Pekkle 咭套

早幾日收到電話通知話Pekkle 出左環保袋、杯蓋、頸枕

今日終於都有時間去買，但係好可惜去到原來係未返貨

好失望想走之際，吹先生拎左塊眼鏡布出離

佢又幾好記性

我自己都唔記得我陣經叫佢留一塊比我--->鬼咩係幫我個鴨鴨fd 買
比完錢無聊左一陣，正想離開，竟然比我見到呢個咭套
反而吹先生唔記得叫我買喎，就係咁最後兩個都比我買左lu...

換泥篇

去完發叔花場，學了一些種花的心得

發叔話唔建議我含金石的泥土
由於我之前買了一盤紫羅蘭是用這種泥土
於是急不及待要替牠換過新的泥土
原來換泥都唔係咁難，話咁快又搞掂左啦

未換泥前

從花盤取出植物

慢慢將石仔、金石、泥土與紫羅蘭的根部分開

這些便是原來的泥土+石仔，順免將枯葉除去

由於弄到所有葉片都有泥，所以沖洗乾淨，順便當淋水嘛，之後再吹乾葉片

Natura House 柑橘果止癢舒緩啫喱

之前睇報紙話乾橙皮可以驅蚊

我自己本身好惹蚊，所以己經測試過這個方法

但係這個方法經過我多個月來的測試證實係唔work

為左要測試這個方法這幾個月我都無做防蚊

就係咁我成手成腳都被蚊咬了好多啖 (大家望過都知有幾誇張)
我成日自我安慰，如果無我D 蚊一定會餓死
今次買一個較為天然的止痕產品
我自己覺得Natura House的驅蚊產品很好用
所以試埋Natura House的止痕產品
個BA 話這個產品仲可以去蚊印唔知真定假呢?

這個產品搽起被蚊咬的位會涼陣陣咁好舒服，又唔"笠"
價錢唔會太貴$70~20ml

為左方便大家我問左個BA 拎左張shop card 順便貼埋出離先...

Gift ~ Swarovski

等了這麼多年，完來都係唔會認真為我去挑選一份禮物，今次份禮物係 Swarovski 水晶鴨鴨，可能佢覺得我鐘意鴨鴨，所以買比我份禮物都係以鴨鴨為主。

唔知點解佢將所有的事情都建基於金錢上，佢話這份禮物都價錢都不及佢薪金的1%，我唔否認錢係好重要，但係咪所有野都可以用錢換到呢？每個人都有自己當行的路，今日一別不知將來大家會變成點，願你學懂珍惜！

森樹 ~ 第83天

森樹到了我家已經83天

原先買回來有兩棵由於時間的關係，其中一棵已經等唔切離開左

有幸亦殘留一棵，而殘留的這棵已經長得很高

好開心還可以種到佢長出了新葉子....希望佢牠能茁壯成長

發花癲之旅

發花癲之旅 - 新樂蘭藝

近期對種植紫羅蘭好有興趣

紫羅蘭的品種好多，花的顏色又特別又鮮艷

感謝主，早起一個月前，有一個愛好紫羅蘭的人起我個BLOG 度留言

他告訴我粉嶺有一個花場有好多不同品種的紫羅蘭

之前同我前面個同事講開我將會去這個花場

點知她又有興趣，終於我們約了今天一同前往

雖然一朝早有雷暴警告，又下著大雨，但仍沒有難阻我的出發
路途上亦是感恩，當出門口時雨勢減細，到達粉嶺時更已經停了雨
好少搭火車，我起紅磡搭去粉嶺，真係差點兒唔識得搭，好在有個指示牌
去到粉嶺火車站用了火車站內的洗手間
完來今時今日竟然仲有蹲廁
約好同事2點起粉嶺火車站等，然後轉的士入去發叔花場
嘩！一入到花場真的很興奮，好多好多的花花
花場的主人 - 發叔，他除了培植了不同品種的紫羅蘭，更有蘭花等
看見這個花場真的讚嘆造物主的奇妙作為
發叔分享了很多的種花心得，令我對紫羅蘭的認識大大增加
我地兩個起發叔個花場行來行去係咁影相，又分享大家起主入面的經歷真係好開心
時間過得好快，影下相揀下花，咁就用左差不多4個鐘
雖然今天下著雨，但心裏仍是感恩
發叔話平時會有十幾人去花場，可能是下雨的關係今天只有我們兩人到花場
亦是這個原因，我們兩人可以好free 咁行來行去任影唔嬲，同埋問發叔問題都易些
發叔的種植心得：

• 淋花時，要直接將水淋於葉片上，可以沖走葉片上的塵，亦可以讓多餘的水份由盆底留出，重覆此動作6次，這樣可以將泥土中的廢物沖走 (可以比喻為人體排泄是同一道理)
• 每星期可施肥一次，施肥的次序為一星期葉肥，一星期花肥 (因有葉才有花，所以要先施葉肥)
• 消毒：發叔教可以用洗潔精作為消毒劑，用一塊葉測試洗潔精的份量是否足夠，因葉面有一層"立"，可以洗潔精令葉面浸透，代表洗潔精的份量足夠 (洗潔精能平衡泥土的酸鹼值)
• 移隨老了的葉片，切忌用剪刀 (因為餘下的枝會較易腐爛) 正確方法是將葉片向左邊大力搖一下，再在右邊大力搖一下，這樣葉片便會掉下
• 分盤：取下葉明，用約4小時將葉片封乾後再插泥種植
• 換泥：泥土要每兩個月更為一次，因為泥土經長時間種植變酸，建議會兩個月更換泥土一次
• 花盤：只適宜用膠盤種植！瓦盤會將肥料吸收，附在盤上的肥料最終會變酸而影響植物的生長
• 氣溫低於14度切勿淋水 (若天文台報告未來天氣會低於14度，雖要早3天前淋定水)