2012年5月27日 星期日

杜仲淮山茨實黨參杞子湯

每星期一湯,今個星期都唔知煲乜湯好,本來唸住唔煲,但係媽媽尋日已經問定今日會有乜湯飲,咁唯有上網搵下可以煲乜啦,適逢之前買落少量藥材,所以今日煲埋最後一份杜仲,咁就可以停一停隔一段長少少的時間先至再煲,因為我自己唔係幾鐘意樹皮湯的苦味

今日真係唔小心,為左剩起一碗湯嚟影相,一不小心就比好滾的湯燙傷了手指,十指痛歸心,真係痛到我呢~~~,我勁用冰敷都指唔到同,仲要比老豆及媽媽笑我,小小事都做唔嚟!

杜仲、淮山、茨實、黨參、杞子、瘦肉

2012年5月21日 星期一

S615+ Raspberry Halo Sport

終於都開花啦!!!S615+ Raspberry Halo Sport係我咁多盤紫羅蘭中最貴的一盤,亦都係由花苗開始種到長出花來,其實每日望住佢真係唔覺得佢有得到,但當我對比起之剛剛買回來的相片才驚覺,花兒一天一天的長大,而我亦都年華老去

由21/8/11起發叔度帶左S615+ Raspberry Halo Sport返嚟,不經不覺間已經係有9個月的時間,每日我都對佢悉心的栽培,好開心終於都見到有少少成績,同樣地都只係開出一朵花,但這份喜悅真係不能用筆墨所能形容。

2012年5月20日 星期日

粟米無花果瘦肉湯

每星期能夠有一煲簡簡單單的湯水已經心滿以足,多飲湯水可以滋潤皮膚,加上我日捱夜捱,一定要飲多D 湯水至得!

是日靚湯簡單易煲又無難度,都係一般家庭湯水。

材料:粟米、紅蘿蔔、無花果、蜜棗、南北杏、陳皮、瘦肉

2012年5月18日 星期五

S666+ 第二次開花不及第一次

唔知係唔係現在係紫羅蘭盛開的季節,起我枱面的小盤栽幾乎全部都在盛放、爭艷。不過我自己覺得第二之再開的花花,點都係不及起發叔度買回來時靚,唔知發叔平時比咩去培養呢?

2012年5月17日 星期四

終於都再開花

最開心莫過於見到於公司的紫羅蘭開花,仍記得上年去左花展買了一盤不知品種的紫羅蘭,見佢平加上當時又開緊花,所以就買左佢,自從第一次開完花之後,佢就再無開過花,時間一日一日咁過,終於都過了一年多啦,今日終於都見到有一朵花盛放,無錯只係一朵,雖然只係一朵花,但總好過自從第一次之後就無再開過花啦!

盼望著佢下次再有更多的花盛開,讓我能感受神的奇妙作為!

2012年5月13日 星期日

花膠響螺竹絲雞湯

是日係母親節,煲返煲靚湯來孝敬母親大人,祝願天下的母親,母親節快樂!

花膠 1個
響螺 1片
竹絲雞 1隻
鮮准山 2兩
雪耳 1朵
杞子 10粒
桂圓10粒
金華火腿 2片
薑 1片
水 1.5公升

2012年5月6日 星期日

靈芝黨參圓肉杞子湯

第一次煲靈芝湯,今次落多左靈芝用左50g,成煲湯都煲到好苦,我自己當然係唔吃得苦,下次再煲份量要減半至得。

材料:靈芝、黨參、圓肉、杞子、淮山、瘦肉

2012年5月1日 星期二

NeoStrata Facial Clanser

早幾個星期起萬寧換左個NeoStrata 的試用裝,set 試用裝入面有瓶Facial Clanser,用左一個星期效果都好滿意,我自己唔係好鐘意好多泡的洗面膏,因為有一種感覺係用完之後塊面會好乾,第一次用佢個係完全無泡,只要整濕塊面,再用佢嚟洗面,洗完再用清水過乾淨就得啦!洗完面完全唔覺得乾,個感覺好清新,產品本身係有果酸的成份PHA4,我自己之前出左好多暗瘡,用左一個星期多這個facial clanser發現暗瘡印的色素減淡了。

星期上星期六萬寧正價貨品75折,而我之前用credit card 買左幾張9折的coupon,最係我係用左 $133.70 ( $198x75%x90%) 買這瓶 facial cleanser。