成日聽人講話鹹桔仔好有用，所以我今年又試下學人浸下先，浸桔仔其實係好簡單，只要將桔仔洗乾淨之後，再吹乾，之後就可以入樽。
一定要用粗鹽，一層鹽一層桔，鹽一定要鋪滿個桔仔，如果唔係做唔到防腐的目的，咁個桔仔就會自己起個樽入面發霉，如果發左霉咁就成樽桔仔都唔得家啦！
一定要用粗鹽，一層鹽一層桔，鹽一定要鋪滿個桔仔，如果唔係做唔到防腐的目的，咁個桔仔就會自己起個樽入面發霉，如果發左霉咁就成樽桔仔都唔得家啦！
2011年2月27日 星期日
金寶泰國菜館
經過一星期的勞碌今日又可以大飽口福，今日去完發叔個花場買花，我地回程時選擇了去九龍城食泰國菜。
其實成日食泰國菜都食都好厭，不過見未食過金寶泰國菜館，所以我都照去，乜都試下嘛！
一行到去間餐廳附近見到好大個招牌寫住金寶越南菜，初時仲以為行錯左，後來我個FD 話金寶係食越南及泰國菜，見到個越南菜我個心即時好開心，因為好想食越南菜好耐，今次真係一舉兩得！
之前都聽過泰國菜係有一道菜叫活蝦刺身，但係次次同D 朋友去食飯個個都無興趣食/唔食生野，今次都係我第一次食活蝦刺身，就咁睇道菜個樣都好吸引，活蝦刺身好新鮮配以蒜頭、辣椒及一個酸的汁，酸酸辣辣咁真係好開胃！
咖喱蟹係每次食泰國菜必吃的食物，今次都唔例外都order 了一客，因為見個餐牌有一個小，我地都怕唔好食所以揀了隻細，入口真係好失望，蟹一d 都唔新鮮，個咖喱汁又偏向水&醬汁分離。
另外再order 了一個該店出名的餸菜~明生菜，都幾爽口！有菜圃、魷魚、青口、菜心、豆乾等，味道就普通及好細碟！
至於個雜錦併盤，這道就係越南菜，不過講到炸物，只終都係黃珍珍係最好！
雜錦併盤
咖喱蟹 $120
龍眼冰 $20
重遊發叔花場
因為返工太辛苦，暫時可以令到我開心的莫過於回家後見到一盤盤好靚的紫羅蘭，尋日去過花墟想買紫羅蘭，唸住貴少少都無所謂，費是山長水遠咁走入粉嶺，可惜花墟可以選擇的品種比較少，普通的品種已經無辦法滿足到我。
早幾日起雜誌見到花展就快到，於是經常無聊默想的我唸住都差不多花展發叔的紫羅蘭都應該開得好茂盛，咁我今日下午就打比發叔約定佢，點知入到去真係好失望，發叔大部份的紫羅蘭都沒有開花。
八卦的我當然問下發叔為何這麼接近花展，紫羅蘭還沒有開花，那花展期間展出些甚麼呢？發叔都話今年D 花開得比較差，今年唯又起花展賣D未開花的盤栽。“賣”？我問發叔乜花展唔係展出自己的作品為何會“賣”？發叔回應係花展係以售賣花為主就好似年宵市場咁，要用錢去投個檔，發叔話今年D紫羅蘭開唔切花都會繼續參加，目的只為增加知名道！因為今日去度係無乜花可供選擇所以我揀返我上次無買到個盤303，但係發叔話唔肯定今次賣比我盤303-Optimara Everlove會唔會開到原來個樣，所以平d 賣比我喎，未開花都要$80。
另外一盤231係由入去到臨走都對佢依依不捨，我叫money買佢話隻色好leung，完全唔靚所以佢無揀到，但係我最後忍唔住都想帶佢走，我見231又唔係十字花，斷估貴極都有限啦！於是我就拎起問發叔幾多錢，唔問由自可，一問即時手都震埋，發叔答呢盤$800。$8......0.....0......之後發叔仲有一句係呢盤我唔賣家，係版頭來的，仲話如果我真係想要就賣盤苗比我，其實苗我又真係唔係好想買，因為由苗種到佢開花都唔知要等幾耐，心急的我當然係唔想等啦，但係$800一盤的紫羅蘭，我真的不得不向現實低頭。花苗就花苗啦，我一直都唔敢問花苗要賣幾多錢，因為怕好貴我自己買唔起，最後臨離開都要知要比幾多錢至得家嘛，好在盤231發叔只售$100，嘩！個價錢差咁遠，慢慢種就慢慢種啦！
發叔教我如何種植231，聽佢講完睇怕都唔知要種幾多個月先至有花睇，發叔話要種到盤231塊葉的底部轉為紅色先至可以拔掉d 老葉，之後仲要等、等、等.....發叔再提醒我話有捆邊的花，於夏天開花時係會無左條捆邊，咁邊係正常家喎！
今日去到發叔個度請教左好多種植紫羅蘭的心得，因為我現在的品種有d 葉唔知點解塊葉會黑(燶)左，之前我上網check d 人話係落肥重人得濟，嚇得我成個月都無再施過肥，今日問完發叔佢話"黑左"其實係同天氣、光線、泥土的濕度都有好大的關係！雖然到最後都解釋唔到，但發叔建議我搣左個塊葉去我當然回家即時處理啦！發叔仲叫我如果放起房間的植物最好就長時間開住個枱燈照住佢地，嘩！真係好唔環保呢~~
今日又再問下其實紫羅蘭的葉是否可以濕水，因為我今日去度發叔度佢岩岩淋完花，全部紫羅蘭的花都係濕及有水珠，我見自己之前限發叔的淋法，葉片上有水漬 / 葉片燶，發叔話我都係咁樣淋，如果唔係葉片會鋪滿塵令葉片唔健康喎。發叔仲話夏天於晚上淋水，冬天於下午淋水，而氣溫低於14度切忌不要淋水，會凍死紫羅蘭的！
***提提大家花展將至，如果大家都想買D特別品種的紫羅蘭又唔想入粉嶺咁遠，不防襯花展期間去發叔個檔度買啦，發叔連泥都帶埋過去賣家啦。希望大家都可以帶到自己喜歡的品種回家啦！***
231開左花係咁，因為發叔話售$800嚇到我都唔記得問發叔為何231值咁貴添
303-Optimara Everlove
開左花係咁ge，雖然發叔話唔肯定我呢盤會唔會開到呢個樣，但係我今次買回來的303已經有幾個花蕾，希望佢快d 長高等我快些知竟佢係咩樣嘛！
發叔的肥肥小狗BB~2個月大，很可愛及乖巧仲要肥嘟嘟咁，小狗BB 不停的擺尾，睇嚟佢都幾開心，同埋佢又唔驚人，真係氹得人幾開心！
今日都係搭的士入發叔個度，都已經去發叔個度第3次無理由次次都搭的士嘛，所以我次落車時影底左要轉乘的交通工具54K的位置。希望下次再會入去發叔度唔駛再搭的士啦！
原來都唔難搵個小巴站，粉嶺站C出口，一出就可以望到個小巴站家啦！每程都係$3.8，計落搭小巴真係平好多！
2011年2月26日 星期六
傷心酸辣粉
我好鐘意食辣野，最愛就係四川菜，但係辣野又唔係個個都受到，要搵一班志同道合的朋友都幾難，所以我每次同朋友食飯都會降低我到辣的要求，今日又要將辣的要求一降再降。
今日又做到半夜三更，難得仲有人肯等我去食宵夜，其實咁夜都無乜幾多間食肆仲做緊生意，我突然又唸起我年頭病左之後就一直無食過傷心酸辣粉，一唸起就流晒口水，所以就無再考慮咁走左上去。
自從小肥羊推出了一道叫薯粉的麵食之後，我就好鐘意食。但係又唔係好多地方可以食到，應該係由上年起，位於深水埗的傷心酸辣粉冒起，愛吃辣的我又膽粗粗咁走去食，第一次食就被這碗薯粉深深的吸引著，我好似連續幾個月假期都指定要吃一碗咁。
招牌菜~傷心酸辣粉(小辣)
麻辣肚絲
柑橘青檸雪碧
風信子成長篇
話說之前買左個風信子種子，經過之前寒冷的天氣，於是我就用水浸左去，經過了個半月的時間，今日已經差唔多開晒花，見到佢慢慢的成長真係好開心，完來風信子開的花係好香，所以今次好有滿足感，又可以種到咁靚的花花，又可以嗅到花的香味！
之前上網睇話如果風信子未能在寒冷 (6度) 的天你下生長，長出來的花球會較少，我都只係起1月份最凍個幾日放起窗邊吹下，雖然我個風信子比較畸型長多了一隻小手出來，但係個風球真係好多花，所以真係好驚喜。下年我會再種過風信子，仲要種多幾盤，$10一個風信子種子可以令到我有個咁開心的回憶及經驗真係抵晒啦！
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
風信子種子
30/1/11 經過14日後風信子長出了一個頭出來
6/2/11
23/2/11 只係一夜間，風信子青綠色的花蕾已經轉為粉紅色，準備開花
24/2/11 再過了一日，風信子已經開了部份的花朵，嘩真係好香呀！
26/2/11 風信子的花蕾已經差不多全部都開晒，香噴噴的花花及好漂亮的花朵都起我的眼前出現，唔知風信子的花期有幾長呢？
起24號的時候風信子仲係好矮，但係只係一夜間就已經長高到我都唔相信...
不同角度欣賞一下風信子的形態
2011年2月25日 星期五
盛八日式燒肉店
今日有去左食第二間日式燒肉店，之前食過伊呂波燒肉，實在係太好味，因為伊呂波的都幾貴，所以我想試下其他的日式燒肉店，之前聽朋友介紹話盛八日式燒肉店都好好味，於是抱住一個好好味的希望入到去食。今次都係要就我返屋企，所以我都係揀左去MK。
因為我之前已經起openrice 睇左d 食評，見多人介紹的食物我今次都點晒。
第一件食的食物係燒汁牛肋骨肉，一入口真係有d 失望，因為無乜牛肉味。今次仲突破左我自己的界限點了鹽燒牛舌仲要係厚切，其實每次我唸起要食牛舌我都覺得好嘔心，但係今次終於都克服了自己的心理關口，食落的感覺都幾特別，但係又唔係咁鐘意，我唸第日都唔會再食！
因為去食燒肉，所以點的食物全部都係肉類，食食下發現自己今餐完全沒有蔬菜，所以食食下再order 左個沙律，個沙律都幾新鮮，但就唔係話好特別...
成個dinner 我最滿意的食物只係super hot 豬腩肉。辣辣地亦帶有好濃的調味料的味道！
香草法式小羊扒，入口有好重的香草味，可以蓋過羊的羶味，但係食落無乜羊味，我就唔係咁鐘意！
店鋪的環境比較暗，而餐牌都幾污jo，掂過之後雙手都好黏...
今晚兩個人食埋單連加一$611，呢個價錢我寧願食伊呂波燒肉，我自己覺得伊呂波好味好多囉！
食完咁豐富的dinner 我仲去左發記食甜品，但係發記甜品的水準好似差左少少！
燒熟後，個樣都幾靚
沙律醬汁
發記甜品~雜果黑珍珠涼粉條 (第一眼望到ge 就係一塊超大又未刨好的冷塊)
Pekkle 畢業鴨
經過左呢幾年的努力讀書，今日終於都畢業啦！我終於都可以穿起一件畢業袍走進校園影相留唸，為左即將舉行的畢業禮我已經開始準備定要同我一齊影相的用品，包括畢業公仔及花！其實我本身已經有幾隻畢業公仔，但係見早排pekkle 出了呢款畢業公仔又幾靚，所以又多左一個藉口比自己去買多一個公仔lu.....期待畢業典禮的來臨！
2011年2月19日 星期六
鴻福四季海鮮火鍋
好多年前起大角咀食過碳爐打邊爐真係十分回味，除了係比較特別之外，用碳爐打邊爐亦有另外的一番風味，可惜大角咀老店已經結業，自此之後都無再食過碳爐打邊爐。早排起openrice見到起土瓜灣都有碳爐打邊爐仲可以bbq。
見今日又凍凍地加上尋日又出左考試成績，不竟都叫做辛苦左差不多2年都總算叫做畢到業，真係不枉我多年來的辛苦及努力，終於都叫做完成左，今晚當然係要順便要興祝一番啦！
因為轉左工的關係加上今個月有兩日去要鋪stocktakes 所以堆積了很多的工作，搞到我今日都要返公司做野，今日13:40返到公司走的時候已經係22:00，我唸大家以後要約我食飯都係約我食消夜會好d 囉！
其實之前起openrice 見到人地post 出來的相，這間食店的環境都係比較惡劣，當我從條巷仔行入去的時候，其實已經想走，但係見到好多人企晒起度，於是好八卦咁行埋去睇，睇睇下又覺得個bbq幾特別所以就行左入去...
入到去見到d 地方真係污jo 到不堪，真係唔想坐低，但係咁夜都唔知仲可以去邊度食飯，所以都係照食啦！
再望下個餐牌其實都幾多野食，但係大部分海鮮都係時價，所以我都唔會好知每樣野要幾多錢，我地兩個人去食埋單$625。
講返佢地d海鮮，因為該店有自設魚缸，所以佢地供應的海鮮都係非常之新鮮，真係全部上碟時都仲人係活生生的，當我將佢放上去個燒烤爐時不斷掙扎真係覺得有d殘忍，但係咁新鮮的食材，食物入口真係好鮮味！
今次打邊爐個湯底係泰式豬骨煲 (原來我唔記得打開個蓋影返張相)，個豬骨煲$98，但係個味道令我徹底失望，個湯底有4大件的豬骨，一隻鳳爪及幾粒紅棗。個湯底的味道只係得d豬ge 味道，同埋太油。唔知係咪個煲太厚，我地食晒所有食物先至見到個湯滾 (個湯底本身都已經煮滾左先至上枱)。
食完個bbq & 打邊爐都已經係淩晨1點幾lu...
行出食店見到店主養左隻黑貓，至於隻黑貓ge 用途真係大家自己知道就算啦！
訂閱：
文章 (Atom)