2011年4月30日 星期六

為西藏之旅作出準備~2

因為同好多朋友討論過我將會去西藏,佢地都話我要去西藏最好去見一見家庭醫生先,咁樣去都會放心d,我見公司派左張新的medical card 比我咁耐都未用過,今日特登早d 起身去睇醫生。

等了差不多一個鐘先至可以見醫生,我一同醫生講話要去西藏,再問佢我個見健康狀況是否適合去,因為我想去埋珠穆朗瑪峰,所以要問清楚少少,醫生望了我兩眼再同我講對你來說係一個挑戰....醫生話去呢d 地方當然係年青時去會比較好,但係要去埋珠穆瑪峰未必適合我。

之後佢再幫我量血壓,佢話我血壓好低,上、下壓都比正常人低20度,於是我好奇問我已經食飽野乜唔係個血壓會高返咩。當我聽到我自己的血壓原來係比正常人低時真係好擔心,因為好怕去唔到,或者上到去西藏無辦法去觀賞。
醫生話我少做運動,亦都係令我血壓低的其中 一個原因,但醫生話我血壓一向都係偏低,都可以去西藏但對我來講會係一個好大的挑戰!

唉!聽完醫生講真係有d擔心。但醫生最後都話我平時都只係胃痛、傷風,都可以上去喎,只係一個挑戰咁話喎。

臨走時醫生話比定D平時我食開的胃藥我看門口,佢話可以保存到一年。今次醫生好慷慨一次比左3日藥我,返到屋企再拎返份medical plan 出嚟睇,完來網絡醫生係要包3-5日藥 (公司對員工實在係太好我呢d 小職員個medical plan 竟然可以咁好,有d term 仲比起我自己買個份醫療保險好,直到我離開這間公司我都可以享有雙重保障),唔怪得知我會有3日藥。出發之前我會再去睇多兩次,因為要帶備足夠9天行程的藥物。至於仲去唔去珠穆朗瑪峰真係要認真考慮,等我唸多兩日下星期三先至去報名。

2011年4月25日 星期一

Ahava Dead Sea Mineral Mud

這個body mud 都已經買左大半年,之前因為秋冬天天氣乾燥所以唔係咁適宜使用,見現在的天氣比較潮濕,所以又係時候拎佢出來起屋企做個SPA簡值係人生一大樂事。
之前用過Ahava Energizing Body Mud Mask,所以今次可以試另外一個產品Ahava Dead Sea Mineral Mud一盒4包,初時仲以為一包可以分兩次使用,所以剪開了一個好細的袋口方便用完後包裝好留等下次使用,但我個如意算盤打唔響,要敷晒成身,一包的份量係岩岩好,無多無少。
自己起屋企做SPA其中一個麻煩之處係如何敷在背部,我主要都係想敷個背脊因為個背脊好多暗瘡,之前用dead sea mud 敷完之後生暗瘡的情況明顯改善了!
Ahava Dead Sea Mineral Mud係黑色的泥,好容易推開,大約敷15-20分鐘,之後用暖水沖乾淨個身就可以了,因為死海泥含有豐富的礦物質及鹽份,而我的皮膚又偏向比較乾,敷了一會兒之後感覺到皮膚有少少"拿" (如果皮膚上有傷口亦會有這個感覺)。但再過一會就沒有這個情況了。
沖身時要有心理準備因為會弄到成個浴室都係泥土。

通達美食

今日本來係去花園街尋找PEKKLE 無意中比我搵到位於花園街的通達,我當然唔放過這個機會入去食返碗碗仔翅,原來花園街這間店係多D食物選擇,就連油麻地無得賣的煎釀三寶這裏亦有得售賣,不過今次見這店有韮菜餃,所以我就第一時間叫了一客,因為剛剛食了午餐所以食唔落魚蛋,佢個辣魚蛋又係每次去都必食,總知通達所有的小食都係我的至愛,每次去到都要掙扎一輪食乜好,今日真係有點兒可惜,唯有下次再去食過啦!

食過咁多間的碗仔翅講足料肯定係通達美食最足料,而且味道方面真係食過翻尋味,平時我只係食開碗仔翅,後來發現有一個叫菜翅,即係碗仔翅加生菜,可能係我自己比較鐘意食菜,總係覺得碗仔翅加菜比較健康,自此之後我每次都只係食菜翅。
碗仔翅+生菜 $15
韮菜餃 $6/3隻
韮菜餃個皮炸到超脆,個餡的份量都唔少家!抵食...
煎讓三寶$7

Pekkle 連身裙

pekkle個blog 得知pekkle 出了一件好靚的老翻連身裙,得pekkle 告知襯住今日係假期的最後一天,我終於都有時間去買啦,真係好好彩,一去到就比我見到,之前pekkle 已經千叮萬囑我一定小心要驗貨,我一打開件衫見到佢個printing 真係好有問題,個檔主真係好好人拎左幾件比我揀,但係佢只係得返3件,3件都係印到花晒,我揀無可揀下都買了兩件,一件$58,二件$110,我見佢d 質地都唔差,加上只係$58一件,所以買多一件起屋企著。

2011年4月23日 星期六

為西藏之旅作出準備

等了大半年的時間,又係一個適合去西藏的天氣,亦都再次重燃我去西藏的興趣,雖然大家都會覺得去西藏係好辛苦,但係愛冒險及探索的我又點會因為辛苦而氣餒呢!
 
今日我終於都踏出了第一步去了中旅社申請張回鄉咭,真係估唔到今日係公眾假期中旅社依然開門辦證。

本來我係上網預約,但係名額已經爆滿,而我又見到旺角中旅社今日仍然會辦理換證手續,所以我就一早去了換證,過程相當之順利,可能今日係假期,去到中旅社竟然係無乜人,我放低晒所有文件、相片及付款後,手續就已經辦妥,成個過程都唔駛5分鐘真係快得驚人!

今次辦理10年有效的回鄉咭$390,須要12個工作天,13/5就可以取證,睇嚟我可以趕得切6月出發罷!

2011年4月22日 星期五

救救紫羅蘭

早幾個星期見到我盤274長出了一個側芽,而佢的生長速度都相當之快,襯住今日係復活節假期,加上又約左yoki 起粉嶺接埋佢地去食buffet,所以順道入埋去發叔度,今次去發叔度的主要目的係帶我盤274入去做手術,本來係想將盤274個側芽分盤。
點知一入到去發叔度比盤花佢睇,佢即刻話我種到盤花無晒生氣,又話我唔識得種,其實我每晚都花好多時間管理我的盤栽,奈何我都係照料得佢地唔好。發叔一拎起我拎274就話盤花太多老葉,如果過多一個月唔拔掉老葉,那盤花就會命喪黃泉。
佢話我盤花吊腳,我初時唔係好明發叔想表達些甚麼,於是發叔就好有耐心咁教導我,原來係我落泥太少加上平時D泥乾左跌走晒,所以泥越來越少,發叔拎起我盤274手起刀落咁好火速就拔掉了十幾片走,當時相當之心痛,而側芽發叔話唔好要佢,所以又掉埋去!跟住發叔反轉我盤274比我睇,佢話我盤274個主幹已經開始腐爛,好再我今日拎入去比佢睇下,發叔拎起比我睇單憑肉眼已經見到274有輕微的腐爛,經發叔醫治完我盤274又變回一個迷你品種了。
發叔教我換泥時將所有泥倒入花盤後要用手指輕輕力將泥土壓實,如果唔係泥土太鬆就會吊腳。
今日總共帶了兩盤花入去發叔度,仲有一盤係8號,因為自佢買回來後佢一直生長得不甚理想,而且葉片越生越細,完全沒有生氣及葉邊有枯萎的徵象。發叔又係幫我拔掉老葉,佢話我都唔係愛花之人,佢話盤花已經話晒比佢知,其實我真係好認真咁種佢地家,只可惜...
入到去發叔度當然係忍唔住帶多一盤花返屋企啦,今日發叔個花場都幾多花開左,所以要拎花都幾方便,發叔話我種到D花咁都唔係咁適合種D貴品種,所以有一D 好貴的品種發叔都唔賣比我。
可能今日係假期,好多人入去發叔花場參觀及購買紫羅蘭,所以我都唔方便起度問問題,好在我早去到如果唔係發叔都唔得閒幫我救救紫羅蘭了
臨走時我比我盤C85張相發叔睇,發叔一望就話要拔掉一行的老葉,如果唔係盤花都係等死,發叔怕我唔捨得,佢叫我下次將所有的紫羅蘭帶晒入去比佢幫我執下佢地喎。
今日的買到紫羅蘭係S516+Carnation Sprinkles 同之前一樣都係買左個花苗$200,發叔話好快會開花,叫我慢慢種喎!
我返到屋企即刻幫我D 盤栽換泥及檢視佢地個主幹有否腐爛,之後仲將385,S617+,C85的老葉一口氣拔掉,場面真係好壯觀,起拔葉其間見到S617+(日本妹)已經有花蕾了,真係好開心即係好快我又見到佢開花了。其實我現在的紫羅蘭全部都已有花蕾了,有部份仲開緊花添,雖然我種得佢地無發叔咁好但係我都係真心付出地去照顧佢地o家,絕無偷懶...希望你們都能安然渡夏!

274

8

C85~拔葉前

拔葉後

一口氣幫C85拔掉10塊葉,連埋之前拔左個8塊葉已經拔掉了18塊葉,佢的身型由重量級變為輕量級 ~ ~

385~Rob's Penny Ante拔葉後。
385已經種了差不多一年,買回來時只係一個好細少的花苗,由買回來只係開過一次花,一等就差不多一年,其實之前係見到佢有生花蕾,但係生極都生唔到出來,上次去發叔到得到發叔的指教,發叔話咁耐都生唔長,話花蕾已經死左叫我放棄佢地,原來發棄都唔係一件壞事,起碼今日可以生長到超過10個花蕾,如果可以一次過開晒場面一定好壯觀!

今次拔左9塊葉,其實都唔係好明點解385好似拔極都仲有好多葉咁...


今日買的S516+Carnation Sprinkles

2011年4月21日 星期四

La Maison Du Chocolat~Egg coquille

今日起意料之外終於都起復活節之前收到一隻復活蛋,真係估唔到完來佢知道我好渴望收到的禮物只係復活蛋,或者大家會覺得我好傻,為何每年都會想收到復活蛋呢?
今日本來係約左lunch 一齊食飯,但係佢唔知醒所以無食飯,點知佢打比我話買左份禮物比我,仲話一定要今日送比我,所以佢下午4點幾就去左我公司樓下送比我,當我第一眼拎住個袋我就知係我好渴望得到的復活蛋,再拎埋佢出嚟睇,真係一隻蛋,佢話我知係真蛋 (La Maison Du Chocolat~Egg coquille),睇埋個packing 只係用個蛋殼再注入朱古力。我一見到呢隻復活蛋真係笑左出嚟,真係開心到...之後返上公司將佢放左起枱面,每當我望住隻復活蛋我就起度笑,因為我實在係太開心,我真係唔捨得食左去...

2011年4月19日 星期二

大榮華圍村菜

畢業後的第二次飯局,真係好開心,估唔到畢業後仲可以keep 住聯絡,最重要係有一個負責做搞手的同學不厭其煩地安排、聯絡等...

而忙到癲的我當然每次都盡量希望能夠出現已經好滿足,今日好開心可以再次同Andrew一齊食飯。

今日食飯的地點係灣仔大榮華,我都係第一次去,一坐低就見到韜韜行埋嚟派咭片,第一次見到佢真人,真係嚇了我一跳,佢真係好肥,我看見佢行路都覺得佢好辛苦。見佢派完咭片我先至知道完來大榮華個老闆就係佢,而佢張咭片上印了好多不同協會得到的獎項。

同學預早已經order 左一個燉湯,一入口真係嘩一聲,個湯好濃好鮮味,搞到我都忍唔住飲左兩碗。希望下次可以同其他朋友一起去試下啦。

其他食物的水準都唔差,因為我太遲去到,所以我唔知今日d 同學order 左些甚麼,所以不能盡錄,今餐食得好飽好滿足,每人都只係$187就可以食到以下咁多款食物,仲有一個咁好味的燉湯真係抵晒!
燉湯湯渣
龍蝦伊麵
這碗平平無奇的又係甚麼,就咁睇真係估佢唔到!翅~食入口都唔係好覺得有翅起入面
馬拉糕
麥米糖水,驟眼睇有D 似綠豆沙

2011年4月18日 星期一

Pekkle mouse pad

買左好耐的Pekkle mouse pad一直都無post 出來,今日終於都的起心肝影返張相post 出來,何解呢?咪就係因為我要用左去囉,近來pekkle 真係出了太多產品,出到好似有點泛濫,雖然佢泛濫但係我都有繼續買,只係無post 出來,加上出得太多令到我屋企的空間亦都越來越小,所以我不斷的反思,與其無了期的儲,倒不如用左去,因為平時買買埋埋都係收埋去,當收埋左之後又有幾時間會拎返佢出來欣賞,經我多番的反思令到我覺得應該用左去會好d。當將來個mouse pad 舊左起碼我仲有張相留念。
這個mouse pad 我未買回家時,單單看相仲以為佢起立體設計,當我見到佢個實物先至知道完來佢係平面設計,只係佢個視角效果令我望起來以為佢係立體罷!

2011年4月17日 星期日

C85 斑葉問題

於我眾多的紫羅蘭中最深得我心的都係C85,不是牠開的花特別漂亮,而是C85有著一片片獨特的斑紋。C85並不是一些好昂貴的品種,相對地佢係屬於廉價品種,佢開的花只係一些普通的粉紅色花。
近日開始見到C85的斑紋越來越大,而最近斑紋開始佔據了整片葉子,之前見斑紋的面積太大以為是營養唔夠,所以我一口氣搣了十幾片葉子,但係新生出來的葉片的綠色都是沒有增加。故此今天打電話向發叔請教。發叔話今年的斑紋紫羅蘭比起往年的斑紋面積是增加了,發叔叫我放心這並不是紫羅蘭生病,仲叫我無須要再搣葉,只要每星期都施葉肥及將紫羅蘭放於陰涼的位置便可。就係咁我又可以安心種植我的盤栽了!

2011年4月16日 星期六

Disneyland~celebrate for my graduation

今日決定了去迪迪尼影畢業相,見今日天陰陰,本來唸住可以起這個陰涼的天氣下拍照,約十二點入到迪士尼,誰知一入到去天氣放睛,太陽伯伯爬了出來與我道賀,真係萬般的不願意,因為大熱天時著住件袍真係熱死,而我一朝早好比心機化的妝容亦都不敵太陽伯伯,溶得好利害,真係好難想像平時我個妝係唔會溶,今天竟然溶掉!
今日全日不停行來行去咁去搵景點影相,雖然迪尼士真係好細,但係我用左好多時間去排隊同D卡通主角影相,所以係無時間去睇表演,其實為左影相入去迪士尼影相真係有D奢侈,不過對於畢業這件人生大事點都值得的!
次次排隊同米奇、維尼佢地影相都要排差不多一小時,又熱又侷真係超辛苦,好在今日都叫做同左幾個唔同的卡通主角影相,排隊的時問可以叫做沒有白費,但係排上一個小時只係可與卡通主角影得兩三張相,計落都算幾辛苦。每位卡通主角見到我著住件畢業袍都份外的高興及祝賀我,每當我熱到死死下的時候,同到咁可愛的卡通主角人都即時開心返。
排左成日隊真係企到好攰,最開心係去到pooh pooh個格,因為每隔幾十分鐘卡通主角就要換人好等他們休息一會,我見到pooh pooh 係最活潑,一夠鐘就最刻跑走左,其他個d卡通主角都係慢慢好有姿態咁離開,唯獨係pooh pooh 起度奔跑,可能係太熱的關係pooh pooh 想點可以休息。
起迪士呢這個開心的樂園真係令到我好開心,時間過得好快又夠鐘要離開,雖然今日只係不停的影相及排隊,但係真係好開心,希望我可以再繼續讀多個master 跳出香港去影畢業相啦!