2011年9月30日 星期五

寫我心情

尋日無端端多了一天假期,因為颱風納沙襲港,工作了這麼多年,以住經常都盼望著8號風球可以有一日假期,今次應該係第一次我唔希望8號風球。因為勞碌的工作真的令我喘不過氣來。

有幸入到去這間公司工作,真係令我看盡人生百態,公司今時今日請個cleck 都要qualify,唉!如果唔讀書真係工都無得做!

在工我真的不想同你們任何一個人爭,爭乜?爭上位、爭表現、爭寵。上有上爭、下有下爭,個個為求上位不擇手段,自己同一個部門互插,唔同部門只要對方覺們你對佢有威脅佢地都會想盡辦法將對方插死去。

而我這個傻頭傻腦的人,雖然唔想同你地爭,但係我行出來個勢太強,個個都想搞我,佢地日日都不斷起度搵我有D 咩做錯,就連我亞姐都同我講,真係唔知點解個個都想搞我。救命呀!這十個月來我多般的忍讓我抱著我不犯人、人不犯我!但事實並非如此,只係我唔犯人地,而其他同事不斷地去搞辦法去插我,我今日同我亞姐講我忍夠 (其實佢一直都同我講我唔想同人地爭唔代表人地會放過我!),其實我一向都明白對別人仁慈即時對自己殘忍,既然係咁我都唔想再對自己殘忍!

我為求唔想同佢地爭我經常我亞姐講,我願意自降身價但一d 低微d的工作,但係我亞姐話出得咁多錢人工,就要做返相應的工作。

我今日真係忍夠啦,既然我唔犯人,人地就去想盡辦法插我,雖然到今日為止我仲仍然無穿無難,次次比人插我,最後find out 係插我個個自己做錯,既然係咁我今日同我自己講我要復仇!

我同自己講過今日係我唔想同你地玩呢d 爭上位遊戲,如今你地咁迫我我真係忍無可忍...如果我要同你地玩,你地真係要好自為知,求下你地唔好再迫我啦!我唔想咁樣...希望你地收手啦!

2011年9月28日 星期三

Dead Sea Premier Concentrated Facial Serum

Dead Sea Premier 的產品真係好好人,今次買左 Concentrated Facial Serum,其實一講起Dead Sea Premier好容易會令大家想起這個品牌的皇牌產品Miracle Noir Mask,我都係因為這個mask,所以才對這個品牌產生了興趣,亦係繼AHAVA後,我係大量賞試用佢其他不同的產品。

第一次用這個產品都係抱有一個平常心態,不寄予太大厚望,泵了一下這個serum於手上,好黏質感好杰身,但不油不膩好容易推開,皮膚吸收較慢,一搽上面已經聞到一陣好香的柑橘味,搽完之後塊面好一種絲般的順滑,滋潤度足夠,收緊我自己又唔係太覺。


瓶上有一組數字唔知會唔會係有效期呢?

AHAVA Birthday gift

做左AHAVA會員已經一年有多,但係我從來都無起香港買過佢的產品,其實係因緣際遇比AHAVA marketing 個同事search 到我個blog,所以我先至會做左佢地的永久會員,今年係我作為價員後過的第一個生日,起月頭的時候已經數到佢地將禮物咭,但係都無原動力去換,日子一日一日咁過,差唔多到期要換。

個人又好奇好想知道AHAVA 會送D 咩比會員,於是抱住好奇的心態去換 Birthday gift,真係貪字得個貧,見佢地送比我份禮物都唔係細份,係兩支分別40ml 的身體磨砂及沐浴露,個sales 話如果我即時購物仲可以額外多10% discount,其實護膚品我近期入了好多貨真係唔想買住,起我搞搞震時比我發現左原來AHAVA 出了兩件新產品,而我對這個產品亦好有興趣最後都係不敵產品的效果即時付款帶走了它。就係Extreme night treatment,原價$790,價員有85折,再加額外的9折,折實價係604.40。個sales 好好人係咁問我想試d 咩產品,可以比d sample 我試,我自己就真係無乜野想試唔想浪費人地d 產品,所以我只係拎左兩個眼霜及一個面霜。



2011年9月25日 星期日

Pekkle 2012 datebook

近來吹先生可能生意太好,一些廉價的pekkle 產品佢再無post 起佢fb,搞到我買漏了一些pekkle 文具,上星期無意中起三聯見到出左pekkle 掛曆所以我就再去行下搵下有無枱曆,完來亦都已經出了,但係我太懶啦,買了成個星期先至捨得update,近來pekkle 一家大細都可以出場,真係可喜可賀,可能係sanrio 知道我們一眾friends 的訴求,所以都盡量滿足返我地一班小粉絲的慾望。

講開又講今年本datebook 售價已經要$8,仲記得起中學年代我好鐘意買這種datebook 用來記事,時間轉眼又過當時只售$4的一本datebook 現在的售價已經係$8。

唔好睇少這本售價平平的datebook 內頁的構圖一d 都唔簡單,雖然佢唔係彩色印刷,但係無顏色都有無顏色的特別及好處!

今年本datebook 以踩單車為主題,好切合近來的單車熱及環保主題哦。

Pekkle 2012 Calendar

2011年9月22日 星期四

Neal's Yard Remedies~Frankincense Hydrating Cream

NYR 亦係我另外喜愛用的一個牌子,佢起英國係好出名,只係香港仲未有得買,這甚面霜價錢好大眾化只係£24.00,我之前買係有折,不過平野無好,原來係D倉底貨,仲有7大半年就到期,所以我要快D 用晒佢至得!

大約一年前我已經用過NYR Frankincense Nourishing Cream,今次瓶面霜主攻係保濕,我自己覺得質感上兩都看上去個感覺都係好硬,但係搽上面就好易推,我自己最鐘意就係佢個陣乳香味,每次搽完之後都精神晒!保濕度都唔錯,平平地都幾抵用!

Stock take at Macau Boutique

今次已經第二次去澳門盤點,上一次係有一個同事帶住我去,我只係負責點貨就可以,今次係我自己一個人去永利點貨,雖然我成鬼日都去澳門,但係次次都係有人陪住我唔會迷路。

其實月頭已經知道要去澳門點貨,仲要係自己一個人去,我所承受的壓力真係好大,間中會發夢夢見自己一個人去左澳門而扎醒,雖然個個都話睇我唔似咁弱,但係人係無樣睇家,我係一個完完全全沒有方向感的人,所以千祈唔好依賴我帶路。

今朝daniel 一早就send message 比我叫我記得上船,其實上船我一定記得只係平時成日塞車姐!daniel 就係咁好

時間過得好快今日已經係第四日要準時返工,雖然準時返工係每位員工應盡的責任,奈何我身處的地點,真的不能控制,紅隧每日的塞車令我每日都遲到接近半個鐘,雖然公司又無乜點處理過這個遲到問題,但係每當有group 的高層到訪,FC 都會要求我地準時返工,我都做了接近一年,都係試過兩次,所以計落都好抵。

今日我係第二個到達西橋,終於都可以上到船,今日好大浪,一上船就瞓到落船,完全無被船的搖晃而影響。落船後各位同事分組坐的士去目的地,而我就係突左出嚟的個個,雖然yip 話左比我知起吉祥樹附近,但係我入到去見到公司其中一個牌子,因為公司所租的鋪位大部份都係起隔離,所以我唸都無唸就向住間鋪的方向行呀行,越行就越唔對路,最後我都忍唔住要去information問路,個receptionist 真係好好即刻拎左個商場地圖比我,完來我又行左反方向,仲要係反方向的盡頭咁濟,於是我拎住個地圖,好快我就搵到目的地啦!

一入到去鋪,店員就已經係當我係異族,我都明白名店的職員係咁,加上我仲要係落去要佢地做野而唔係比生意佢地做,佢地就更加唔多so我,我係咁多個同事之中點最少貨的一個,但亦都係點都最慢的一個,鬼咩!鋪d 同事根本個個都唔願意同我點,個個都做生意至上,每當有客人行入店鋪佢地個個都走晒去招呼客人,因為成日都有好多客人行入間鋪到所以我成鬼日都要自己一個起度呆等、發霉。到差唔多5點鋪d 事差唔多放工,而我都仲未點完,佢地就起度講再點唔完佢地唔駛放工,我當時心唸咁班人真係,本來係可以快快手手咁點完等我走,佢地就採取拖字訣,拖到無得拖就her her 聲咁點鬼完,真係有利益衝突,就會係咁。到晚上7點終於都完成了盤點,於是我就再去埋位於附近的一間鋪,本來係咁住下午我可以點完再過去幫手,誰不知幫唔到手之餘仲要搞到咁晚。

我地一行8人努力咁希望快d 完成埋餘下的一間鋪,最後都8點幾先至點完,食埋晚飯再去搭船,返到屋企已經差不多11點,真係好疲累!

2011年9月19日 星期一

Cosmetic Dead Sea.com

上一錯過左Cosmetic Dead Sea.com 30% off,點不知過了一段好短的時間30% off discount 又再度重臨所以我今次就入定了少少存貨,Dead Sea Premier的產品真係好好用,次次起oversea website 買野都遇到問題,真的不能不相信自己係一個黑仔。今次訂貨遇到的問題係Cosmetic Dead Sea.com 個web site 計錯左discount 比我,其實我都已經比晒錢,真係估唔到佢地會send 返個mail 比我話係佢地system error 要追返個尾數,起法律的角度我已經完作了整個銷售過程及收到order confirmation,真係好難想像會有這個程況出現。佢地個system error 係出於我訂了佢地d set,但係我比錢時佢地都計埋discount 比我,其實佢個mail 係講明discount 係apply for 所有items,言則set 都應該係有discount。

最後,我都係比返個尾數,而且重新揀選過某部份的產品,當時Cosmetic Dead Sea.com亦都同意我所作出的更改。誰不知我收到貨品後發現佢寄錯左貨品比我,雖然件貨品價錢係一樣,但係唔係我想要的產品,我收到真係有少少不滿,左追右追最後都係送錯貨。

本來我係訂左Collagen,Beta Carotene & Seaweed Mask 最後我收到的貨品係eye serum,雖然eye serum 都好好用,但係並非我所買的貨品

Cosmetic Dead Sea.com 寄貨真係好快收到上次又係第6日就收到,今次都係第6日就可以收到貨品,Cosmetic Dead Sea.com 係用雙掛號寄包裹,所以好安全一定可以收到貨品。


Product
Original Price (USD)
Dis.
Total
(USD)
Night Cream Complex58.9530%41.27
Milk Cleanser24.9930%17.49
Instant Stretching & Revitalizing Mask58.9530%41.27
Regenerating Night Cream58.9530%41.27
Collagen Beta-Carotene and Seaweed Mask58.9530%41.27
Concentrated Facial Serum58.9530%41.27
Anti Age cream58.9530%41.27
265.11
=HKD2,109.93

2011年9月18日 星期日

Bali Garden Indonesian Restaurant 1968

今日去完挪亞方舟回程於新世紀落車,當然係順道起個度食埋晚餐啦,新世紀可以選擇的餐廳比較少,起open rice 見到Bali Garden Indonesian Restaurant 1968被選為米芝蓮餐廳,當然抱住試下佢地d 服務、食物質素等。食完之後都唔知係點評選,食物又唔係好食過人,但我肯定待應的服務態度一定差過人囉!

今晚叫左個四人餐,都叫做幾多野食,我自己就覺得個酸辣蝦湯好好味,仲有就係個串燒好特別,第一次見有餐廳會用蠟蠋來熱住d串燒,而味道都唔錯。其餘的食物都係普普通通。一個四人餐$748,加10% $823,每位要$206,這個價錢我覺得會有更多的選擇,這間所謂的米芝蓮餐廳試過一次就足夠,我唔會再來的。


三色拼盤~春卷, 粟米餅和魚餅

雜果沙律

串燒

海南雞

巴東牛肉

胡椒蝦

炒椰菜

蕉葉烤鴨~超難食

一件硬到不多了的蛋糕

挪亞方舟

今日終於都去左位於馬灣的羅亞方舟,好在起網上見到有起新世紀有得坐穿梭巴士入去,車費來回$38,乘車票只可以於新世紀購買,所以出發前要決定好回程時是否會返回新世紀,但這輛旅遊巴有時間限制,尾班車開出時間係18:30。

如果真係想由新世紀出發的話必須考慮他們所出售的門票,因為新世紀係綑綁式銷售,要乘坐他們安排的車輛必須要購買埋入場券,而新世紀只出售最貴的門票$145,包晒去所有景點,本來只係想買$100的門票,最後無端端多付了$45,而且唔夠時間行晒即個展館,所以覺得有少少浪費...車費連入場費每人$183。

由新世紀坐車入去羅亞方舟車程大約25分鐘,話咁快就去到,我地搭13:00的車出發,起到售票處換返d 入場券就可以入場。

$145的門票可以參觀以下的景點:
1. 大自然公園
2. 方舟花園
3. 方舟多媒體博覽館A
4. 珍愛地球館
5. 方舟生命教育館
6. 神舟聖殿
7. 方舟劇場
8. 雙頭城堡

入完去參觀如果並有宗教信仰,只係想影下相,買最平的門票已經足夠,因為 3 - 7 主要都係講關於羅亞方舟的故仔,大部份都係耳屬能詳。而我自己覺得最值得去參觀雙頭城堡,未入去之前完全無idea 係d 乜嚟,入到去先至知完來係展覽好多的雙頭動物,無錯係兩個頭,真係好難想像,神造物的奇妙,同一個身體可以共存活兩個頭,各自有各自的思想,但就要共用同一個身體,好奇妙。

我可以親眼看見這些動物真係難得,因為世界上要搵到咁多雙頭的實在係好困難,而雙頭城堡就養活了幾十隻不同品種的龜、蛇等。今日見到一隻雙頭龜,一個頭想向左走,另外一個頭想向右走,見到佢地兩邊起度角力,礙於大家共用同一個身體所以無法妥協,最後因為一個向左一個向右,所以停留在地上。如果會入羅亞方舟參觀的話絕對值得入去參觀。

今日園方安排了魔術表演,第一次咁近距離睇魔術,真係好好睇,魔術表演其間有都講道時間,人生只係一場幻覺,來去衝衝,只有依靠神才會得著平安與喜樂!


就係這隻雙個龜一個向左一個向右爬...