Last day~~

識，而我亦都無唸過要去做，所以我安於現況做返完來的我...靜靜地繼續溫書算罷！
但當我去HR 辦理離職手續後，準備執野離開，Peggy邀請我影相，其實今朝已經想叫同事同我影相，但最後無叫佢地同我影相，費是四圍去叫人地影相嘛，又費是惹起任何的爭端，反正都係悄悄的來，好想悄悄的走。
但當我去到reception 後，我見唔到其他同事有d 唔捨得，原來埋藏於心深處都係唔捨得，好想起我D 相入面有這間公司的回憶。
我就係今日個主角比大家影，影左好耐都見唔到Yuki，個刻好想去叫佢，但又唔好意思，好在最後都差唔多齊晒人同我影相。
臨走時大家都好擔心我拎唔拎到reference letter，Doris 好好尋日已經同我講左今日會比我，今日佢要training，所以好遲先至出嚟，最後佢襯我地影相時拎埋出嚟比我...
臨別依依，原來真係唔捨得！最後，我行去每一個位同每一位同事say goodbye...
今晚去買完衫食飯時，拎部相機出來睇相，原來都回味這3年的工作時光，雖然只係平淡的工作，唯一可惜只係這份工作令我留下一個好深刻的回憶！工作上遇到的奚落及玩弄，這刻我可以說的是我討厭這個虛偽的工作地方。原來人與人之間的相處是如似的微妙，儘管如何的付出，得到的回報往往出人意表...
成長是雖要經歷，我起這裏真的深深體會到那些人是笑裡藏刀，原來真的好恐怖，可以起人前人後對你好好，但係之後ge 事...真的不能想像！
或者人與人之間要和平共處只係起我這個天真的世界裏才能出現！Annie 同我講佢話出面好多公司都係要擦鞋，好多上司都係笑裡藏刀，佢叫我當今次只係一個經驗，及上了一課很珍貴的課堂。佢仲話我咁天真要出去磨練下，多D 體驗人間的醜惡..但我心裏依然都係天真，希望我可以再預到一個好似Annie 咁好的上司！
明天將會上任新的工作，唔知新的工作環境我是否能適應得到？我的能力是否能應付得到這份沉重的工作？心裏有點點的擔心及須要應付下星期的考試，又要接受新的挑戰...要考的範圍實在係太廣範，儘管如何的努力都好似溫唔完咁，至於工作就真係返工先至再算，希望頭個幾日唔好OT得咁嚴重，好等我可以早點回家為考試而拼博...

vanity~~

I seldom woke up at 7:30am in Sunday morning.  After reading the newspaper and enjoy a cup of coffee.  I switch on the radio and start for revision.  At that time, the program is talking about fraudulent trading.  The programmer ~ Lau Tin Chi said "fraudulent is come from VANITY"

What is the meaning of vanity? The programmer said “excessive pride in one's appearance, qualities, abilities, achievements, etc.; character or quality of being vain; conceit: Failure to be elected was a great blow to his vanity"
Recently, the word "VANITY" surrounded in my lifestyle.  I want to leave GL since April 2010.  I always find that I do not have equal opportunity.  When my course is completed, I think this is the time to leave.  I decided to leave GL on 15 November 2010. 

I don’t think working at Central is equal to vanity.  I am very lucky.  I can have this opportunity to work at a large MNC.  When I accept the offer, I am nervous of a strange working environment.  My ability can afford to work at there?  Although, I have a confidence, but I afraid I can’t afford the heavy workload… 

maquillage dramatical gel liner

我買了maquillage dramatical gel liner放左起到都一年，見bourjois liner glitter fizz個eyeliner 都差不多用完，又係時候用埋佢。

有時起度唸左試右試，其實都唔係咁好，都已經搵到一個牌子係自己好滿意，但總是覺得再買來用又好悶，所以成日都試下其他牌子，但係左試右試，始終都係覺得唔夠之前搵到個d 牌子好！

maquillage dramatical gel liner $200連埋枝掃，我今次買ge 都係有少少閃粉的黑色BK951，我自己唔係咁受得淨黑色，太實色畫起我對眼度會顯得我個樣好惡，所以我自己會偏向揀有少少閃粉的eyeliner，但係maquillage dramatical gel liner 畫左上眼真係唔覺得有閃粉效果，效果好持久，但都係有小小溶，而這個情度是可以接受，枝掃有少少吉同埋佢個斜角掃比較適合用來畫較幼的眼線...

AHAVA Mineral Botanic Velvet Cream Wash-Hibiscus and Fig

唔知由幾時開始鐘意了AHAVA 這個品牌，雖然AHAVA 未香港都仲未係好出名，所以我就可以用一個較為便宜的價錢而享用到一些好用的產品，今次買了一瓶shower cream，可能係我對AHAVA 的期望大了所以今次用完這個產品多了點點的失望，佢其實唔係唔好用，只係個保濕效過唔係咁理想...

bourjois liner glitter fizz

bourjois liner glitter fizz 係我近來最愛的眼線液，因為佢又唔溶、又夠閃、又易畫，所以我近來日日都用佢，仲有係佢夠平幾十蚊，真係好抵用...

隨變

上次去佐敦食串燒，路過一間食麻辣雞煲的火鍋店，上星期見報紙介紹話係正宗四川菜，所以特登再去佐敦試下，今日7:30pm去到，店外已經大排長龍，我地一等就等到9:20pm。

等左成2個鐘實在係太肚餓，起等位的過程我地已經揀好左食物，所以一坐抵就可以落單，起度等位的時候見到店內的食客個個都食到滴晒汗咁誇張，我又要就某人，所以我地今次個麻辣雞煲只係要左小辣，某人就食這個小辣食到噴火，但係我就完全食唔到有辣味...所以我就叫店員比碟辣醬(中辣) 我，個辣醬好香，仲有一些好特別的辣味。

這個店鋪的食物名字好得意家，真係棍打牛筋丸好彈牙...見到人地打邊爐食烏東，所以我地又叫左，某人都唔知係咪太餓，我都未影相就倒晒入個煲到，真係激死我啦！原來個個唔係烏東，叫做隨變粉，係該店自家製作，好滑的麵條，但係煲耐左佢會由白色變成透明...墨魚咀又係一個好得意的食物，平時打邊爐都無見個有這款食物...

一直起店外等候，不斷見到店員好火速咁收拾桌面，讓下枱食客進食，執枱之火速實在令我驚訝...
我都係第一次為左要食一間餐廳而等咁耐！um...如果要等成兩個鐘，我自己又唔覺得好味到值得要等咁耐，可能都係慕名而來啩，試過一次就夠，我唔會再返去食囉！

隨變麻辣雞煲

蓮藕片、秋耳、墨魚咀、真係棍打牛筋丸、一定回味魚片頭、凍豆腐

響玲卷 ~~ 索晒d 湯好正

秘製辣醬~有生蒜、乾蔥、辣椒、麻油等

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

隨變麻辣雞煲 (半隻) $73

蓮藕片 $8
秋耳 $11
墨魚咀 $10
真係棍打牛筋丸 $11
一定回味魚片頭 $11
凍豆腐 $9
響玲卷 $18
隨變粉 $18
生菜 $9

可樂 $8x2=$16

Total:$194

at home:

今日約左一班同事去at home:BBQ，起這間公司做了三年，都係第一次同佢地夜晚一齊出去食飯，雖然好似遲左D，都總算都叫做有一次咁ge 回憶！

好耐之前已經有樓上bbq，但都無唸過去燒，因為怕唔好味，may 話之前去過at home: 話d 食物ok，所以我地大膽一試。

食物又真係幾好味，仲好乾淨但選擇太少，又唔係好貴$118，這個地方真係幾好，位於尖沙咀，樓下係酒巴。

at home: 仲有cafe，間房都幾大，仲有書同game 玩！

唔知係咪d食物太油，我一返到屋企，就開始作嘔，過了幾個鐘，已經嘔了3次，嘔完終於都舒服晒！

燒過咁多次野食都未試過燒到D雞翼咁靚，所以影低佢留念

Maquillage Moisture Cream Foundation UV

自從用過Maquillage個base之後，覺得Maquillage的產品都幾好用，於是放心再買佢的foundation 用，其實都唔知係咪自己太慳一樽粉底竟然可以用到7個月，搞到我成日心思思想試新野都唔得，粉底好易變壞，所以未用晒我唔會入貨！

今次個時間岩岩好，IPSA個粉底剛剛用完，又咁岩係秋天，所以我可以轉用Maquillage Moisture Cream Foundation UV，這個粉底並唔係D 咩新產品，應該係上年已經推出，想試好耐，點知一等就等了一年。

Maquillage Moisture Cream Foundation 係SPF25 PA++，同樣地只會起個包裝盒到搵到，於產品的瓶身係沒有標明，30g~$320。都係一般粉底的價錢，因為我自己都係第一次用cream foundation，所以覺得有少少麻煩，又要用棒拎，好難預自己要用的份量。

次次去Shiseido都一定會有sample 送，其實都係一個幾好的宣傳途徑，起碼最新出的產品佢地都唔會吝嗇咁送出去，雖然我未試用，但如果好用我都會回購！
今次個粉底對我來說真係好好用，貼薄自然，仲好持久，經過左10小時都唔係好覺個粉底溶或者甩。我自己係唔會帶任何化妝品出街補妝，這類持久保濕的粉底真的很適合我^O^

個BA 比左10號色我，我慣常會叫人地再比深一個色我，因為次次D BA 都會比D 好白GE 顏色我，搞到我成日都覺得自己白到好似藝技，但今次個 BA 竟然拒絕我的要求，佢話我要20號色會太黃，真係唔岩我的膚色，所以最後我都係要左10號色！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
sample

倚窗閣

繼續我的食食食行動，今日去了九龍酒店~倚窗閣，我自己一向食buffet 都係去都會海逸，近這幾個月去了幾間不同的酒店享用buffet，止終都係覺得都會海逸係最好，雖然真係貴左少少，但點都好過比差唔多價錢又無乜野岩食，或者係預期有得食的食物去到係無得食囉！

第一次去九龍酒店，去食的原因全因為佢個主題“蝦兵蟹將”。入到去見到都好多款食物選擇，但不及都會海逸多。

我自己好鍾意食長腳蟹，所以每次去食buffet 都會主力要食長腳蟹，今次同上星期去8度食buffet 一樣，又係等極都等唔到長腳蟹放出嚟，我今日只係有幸拎到兩條長腳蟹，但係長腳蟹一d 都唔生鮮，真係好失望，我都係第一次食到唔生鮮的長腳蟹！
至於另一個想回本的食物係雪糕，又係令到我極為失望，共有八款雪糕選擇但只係得四款係Haagen dazs，而其餘四款味道似係牛奶公司雪糕！而Haagen dazs個四款雪糕竟然無左最好味的士多啤梨味，所以唸住用雪糕回本的如意算盤又打唔響！
如果比我揀我寧願去都會海逸或者紅煙窗餐廳，我都唔想倚窗閣，起碼人地有無限量的長腳蟹供應。
今次趕唔切影低張單，起open rice download左張8折coupon，折合 $418x80%+$41.80 = $376.20

我的第一碟 ~ 龍蝦仔

芝士焗蠔

酥皮鹹火腿蟹肉野兔卷

我至愛的煙薰三文魚

芝士蟹粉焗蟹蓋 ~ 見到好多人拎，但我次次去到都見唔到，好再最後食左三隻

古法蝦棗

魚露煎封羅氏蝦 ~ 味道正，但係蝦就煎到太乾身

炸雪糕 ~ 第一次食，完來係用雪米糍來炸，味道都幾得意

芒果拿破崙餅 ~ 唔係太好味

這四款疑似係牛奶公司的雪糕分別有紅豆、芝麻、豆腐、芒果

即磨咖啡 ~ 正，飲了兩杯