Sala Thai

今日又要去element stocktake，雖然唔駛我地自己take，但係我地要去數countsheet，今日點個間係細鋪，點完收埋晒所有野都已經點半，於是就起element食埋午餐，日來係想食拉麵，但係睇過個餐牌後發覺無乜野岩食，所以行左過去Sala Thai食泰國野，不過起element 食lunch 都幾貴仲要加10% service charge，今日埋單$92.00，不過近來成日OT 間中食一餐好d 都唔係咁過份。

Tom Yum Kang Seafood noodle

Longan drink

牛蒡冬菇粟米甘荀無花果雪耳瑤柱西施骨湯

又煲左湯啦！自從發現左牛蒡有一個好強的排毒功效之後，基本上我每日都會沖牛蒡飲，而湯水方面都希望可以用到牛蒡，今次個湯我自己覺得比較清，只係一般的家庭湯水，唔係一D 乜珍貴的食材，平日可以煲多D 嚟飲！


材料：牛蒡、冬菇、粟米、甘荀、無花果、雪耳、瑤柱、西施骨湯

舊式麵包鋪~復活蛋

兒時陣經收過爸爸送給我的復活蛋，所以每年都好想收到一籃復活節，但係人大了，又有幾多人仲會當我係小朋友咁送比我呢？反而係我會想送出復活蛋比人讓別人能夠開心。今日我又買左一籃送比豬仔，雖然我唔知佢鐘唔鐘意，但只係我的小小心意，希望佢收到都好似我咁會好開心啦！

今日豬仔會接我放學，所以今日返學之前我就去買定一籃比佢，因為拎住好多野，所以唔方便買大籃，希望下年可以買到一籃大復活蛋比佢，等佢都可以同我一切感受下復活節的喜樂！

豬仔原來唔知到復活節將至，當佢見到我拎左籃復活蛋出嚟，我見到佢有少少好開心的樣，佢仲問我乜就快聖誔啦！唔知點解我無時無刻都係想令到豬仔開心...

KFC 避風塘脆辣雞

已經好幾年都無食過KFC，近來真係好想好想食，可昔近在左近的KFC 好多都已經執晒，無法啦！租金太貴啦，所以就算想食都唔知可以去邊度搵到間KFC，今日去學陶藝見到火炭竟然有一間，於是心思思咁走左入去，入到去見到有一個避風塘脆辣雞，心唸"避風塘"應該辣，正岩我，所以我就叫左個避風塘脆辣雞餐，話時話今日KFC 已經變到好似茶餐聽咁，一個餐包埋餐湯喎，飲左一啖個湯，真係好正，辣辣地加好少的酸味，飲完之後真係好開胃，至於個雞都係平時個D 炸雞，只係起個雞面灑上一D 蒜粒，味道好普通無乜特別...

藝舍

終於都踏出了上陶藝的第一步，上個月見到團購有得買coupon 去玩，於是心大心細咁唸緊買唔買來玩下，可能只係一堂的關係價錢非常之吸引，只係
$108就可以參加。見個價錢都唔係好貴，就算book 唔到都唔會肉痛，所以我就買了一張coupon 去試下。

買完coupon 到我記得要book上堂時間的時候已經太遲，因為好多班都已經爆滿，好在起最後一日只夜的時份尚餘少量的學額就係咁我就又驚無險咁報到名。

雖然今日係星期日，但係我都要ot，仲要特登早少少放工先至可以去到學，上課時間係7:00pm，我去到火炭都已經6:50pm，一向唔識路的我，當然係搭的士去目的地啦，原我走個時發現原來個上課地點係好近，根本係唔須要搭的士，個的士司機載住我遊車河兜了一個帶圈，下車的士費係$36，但係由火車站到上課地點都係10mins左右，唉！被搵笨...

上到去藝舍我已經係遲左少少，導師已經差不多示範完如何製作，好在個導師知道又人遲左到，所以再教多一次。睇完之後我自己開始可以埋位玩，每人係有兩件泥土製作，自知自己無乜藝術天份，加上太心急及我部機好似壞壞地係咁不停起度轉，搞到我都唔知點控制佢地，所以我不出十分鐘已經催毀了兩件泥土，亦即係話我用左個幾鐘的時間去火炭，只可以玩到不出十分鐘的陶藝，真係好氣憤，浪費了我的寶貴光陰，早知係咁我就唔到啦...

牛蒡赤小豆粉葛湯

近來天氣實在係太潮濕，所以煲返個湯去濕的湯水飲，我自己好小會煲魚湯，今次都係用西施骨煲湯...

材料：粉葛、赤小豆、牛蒡、西施骨、蜜棗、陳皮

Amigo

足足為佢籌備左個生日搞左幾個月，無辦法啦返工真係好忙，忙到個腦實晒乜都唸唔到，其實最難唸係買乜野生日禮物，雖然我budget 左一個好龐大的金額做佢份生日禮物，但係我真係唔知應該買乜，或者咁講基本上用錢可以買到的野，佢自己都有能力可以買到，我真係好苦惱夠竟應該買乜好呢？本來係決定買瓶香水，但係香水真係無乜紀念價值，最後都比我揀到一份我見到好開心的禮物比佢，點知今日見到佢，佢望左我份禮物個袋第一句就話吓呢間野又貴又唔抵，言下之意即係佢話到我送d乜比佢啦，真係好失望，原本仲唸住佢唔會知道係乜比個驚喜佢，誰不知我刻意營造的所謂驚喜，一點驚喜也沒有

為左唔好自己一個去度個餐廳起度等，所以我去接埋佢放工再搭的士去，可能係太早的關係我地等左半個鐘都無的士，搞到我地去到遲左少少，不過唔緊要啦，一入到去上就已經係待應開門比我地，入到去好快就有職員安排我們座位。座低後已經開始有live brand 唱歌，氣氛好好！

我地座後好快就揀左今晚的set，就咁睇佢一個set 的價錢都幾貴，一個set $790，但係物有所值，食物質素唔講得過好好，但唔係差，加上每上一份食物佢的安排都好細緻，食到咁上下隊live brand 就會走過嚟唱歌，點唱咩歌都得家，食住野又有歌聽，感覺好特別，即間餐廳的氣氛都好好，去呢到慶祝生日真係好開心。

因為係佢生日，我起open rice 見d 人話佢個拿破崙生日蛋糕好好味，所以我又order 左一個等佢可以切蛋糕，唔知呀我好想佢可以過到一個好難忘的生日，如果我能力能夠做到我都好希望能夠令到佢開心、快樂。

點知個待應話如果有人生日餐廳係會送個蛋糕，真係好驚喜，估唔到有免費的蛋糕，今朝早amigo 打電話比我confirm訂位，我再要求佢地起個cake 到加埋佢個名上去，yeah！食埋甜品待應就推左個生日蛋糕出嚟，隊brand 仲同時行埋嚟一齊唱生日歌wow見到佢個樣都幾開心！佢等我地影晒相之後再用佢地部即影即有相機為我們拍照留念。

餐廳仲送左一枝玫瑰花比我添呀...由八點半開始食，食完已經係十一點，時間真係過得好快，只係好似入左去一陣，話咁快就過左一個愉快的生日。

翠華~豬頸肉炒公仔麵

又係OT 時段，今日同事揀左叫翠華，近來唔知點解有想食麵，所以今日揀左豬頸肉炒公仔麵，不過翠華只係得個貴字，佢的食物都唔係咁好食，不過算啦其實食得飽就算啦，每日都有咁多野做，食飽都係得個做字，不過晚餐唔係咁好味，食完都無乜心機做。

Bourjois~healthy mix foundation

呢瓶粉底係上年生日時以優惠價購買，其實我自己又唔係咁鐘意用Bourjois 的粉底，因為佢本身係無防晒，加上這個品牌的粉底偏向較白，我自己就唔係咁鐘意，我想我個底妝好自己，化左妝同無化妝係無乜分別，但係買過幾次這個品牌的不同系列的粉底，只終都唔係咁合我的要求。

這個粉底是標榜long lasting，這個方面確實係出色，因為近來成日ot 真係測驗到佢有幾long lasting，超過15個小時都無溶保濕度又高，我呢類極乾的皮膚於早排百份之三十幾的濕度的情況下用，只係出現脫皮，個底妝完全沒有浮，依然貼薄，這方面絕對值得讚！遮瑕度都好滿意，粉底有一陣陣好清香的花果味，粉底的狀態係液體妝非常之易推開。唯一的決點是沒有防晒。

Jenny Bakery

好似有年幾無買過Jenny bakery 買cookie 食，因為返工太忙，搞到街都無時間去街，今日OT 完見唸住去剪埋頭髮先至返屋企，見去到油麻地都未夠8點，所以唸住去買埋COOKIE，但係又唔知Jenny bakery 關門未，今時今日真係好方便，只要用個電話上網就可以搵到電話，於是就打個電話去油麻地店查詢關門時間，完來係8:00pm 關門，見仲有幾個字都夠時間行過去買，本來只係想買盒4mix 細size，點知個店員拎左個曲疴出嚟見到咁細盒，即刻就轉左要盒大的，因為Jenny Bakery實在係太好味，細盒邊到夠食吖！見到8mix 個盒咁靚於是又埋買，可以用個罐嚟放下雜物。買完兩罐曲奇之後好滿足咁行過去剪頭髮。

8mix 細 $95/480g
4mix 大 $110/680g

年幾前4mix 細 $60/420g，今日要$70/340g ，細盒左好多。

Shortbread cookie (左上) 是 比 較 硬 身 小 小， 帶 些 少 咸 味 。

Butter cookie (右上) 牛油味相當濃，質地鬆化 。

Coffee cookie (右下) 同樣是很鬆化，差不多入口便溶，咖啡味極濃 。

Oatmeal raisin cookie (左下) 用碎提子乾、燕麥，四款中最脆 。

八種口味~果仁系列 

(1) 咖啡杏仁曲奇 (coffee almond)~最愛歡迎，口感鬆脆、有咖啡香、佈滿杳仁片 。(2) 榛果曲奇 (hazelnut macadamia) ~ 原味牛油、再加入美國榛果、夏威夷果仁製成 。(3) 腰果曲奇 (cashew nut) ~ 原味牛油、再加入大大粒腰果製成 。(4) kenan(5) 朱古力豆果仁曲奇 (chocolate) ~ 較薄身，有馬來面亞朱古力豆、印度腰果、美國合桃 ，入口帶甜。
(6) 開心果曲奇 (pistachio)
(7) 罌粟杏仁曲奇 (alomod poggy seed)(8) 合桃曲奇 (walnut) ~ 入ロ鬆化、佈滿合桃。

Maybelline Hyper Diamonds Liquid Liner

呢枝Maybelline Hyper Diamonds Liquid Liner係我大半年前放工時無聊行入屈臣氏見到佢大減價買，見佢個包裝加上個外型都係好似我好鐘意的品Bourjois，價錢方面當然係平好多啦，特價後$49.00，當然啦一分錢一分貨，Maybelline 係產自國內，人工各方面都平D，所以售價當然會比起其他牌子平。

用左幾次，個質地同bourjois 一樣，眼線液本身係有閃粉，搽上眼又唔會好誇張，好岩我呢類唔係咁鐘意實色的人，掃頭都算係粗，如果想用來畫好幼的眼線就未必適合，但就非常之適合我這個內雙眼皮的人，我要畫得粗，所以個掃頭越粗越好。唔好睇佢咁平其實都係long lasting，一句講晒抵用！

送給他的生日禮物

仲有個多星期就係豬仔的生日，每年都好想買份生日禮物比佢，但係我都唔知買乜比佢好，唸左好耐，本來唸住買香水，但又覺得香水無乜紀念價值，所以這份禮物已被放棄，唸左好耐不如折現啦，但係比幾多錢好呢？一萬好似幾OK，但折現又好似無乜誠意，加上佢比我更加有錢，錢對佢來講又唔係D 乜，所以又放棄左這個念頭。唸左好耐佢的生日已經越來越近，今日突然間比我唸起好多年前起海港城見過有一隻豬好得意，所以都唸住買這隻豬送比佢，但係我覺得隻豬可能會好平唔係好襯佢個身份....

今日特登早左好多放工都係8點左右，搭車去到海港城就即刻去搵賣豬間精品店，間鋪係Papyrus，其實我都唔知間鋪會唔會執左，因為香港鋪租貴，真係有幾多間鋪可以捱得過不斷加租的壓力呢？好在最後我都搵到間鋪，起間鋪個窗櫥度睇左好耐，再入去望下隻豬幾多錢，大豬$565，小豬$250，好貴呀！左睇右睇都唔知點解隻豬會值咁貴，可能就係貴在個設計啦！

但係我第一個見到隻賊仔豬就覺得佢好型仔，一見到佢我就好開心，唔知呢可能我覺得佢見到都會開心啩，不過我知道佢實會覺得我好無謂，嘥D 錢買埋D 無謂野，但係我只係想佢開心咋！無論佢鐘唔鐘意我都希望佢收到會開心啦！

218 Chocolate

本來這塊218的葉係一塊即張被遺棄的爛葉，好在有我呢個好心人唔忍心佢被Phoebe 棄丟，所以我就收留左佢用水養住佢，又或者個時係啱啱開始種紫羅蘭，總時覺得要經常修剪老葉係一件好可惜的事，到了今天都種植了差不多兩年，已經對這些老葉沒有太大的感覺，只係會覺得太多老葉會吸整盤植物的養份，所以我現在每星期都會修葉一次。

時間過得真係快轉眼間這盤218 Chocolate已經培植了一年四個月，正如發叔所講218的生長速度係比較慢，由用水種出根後落盆，經過了一年多才可以見到佢長大了小小，真係好奇妙，可能每日都望住佢，又唔係好覺得長大了，今日再將佢成長過程併合在一起，才驚覺不知不覺間218已經長成了一個迷李品種的size，唔知係唔係真係好似發叔咁講要等3年先至可以開花呢？

原先這塊爛葉係孕育了兩個小生命來到這個世界，好可惜我上年去旅行回家後這兩個小生命都淹淹一息，最後，其中一個小生命都不敵炎夏離開了，現在只餘下這個218小生命慢慢地成長。