仆親

今日真係樣衰到爆......

平日lunch 我多數都只係起公司樓下買飯盒食，食左成個月個餐牌都無乜轉過，食都食到好悶，加上佢又真係幾貴，平時我食開GE 飯盒都要成$50。我都幾鐘意食熱狗，之前個同事話我知中環有一間叫永樂園食熱狗好出名的餐廳，於是就上網搵晒個路線圖，大概知佢起邊個位，本來個Planning 係行完街之後再買返公司食，就係因為我自己以為呢個係一個完美的Planning，我瘀爆的事情就出現啦！

都唔知點解行行下突然扭親，我當時企左起一級好高的梯級到，我好自然咁由級梯級到仆左起個地下度，當時我只係覺得好痛，但係起中環喎，仆親咁樣衰，我當然唔理三七廿一即時忍住痛彈返起身啦！因為今日係著西褲，我第一間都唔係考慮自己有幾痛有無擦損，而係即刻望下條褲有無擦爛，我當時只係唸，如果條褲爛左我要即刻去買過條新GE。好在最後條褲係無穿無爛，但係感覺到個膝頭係擦損左。
起我仆親的時候，係有好多人望到，但係香港人無乜愛心都算，唔扶我起身都算，有個男人真係勁衰，起我後面講左好多次“出街行路要帶眼”我個刻都有D 嬲嬲地，但係算啦，人地衰唔代表我要破口大罵或者咒人地，所以我選擇唔出聲，記得jola 家聚時常分享，佢話選擇唔出聲亦都係神給我門的一點智慧。最後我拐拐下咁慢慢行返公司，一返到公司就去洗手間拉起條褲睇下隻腳有幾傷，好在只係擦損左少少，留了點點的血。雖然扭親隻腳都仲係痛，但都感恩起碼無腫到！
今日亞姐又唔准我地放工，最後OT 到10:30pm左右，所以我又唔駛點行，起公司樓下搭的士返屋企，現在又過著幾年前，每日都只係得出屋企門口、入公司門口，再出公司門口，最後就係的士送到我返屋企門口！而唯一的不同之處係個工作環境及工作地點...

Do more exercise

OTO Cruncher was delivery to my home on 20 Dec 2010.  My brother was completed the installation on 21 Dec 2010.  I try to do 5 minutes exercise per day.  Before that I think this is very easy to complete 5 minutes exercise.  When I use this machine I only can do 6 times (5 minutes can do around 115 times).  Today I can complete 115 times within 5 minutes.  Hope that I can continuous use this machine to do exercise for 30 minutes per day in the coming future.  

Pekkle 浴鹽

好似好耐都無post 過我買左ge pekkle 出嚟啦，其實我一直都有入貨，但係唔知點解唔想post 出嚟呢，襯住今日有少少時間，等我post 返佢地出嚟先...
相信這包浴鹽真係未必個個都買到，因為一盒入面有十幾個唔同的卡人物，仲要係打開包浴鹽先至知道入面個個卡通入物係乜，早幾個月無意中見到一間精品店有得訂，仲要係可以選擇卡通公仔，雖然一等就等了4個月先至可以拎到，但係都值得的，不過就真係貴左少少，一粒咁細ge 擺設售$69！
pekkle 今次可能曬黑左，所以佢ge 膚色變左啡色

Pekkle PU Phone Pouch

期待左Pekkle 出這個質地的電話套好耐，終於都比我等到！因為平時用個D 電話套好易弄污，而言個PU 質地應該無咁容易弄污啩？但係這個電話套有個缺點就係佢無拉鏈，我都幾怕放左部電話入去，起漫不經意的情況下跣了部電話出來，到時真係得不嘗失！

Pekkle 電話套只係岩岩好夠放我部Desire，如果部電話太少少都放唔入，咁岩我又想換部HTC Desire HD，咁我仲換唔換好呢，換左咪用唔到這個可愛的電話套囉！

Pekkle Lens cleaning cloth

Pekkle 出的第二款眼鏡布，因為第一款出的時候我買了好多塊，所以今次這款我只係買了一塊，用來收藏！

Pekkle Pouch with Neck Strap

本來買這個袋仔係唸住用來放我電話，但係後來出左個PU 袋皮的電話套，所以這個袋仔又可以行埋一邊...

Pekkle Neck Strap with Earphone Wrap

好鐘意這個繞線器的頸繩，顏色好鮮明，至於個繞線器個主體，個人來講就唔係咁喜歡，我都係因為條頸繩先至買這個繞線器！

小生命@紫羅蘭

尋日食飯留底左這8個小生命起間cafe度，初時都估佢事隔一日應該會枯。今日冬至放4點，我放工就即刻走返去間餐廳帶佢返屋企，本來已經有11盤紫羅蘭，加埋這8塊葉咁我咪有成19盤囉！但有5塊葉係相同/我本身已經有，所以等佢長大後我可以送比人...唔好放棄佢的生命嘛！

Sanrio 50th Crystal Charm ~ Marron Cream

我唸我已經放棄左好刻意要儲印花換pekkle 的心態，因為見自己好瘋狂咁起7-11買左好多食物，雖然真係可以換到一堆印花，但係當我每次打開個盒都係失望的時候，我決定由今日開始，只可以用15個印花換，唔可以再加錢，因為其他的卡通人物我又唔鐘意，予其無了期地加錢換倒不如出去買咪仲好，起碼我唔雖要儲存一些無人喜歡的卡通人物及亂咁購物！

今次係我第一次好豪咁用左15個印花換的Crystal Charm，好在我已下定決心用15個印花換購，如果唔係要我比$20換左這個卡通公仔我必定會勁唔開心。現在只係如下少量的印花，睇嚟我都要睇定d，睇下去邊間7-11碰下運氣啦！如果唔係再過多一個星期左右第二輪的款式都出埋，我真係唔敢相信自己會換到甚麼卡通人物！

聖誕薑餅人

今日去左Euro cake學整薑餅，同我上次去旺角學個間比較，Euro cake 環境及地方都比較乾淨及整潔，同埋比埋個食譜等我可以起屋企自己整。加上學費又唔係好貴只係$200，4個人就可以包堂，而且都幾近地鐵站。估唔到整薑餅都用左成3個鐘，都搞到幾攰，遲d 有時間等我試下起屋企焗下先！

本來預左1:45pm 去搭巴士，但係落到去巴士站應該係部巴士岩岩走左，但係我等了25mins 部巴士仲未開，明明話10mins 一班車，最後我忍唔住去禁埋錢，再行去的士站站都部巴士都仲未開，最後我選擇了搭的士，真係慘，原來個的士私司唔係好識路，兜左我去遠左一條街，明明唸住搭的士可以起門口落車家嘛，就係咁又用左$80搭的士...

今次這個材料的份量足夠我整了30塊大小不一的薑餅人，老師話我整的輾成的粉糰厚度適中，其實都唔知咩厚度為知最好，我只係求其輾，見同老師講個個厚度差唔多就算！
薑餅人材料：

淡牛油	70克
黃糖粉	35克
糖霜	70克
蜜糖	95克
雞蛋	1隻
玉桂粉	16克
黃薑粉	35克
蛋糕麵粉	350克
發粉	1克

做法：

1. 將牛油加入黃糖粉及糖霜打至均勻
2. 加入蜜糖繼續打至均勻
3. 加入雞蛋打勻
4. 將已過篩、玉桂粉、黃薑粉、蛋糕麵粉、發粉加入拌勻即可
5. 用木麵棍輾平粉糰後用鋼模壓出型狀
6. 入焗爐以170度，焗約 15分鐘

蛋白糖霜材料：

蛋白	60克
糖霜	400克
食用色素	適量

做法：

1. 先將蛋白以打蛋器打至大泡泡後
2. 再將過篩的糖粉加入拌至光滑
3. 加入食用色素拌細緻即可

*拌好後的蛋白糖霜必須蓋好，若沒密封很快會乾及變硬

材料

玉桂粉、黃薑粉、蛋糕麵粉、發粉拌勻後

將已拌好的玉桂粉、黃薑粉、蛋糕麵粉、發粉過篩

牛油加入黃糖粉及糖霜打至均勻

再加入雞蛋打勻

再加入95克蜜糖

將已過篩、玉桂粉、黃薑粉、蛋糕麵粉、發粉加入拌勻牛油蜜糖 (手法只可以上下移動，切忌壓，因為壓的方法會令粉糰起根)

用木麵棍輾平粉糰後用鋼模壓出型狀

每件薑餅的厚度

我的第一盤製成品

基於我沒有畫公仔的天份，所以我只係畫了少少

OTO纖形5mins

一見到OTO 出左部纖形5mins我已經好想買，因為我平時好少做運動，每年都只會夏天去游水，但係一年只係幾個月可以做運動，仲要係做得個幾個鐘運動實在係太唔健康！

經過幾個月來我每日都嘈住話要買OTO纖形5mins來做運動，及我連日來的重覆又重覆講同一翻說話，最後我媽媽都不敵我的砲轟，最近這幾天態度已經軟化，所以我又等唔切即刻去左比錢買左佢返屋企，星期一就會送貨。

本來想買黃色，但我近來發現我自己對紅色的興趣大D，所以最後我揀了紅色，原來這部機係要自己安裝，OTO 只係包送貨唔包安裝，唔知收左貨之後有無人幫我安裝呢？現在好想買D 到星期一，等我可以放工返到屋企即刻玩嘛！

今日因為要就我個FD 所以我今日揀左去吉之島買，原來起吉之島買係無得做恒生免息分期，但係就會減$100 (無端端我又慳左$100)，所以我實際只係付了$1,880，仲有$200coupon 送可以留返下次買野用，暫時對佢部健身單車及揼揼鬆有興趣，所以我唸我都可以用左張coupon去

恒生個promotion簽賬滿$500 可以抽即中cash dollar，今次我只係抽中$5，仲唸住簽得多會抽中多d錢添，原來唔係家喎！

個sales 建議我唔好做level 4，佢話level 4 係for練肌肉用，我只係想減下個hit 佢叫我做level 1喎，但係level 1要用多d 地方放，我唸要等屋企人瞓晒覺我自己半夜起度玩，咁就實唔會比人話我阻住晒啦！

呢部就係我買個部啦，因為等唔切送貨後影相，所以一比完錢就影低去先

呢部健身單車都可以摺埋，所以都有d興趣，但要等我部纖形5mins送左返屋企睇下要用幾個位存放再決定買唔買佢！

潮汕美食

天氣突然涼了一點點，最適合的晚餐當然係打邊爐，經過上次去小肥羊的體驗，雖然真係好鐘意食，但係奈何太過嘔心，所以暫時都唔會考慮去返小肥羊打邊爐。

今日去左紅磡食豬骨煲，雖然間食店個外觀又唔係幾吸引，但幾年前食過一次這個豬骨煲仍然回味佢個胡椒湯底，或者係這間餐廳主要係食潮州打冷，所以佢個湯底的胡椒味很濃！

豬骨煲內的材料一D 都唔少，有好多的粟米、豬肚、豬骨、蘿蔔，我地只係再加上幾個配料就夠...很胞及滿足的一餐！

前菜：菜甫豆干

墨魚滑

芝士腸併炸腐皮卷

肥牛

C85~細小的花朵

盤C85都開左成個星期花，但係D 花依然沒有長大過仲係咁細朵，都唔知點先至可以種返佢大朵D。其實一見佢開D花咁細我就即刻換左泥，但係都於是無補，因為起佢個成長過程入面佢吸收的養份唔足夠...

唯有等花期完左之後再好好照顧佢啦！

D 花係咪細得好可憐呢？

這朵花係全盤入面最大的一朵但都不及個一毫子大

274 Rob’s Smarty Pants ~ sick

見C274開D 花又係超細所以上星期幫佢換左D泥，換過咁多次泥最失敗都係今次，不知是甚麼原因，今次換完泥之後盤紫羅蘭D 花全部都軟晒，我研究過又唔係唔夠水，加上我又有比風扇佢吹，都唔知佢咩病，希望佢唔好有事啦！

Sanrio 50th Crystal Charm ~ Little Twin Stars

今日又心痕痕又想換Crystal Charm，所以出街之前帶了5個印花出去，唸住可以去遠D換，成日都覺得去遠D換可以換到pekkle的機會會大些，但其實都知道係自欺欺人！

今日落到樓下，見到部車走左，唸住打發下時間，所以走左去7-11行，最後都係起屋企樓下換左，一打開個盒又係失望的時候，雖然今次都係換到個主角Little Twin Stars，但或多或少都有D失落，都唔知幾時先至可以換到Pekkle！