今朝早好早就起左身，Daniel 怕我唔知醒，8:00am 已經開始打電話比我唸住叫我起身，佢真係用心良苦，佢總共打了4次電話比我，佢又真係唔怕我鬧佢，佢務求要嘈醒我為止。
我初時仲以為係Lorita打比我，所以第一之個電話響的時候我都無唸過要起身去聽，個電話係響到繼線為止，過了一會兒個電話又再次響起，今次只係響了兩下，我當然係繼續努力瞓過啦，再過了5mins 左右電話又再次響起，今次我真係忍唔住用對手塞住對耳仔繼續瞓，到第四次，個電話再響起我真係忍唔住起身去聽左個電話去，點知一聽到怕聲先至知係Daniel 不斷地打比我。
我地約左9:00am 起lobby等，雖然我有好多次morning call，但係最遲去到lobby個個竟然又係我...
當我落到去個時原來Daniel & Kelvin 已經享用了酒店提供的早餐，咁我地又唸住試下，反正公司都比左錢，去食少少如果唔好味先至再出去食，就係咁Daniel & Kelvin 又再去食多一次早餐，因為我地係雙人房所以我地係每人有兩份早餐。
呢間酒店無論lunch & breakfast buffet 都係無乜野食，所以我地只係食左少少就一大班人出左去繼續食食食...
今朝起酒店食的早餐
每日必飲的咖啡，但係這間酒店的咖啡唔夠濃
嘆埋杯咖啡後，我們就返房收實行李然後check out，再將所有的行李寄存於酒店內。今日第一站去了位於營地街市綜合大樓三樓的熟食層~勝記咖啡，為的只係飲一杯別具特式的瓦煲奶茶。用瓦煲煲湯就聽過，奶茶就真係第一次，一上到見到有兩個煲藥的瓦煲，我即時好心急拎起我部相機影低去先啦！
一杯又香又滑的瓦煲奶茶只係$8
勝記咖啡地址：新馬路營地街市綜合大樓3樓
飲完一杯好好味的奶茶後我地一行8人就四圍再去覓食，唸住今日天氣咁好去行下大三巴。今朝早真係熱得好緊要，我又唔記得帶多包紙巾，平時好少出汗的我都熱到大汗淋漓。
去完大三巴我地好順路咁行埋上去砲石，沿路見到有一間好特式的小賣部，內部擺放著一些中國好古舊的“萬壽無彊”茶杯，以前細細個成日可以見到呢d 杯又唔覺得有乜特別，但時代的變遷，這些古舊的用品已經很難得才可以起市面上見到，既然今日無意中比我見到我當然影底去做個紀念，入到這間小賣部搞搞震完之後，我就買左枝綠茶，話晒都叫做起入面搞左咁耐點都要幫襯返下，如果唔係實比老闆娘鬧。
由炮石行返去新馬路，我地選揀了去食豆腐花，第一次食d 咁滑的豆腐花，只可惜這小食店是用已調配好的糖水，如果係黃糖咁就真係絕配。豆花好似係$7
食完豆腐花之後我地唸如去九如坊食木糠布甸，但係我地坐低左之後個職員話木糠布甸要2:00pm之後先至會有得食，於是我地一班人好無耐咁起身離開，唸住2:00pm後再返嚟食過。最後因為天雨的關係我地係無機會再去返九如坊...
食唔成九如坊的木糠布甸，我地都乘巴士23A 去氹仔官也街，其實官也街好短，以買手信為主，原來起街尾有間食木糖有甸及榴蓮雪糕好出名的店鋪，今次我試了榴蓮雪糕，其實自己唔係咁鐘意食榴蓮，但係見佢咁出名所以試下，原來真係好好味，雪榚有一陣好濃的榴蓮味，但係口感就會比起食成個個D 榴蓮會好好多，但一盒細細的榴蓮雪糕就要$15真係有少少貴。
食完榴蓮雪糕及買埋手信之後，我地就轉乘酒店的免費車去Galaxy 睇下公司起個度的鋪位，公司真係誇張起Galaxy 個度租左成條街，起Galaxy 有一個好特別的水簾，我地起個度睇左好耐真係好靚...
睇完水簾之後再行返出去見到有兩個人扮的公仔，我初時真係以為佢地係機械人，因為佢地會隨著一些機械的聲音轉換動作，再行近d 睇左好耐先至發現原來這兩個係真人，佢地係目無表情，見到好多人望佢地都唔可以笑，我見到佢地都覺得佢地好犀利，任何情況都唔可以笑，仲要不等咁扭動身體！
行完Galaxy 之後我地去左搭酒店的便免費毋去返返去新馬路食野，但係等等下車，天突然下起大雨來，因為落雨，真係咩地方都去唔到，因為我地無帶遮出嚟，所以都係淋住雨咁行去食野。
今次去左食ar so 介紹的祥記麵家食蝦籽撈麵，d麵真係好彈牙又有好香的蛋味。另外再食了兩款唔同的鯪魚球，一個係酥炸鯪魚球，另外一款係金沙炸鯪魚球。最好味ge 都係蝦籽撈麵。
酥炸鯪魚球
蝦籽撈麵
金沙炸鯪魚球
食完祥記之後見時間尚早，所以再去下一站，但係下著雨要四圍去真係唔方便，我地行左去十月初五街~南屏雅敍食蛋治。去到這間餐廳只係一間好舊式的茶餐廳，睇下個餐牌見到有一款三文治叫南屏文治，見佢個名咁特別所以我叫了一客，客三文治係用蛋包住叉燒及火腿，唔知係咪澳門的叉燒的整法唔同呢，澳門的叉燒好重五香粉的味道，配合埋蛋及火腿真係超正！一客咁厚的三文治都只係$15。
南屏文治
地捫咖啡，見佢個名咁特別所以又叫左一杯飲，但係咖啡味都係好淡。
上到去南屏雅敍二樓，見到有一對好有意思對聯於是我就影低去同大家分享一下。
「天人好惡寧難測●世事恩仇兩不知」
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
今次起澳門買的手信：
鮑汁豬肉乾$73.00 (買兩磅有88折，折左$64.20)
花旗蔘話梅$20.00
晃記鮑魚酥$25
薑糖兩包共$32.00
起氹仔買的鹹桔仔，唔醎仲好好味$3.00/8粒
樂宮腰果曲奇餅$75.00 細盒，大盒$130.00
