2012年6月30日 星期六

Pot of Gold Skin Balm

唔知由幾時開始我患上了濕疹,上年冬天痕到我想死,爪到佢出晒血都止唔到痕,早排起團購見到Pot of Gold這個品牌,仲要話係專治濕疹療效顯註,於是我就買了一瓶15g的試下,我去左個換購地點都好幾次,但係次次都摸門釘,好在我能於到期日前換領到。

15g的cream 半價只係$30,希望佢可以幫到我徹底更治我的濕疹。

2012年6月27日 星期三

投訴的士司機

今日真係好嬲,我真係忍無可忍,每晚都十一、二點先至放工,仲要成日比司機拒載,其實D 的士司機咁鐘意揀客不如唔好駕的士啦!無謂阻住個社會經濟啦!我返到屋企即刻上網搵下投訴的士司機的途徑!

原來係好簡單只要於運輸署的網頁內便可以找到,填寫的士投訴表格便可!只要填寫事發時間、地點、的士車牌、的士姓名、事發經過就已經可以。不過始終都係第一次投訴,所以經驗唔夠,我無抄個司機的姓名,一次再有同類事件我一定會抄低!

填完成份表格後,我沒有收到電郵回覆會處理我的投訴,因為個的士司機實在係太可惡,我決定明天會再打電話去運輸署投訴佢,為我自己今日遭受的不平等待遇討回一個公度。

今日於中環干諾道中15-18號大昌大廈地下 (吉野家門外)截了的士KJXXXX,上車時同司機講行西隧去返家,司機想了一會兒回答我,你落車多等一會就會有九龍的士。
我問他是否唔識路,當時司機答唔識路,咁我已經話我可以帶路,跟住佢又話部車壞壞地唔方便去咁遠叫我落車,我依然堅持要司機送我到達目的地。司機等了很久亦唔願意開車,再過多一會司機慢慢開動的士全程行車以極慢的速度行駛(全程不超過40公里)
當中我使用電話忘了告訴司機要於轉彎 (但我覺得司機是故意的,作為一個專業的司機,經過專業的路試考核,很難相信完全唔識路),之後我再帶司機出了旺角,再由旺角旺角才可以到達目的地。
平時我只須要用15分鐘已經可以由中環回到目的地,但今日司機用了雙倍的時間行走同一段路程。
作為一個乘客,每天被拒載已經覺得好討厭,每次司機都會想出層出不窮的方法去玩弄乘客實在令到的士業蒙羞!

2012年6月23日 星期六

筷子記

車仔麵除左可以係湯麵仲可以係撈麵,一個月前的一個星期六OT 去過中環一間比較出名的車仔麵食店,食了一款很好味的車仔撈麵,於中環區真的很難找到一個價錢合的午餐,三餸車仔麵包飲品都係$32,真係好抵食!

車仔麵的餸同一般街外食到的亦不大相同,真係好好味,平日LUNCH 去到實在係太多人排隧,星期六呢D OT 時間去就好好多,起碼唔駛排隊。

2012年6月18日 星期一

Samsung Galaxy S III

今日終於都考完試,考完試的活動真係多羅羅,首先,要去剪頭髮,跟住就係去買埋之前訂左個部S III,剪完頭髮之後已經好夜,但係3仲未關門於是就去買埋佢返屋企,對上一部電話HTC Desire 不經不覺間已經用左2年多,其實部電話仲未壞,不過我跌過佢落地下四、五次,大家都知我係一個完美主義者,我又點能夠忍受刮花左呢?

之前3有promotion 比舊客戶,我今次部機比起市價仲要平$4,480,加$798月費回贈,有於時間夾得太好,我新申請的信用咭亦都到加,買左部電話之後有$300現贈,tarde-in 左部舊電話$750,加加埋埋,其實我部機都唔係比左好多錢出嚟買。

買完部機都已經差唔多十一點半,咁夜都唔知可以去邊度買到個機殼,好在回家途中見到一間買電話殼的店,因為部機太新,所以無乜款可以選擇,個殼$148,磨砂保護貼$80,實在係太心急,其實係買貴左呢兩樣野囉!

2012年6月17日 星期日

笑話一則

話說溫書溫到傻左,買左盒雞精返嚟見到個盒英文名明明係寫住Essence of Chicken, 我唔知點解睇到係 Essence for Childen,我仲以為自己買錯左,仲拎住個Product list 起度睇點解會拎錯左,個刻我係搵唔到。

每一次我飲的時候我都心唸兒童雞精我自己飲左有無效力,到今日我終於都清醒原來個盒係寫住Essence of Chicken唔係 Essence for Childen

2012年6月16日 星期六

Dr. Swiss BB Skin Serum

呢支serum 係上次特價時買落,這個品牌Dr. Swiss BB Skin Serum可一不可再,完全唔好用,支serum 仲要係有少少凝結左,搽左上面塊面好似被抽乾水份咁,完全唔好用。

2012年6月15日 星期五

牛蒡冬菇姬松茸紅蘿蔔粟米湯

因為放假準備考試,所以可以安坐家中飲碗湯,今日煲都係一D好簡單的湯水,今次用的材料全部都係偏向甜,個湯好似大雜燴咁,個咁道太複雜了,我自己唔係咁終於呢個味道。下次唔會再咁煲...

材料:牛蒡、冬菇、姬松茸、紅蘿蔔、粟米、麥棗、西施骨

考試良伴

仲有幾日就開考,心情非常緊張,都唔知自己溫過D 乜,要應付這個超級艱難的考試真的不知從何入手。

越係想溫快D 就越適得其反,總是溫唔入腦或者腦海一片空白,亦集中唔到精神!

雞精真係能夠迅速提神及加強集中力,今日飲左一支即時精神晒,集中力又強左,每次考試都要靠你啦!

2012年6月10日 星期日

黃耳姬松茸淮杞螺乾湯

每星期一湯已經成為了日常習慣,對我來說最好每日都有一碗湯飲啦,飲得湯多皮膚又好D,加上我日捱夜捱,真係要進補一下啦!呢款湯想煲幾個月,可昔之前買唔到姬松茸,早幾日樓上終於都返左貨,所以今日可以煲啦!


平時媽媽煲湯只係來來去去都係個幾款,而我就乜野材料都會用,今日煲湯用左一種叫做姬松茸的菇菌類植物,其實我從來都唔知佢係乜嚟,自從買左返嚟先知佢係D 乜,用佢來煲湯真係好好飲!


材料:黃耳、姬松茸、淮山、杞子、乾螺片、圓肉、蜜棗、瑤柱、西施骨

2012年6月6日 星期三

RMK Make Up Base

個base 終於都用晒啦,又可以試下其他品牌,一直都好想試RMK,但係次次都因為某些原因買左其他品牌,今次我特登走左去sogo買左個base & foundation。

RMK make up base $320,相對其他品牌RMK 係貴左少少,見咁多人話RMK好用,我真係未試過就好似對唔住自己。

起counter 試上手感覺好水潤,好快吸收,質地係好水狀,搽完之後塊面好保濕,令到個妝容更加貼服,夏天用都好正,起碼塊面唔會太早泛油令到個妝浮。

唔怪得知咁多人推薦這個品牌,值得回購!


2012年6月3日 星期日

羅漢果菜乾無花果湯

今日本來唔係煲呢款湯,好可惜材料預備不足,到準備煲時先發現要煲個湯的主角材料無貨,所以臨急臨忙就地取材就煲了以下的湯,我自己係第一次用羅漢果煲湯,好在份量得宜,煲出來的湯水唔會太甜。

材料:羅漢果、菜乾、紅蘿蔔、無花果、麥棗、南北杏、西施骨

2012年6月2日 星期六

衰多手

因為公司裝修今日公司停電直至下午二時後,所以今日無人返公司做野,得自己一個工作心情特別的輕鬆,我做做下野攰攰地就會搞下我D盤裁,呢盤S286+之前 (10/02/2012) 切左個中心位出來比左phoebe 之後,過左幾個月佢就生左好多芽出來,我見舊個幾塊葉都好老,於是都唸住摵左去啦。

首先,搣第一塊的時候好順利,可能係塊葉都好老,一啪咁就甩左,當然一不離二,搣得第一塊咁開心當然係想將餘下的老葉都拔掉啦!好等嫩芽有足夠的養份,誰不知搣第二塊時感覺不妙,好像連嫩芽都拔埋出來,心唸死啦,仲繼唔繼續落去好呢?最後,狠心的我當然手起刀落咁拔埋佢出嚟啦!

拔左出嚟之後再細心研究一下,原來嫩芽係依附著老葉生長,而這個新生命好不幸地佢自己並沒有長出根來,所以我再唔能夠將佢同老葉分開,唯有即時拎個花盤加埋泥出來種住佢先啦,這樣的情況都係第一次,希望這小小的生命得以延續,星期一返公司再睇下佢點先。

2012年6月1日 星期五

可憐的S518+

兩年前我將這盤S518+送了給他,兩年後因為他轉工所以將盤花回贈給我,當我第一眼前到盤花真的嚇了一跳,嘩!太多葉了,而且整盤植物都細了很多,相信是營養唔夠,葉片大部份都枯黃了!

我拎了回家實在唔忍心見到佢咁樣於是即時開工:換泥、摵葉、換盤!拎左盤花出嚟之後見到有霉菌,真的嚇了一跳,本來都無唸位影低去,但見到咁的景況真係唔影低佢唔得!

全部枯葉都無摵走,我一次過摵左二十幾塊葉,現在即時似返一盤花啦!希望佢可以再健健康康咁成長,再次開花啦!