賣$45，再加上一碟我的至愛腐亂通菜$12，真係回味無窮！

細細粒的蠔仔脹卜卜咁，每粒都好肥美，加上粥內的配料又足，有冬菇、肉碎、蠔仔、八爪魚。仍然回味中！！

E.L.F. Angled Contour Brush

早排又好想買一支化妝掃用嚟打鼻影，今次只考慮平價之選，因為我實在太多化妝掃，其實係無乜必要入貨，今次只係為買而買。

見之前起iheb訂開野所以就訂埋E.L.F.呢個廉價品牌，折左大約$30 (未計運費)，真係平到你唔信。

其實上網seach 都可以搵到好多網站介紹呢個品牌，每個品牌都有佢自己皇牌的產品，相信 Angled Contour Brush並非皇牌，所以質素並唔係咁理想。

講返支掃的質素，就咁睇支掃唔似係一d 平價貨，因為掃的杯係好靚的木制，至於掃毛的質地唔係好硬及又唔吉，不過掃毛的抓粉力好低，唯又掃多幾下啦！


於iheb訂任何物品，用呢個code "TGD808" 首次購物滿USD40可以減USD10，如未滿USD40亦可以減USD5。