節瓜紅蘿蔔花生鱆魚湯

今日煲這個湯共用左9種不同的材料，本來只係想煲一個簡簡單單的鱆魚湯，最後好似變到係大雜薈，乜都放晒落去煲咁...本來係無預到要用粟米，點知我老豆話粟米平買左3條 ($5) 粟米返嚟話要放埋落去煲，我見到係平時用來煲湯用的主要配料，唸住無乜所以謂，所以咪又放埋落去囉！

材料：
鱆魚
花生
眉豆
紅蘿蔔
節瓜
粟米
乾瑤柱
陳皮
瘦肉

Business Trip

Ooooo.....today received a mail from financial controller. I am very surprise that this e-mail is to invite some of our finance colleague to attend our company’s Group finance Conference held in Singapore. At first when I read this e-mail I am very strange on the list all the colleague in the senior management. I think it maybe send to me by mistake.  Finally, I confirmed that I really on list to join the Group Meeting. I am very nervous to attend the meeting…  

Guinot Instant Eye-Mask

好耐都無買過牙膏狀的eye mask，因為個人懶，成日都貪方便買一d 現成，一開即用的mask，加上平時敷面的保濕mask 我又會拉上少少敷埋對眼，無法啦個人懶嘛，今日終於都的起心肝去買返個專為眼而切的eye mask，今次試左Guniot Instant Eye-Mask，佢的功用主要係收緊、去黑眼圈、減淡幼紋、舒緩眼部疲勞。

gel 狀好快被皮膚吸收，氣味好清香，敷完之後皮膚緊緻，去黑眼圈就唔好奢望，平平地都幾抵用只係$280就有30ml。日日敷都唔覺肉痛！

Melvita-Moisturizing Care

近呢幾個月真係超忙，每日都已經無乜私人時間，今日起lunch time 時去左行IFC，路過Melvita其實一直都好想試這個品牌的護膚品，所以就行左入去睇下，其實我都唔知自己想買乜，我個target 都係偏向想買玫塊類的產品，因為我一向都知玫塊主要功效係保濕，今日個ba 話比我知原來玫瑰唔係好適合我的皮膚，因為我皮膚係乾到唔會出油，仲有少少暗瘡，所以佢介紹左以下的Moisturizing Care比我，試左起手，雖然佢個油，但搽上手係好快吸收晒又唔笠，氣味都唔錯，所以唸都無唸就買左，起香港買一定會貴少少，但又時都唔係樣樣野都可以計得咁清楚，反正都買左，所以都唔理得咁多啦！Moisturizing Care $360/30ml。

返到屋企再睇下個包裝盒才驚覺，原來這個產品亦快將到期，所以我又要急急咁快些用晒去。

我自己皮膚係超級乾，所以這類油狀的產品非常之適合我，加上這個產品不油不笠，用佢嚟打底真係好好用。

 

385 Rob's Penny Ante

我眾多盤的紫羅蘭中，以385是係開得最後次花，而我這盤385亦曾經繁殖了很多後代，隔了8個月385又再一次盛放，買回來時才是一盤小小的花苗，轉眼間已經開了好多次花了！

大家一齊欣賞一下我盤385啦！

 

杜仲鱆魚南棗湯

早排於報紙睇到以下的湯水，見屋企仲有杜仲，所以就煲呢個湯飲。

材料：
杜仲   2錢
杞子   3錢
桂圓肉   3錢
南棗   5粒
生薑   2片
鱆魚   約1/2兩
瘦肉   6兩

黑豆杜仲西施骨湯

天氣潮濕的日子相信已經過去啦，今日鬼死咁熱，熱到我一路溫書一路標汗，睇嚟下個星期都係要煲返D 消暑的湯水飲。

今日這個湯水主要是補肝腎。

材料：黑豆、黑棗、杜仲、淮山、杞子、西施骨

掙扎求存的S516+

復活節長假期後第一日返到公司已經見到有部份的紫羅蘭已經開了花包括萎縮中的S516+，其實早幾個星期前已經見到佢有一個花蕾，但真係唔捨得移除佢，但係眼見自己盆花由大花盆不斷咁搬去細花盆，仲越搬越細，到今日已經移植到花苗盆，而只剩下的這幾塊葉仔，已經係無得再摵走佢啦，雖然我現在已經係好勤力咁落肥料，但係花子依舊的是由葉邊開始枯黃，希望朵花開完之後佢仲可以生存得到啦！

唔知盆花是否很缺乏養份，連朵花的顏色都變到好淡色，唯一興的是佢仍然是十字花。

生地蓮藕西施骨湯

又到每個星期的煲湯環節，因為要用晒之前買落的生地，所以就上網搵下睇下有咩好湯水，左揀右揀我決定左煲以下呢個湯，唔知點解煲出嚟D 湯成日都咁多油，究竟點先至可以隔清湯上面D 油呢？

材料：生地、連藕、紅棗、赤小豆、西施骨

Dead Sea Premier Aromatic Mineral Treatment

買左這瓶Dead Sea Premier Aromatic Mineral Treatment返嚟都有幾個月，又係時候開左去用，唔知又幾時開始我所用的身體磨砂轉左做鹽，Dead Sea Premier 的產品有幾好用真係唔須要多講，我記得我第一次試這個產品時係好無聊咁起街等緊朋友，Dead Sea Premier 的sales 好多時都係拎住呢瓶浴鹽四圍兜搭人地去試，唔駛錢試又可以hea 住等朋友，所以我又去玩埋一份，這個鹽比我的感覺好特別，佢本身係好乾，拎上手係可以一粒一粒鹽咁分開，完全唔覺得佢係有任何的香薰油成份，但當按摩完久後再過水，就會發覺身上有一陣油，感覺唔會好heavy，完全唔覺得笠及油，沖乾淨水之後就會感覺到皮膚好滑。

因為這個浴鹽質地好乾身，所以放在身上按摩時好容易就會全部掉在地上，而鹽粒亦必快溶解，因為鹽的粒子好細，大力按摩都唔會覺得痛，可以係鹽粒溶得比較快的關係。

刮花左部車

今日去左元朗食飯，因為停車場無車位所以我地將部車泊了於較高的樓層，食完飯之後因為我問左一個關於我們之間的問題，他依然沒有正面回答我，每次我問佢這個問題佢都會好心煩，所以佢好心急咁離開，起一個轉彎位，我地部車出唔到去，佢強行咁衝過去，咁行佢部車就刮花了...

California Pizza Kitchen

難得的一個復活節長假期，人地就可以請幾日假放足十幾日，我就要起長假期日日返工，做會計呢行真係慘，人工又低，工時又長，仲要無止竟咁讀書，又要ot，又要讀書，人生苦短，可能就係因為做會計呢份工，而令到自己的生命變得枯燥乏味。

好在今日終於都可以享受一下復活節期了！一朝早同左屋企人去食lunch，細佬話要食好少少而我地地處旺角區真係唔知食d 乜好，我左唸右唸最後都係決定左去California Pizza Kitchen，食物質素都唔錯喎，四個人食平均都係百幾蚊一個人，不過食物上得太快，好食去左快餐店咁，不消一會所有食物都已經上晒，但又要食又要傾下計，食物好快就凍晒。

BBQ Chic Chop $98

Portobello Mushroom Ravioli with tomato sauce $98

Seafood Ling with Cream $132

Cheeseburger Pizza $98

NeoStrata Sample set

近來腸胃唔好生左好多瘡起個下巴及鼻下，所以要急急搞搞佢，其實之前都有用過NeoStrata Gel Plus，只係乾左少少，但係起不經不覺間就可以煥膚都幾好用。見SAMPLE SET 都幾底$29.9，所以再買來搞搞D 暗瘡。盒內仲有一張$20 coupon，不過買水貨平過行貨好多，下次都係買返水貨。

復活蛋

每年復活節都好渴望收到復活蛋，不過今年就無人送比我，唯有自己送比自己啦，早幾日起超級市場見到有MICKEY 復活蛋，真係比佢個包娤騙到，我初時仲以為係KINDER出奇蛋，再睇真D 唔係KINDER，係一個唔識的品牌，三隻復活蛋$24.90，見價錢OK加上有幾個公仔幾得意，當係幸運大抽獎，希望會抽中一隻MICKEY啦！

羅漢果茶

今日係復活節假期的第一天，真的不幸今日又要OT，已經連續由星期一至星期日咁返工個半月啦！返埋今日可以真正的得到一個短暫的休息，因為SAP 即將上場，亦即以未著公司的龍爭虎鬥亦即將開始！

好開心呀今次係第一次煲野比豬仔飲，煲左羅漢果茶，原來豬仔唔係咁鐘意太甜，下次要放多少少水落去煲，等豬仔飲得開心D。

其實我都唔知豬仔係咪真係鐘意我咁做，當豬仔知道我拎左一樽羅漢果茶之後，佢whatapp 話同我食飯，順免拎埋，好可惜今日都唔知要做到幾多點，等我仲以為佢已經起公司做緊野等我，當我一完成手上的工作就行過去搵佢，我行到過去金鐘之後佢打比我話因為我唔同佢食lunch所以佢仲起屋企，呵呵！無所謂啦，咁多年來都係咁，次次都係我等佢家啦，豬仔問我食左飯未，佢同我去食少少野佢先至返公司做野，我地一齊去左食元氣。好開心呀！可以見到豬仔就會好開心，可以見到佢個心會好甜，唔知點解，見到佢笑我都會開心...

粉葛赤小豆杜仲紅蘿蔔湯

早幾日聽收音機介紹左一款去濕的湯水，於是我就抄底左佢個材料，今日煲左LU，之前都唔知杜仲可以起邊度買，初時都唸住杜仲係藥材，應該去藥材鋪買，後來知道原來樓上都可有買，不過杜仲都幾貴8兩$88。可以分開四次煲。杜仲個陣味真係未必個個都可以接受到，因佢的味道係苦苦地，味道唔係咁討好囉！

杜仲功效：補肝腎、強筋骨、安胎、降血壓