Bourjois Anti-kringen Concealer

今次介紹下一隻高保濕度的遮瑕膏

佢就係Bourjois Anti-kringen Concealer，一d 都唔貴大約$100

我自己個黑眼圈都幾嚴重，所以一定會用遮瑕膏搞搞佢

之前我係用bobbi brown 買左佢之後真係好後悔，貴都不在話下

因為黑眼圈嚴重所以要買一個較深色的corrector，再加一個淺色concealer，再加埋枝掃。bobbi brown 呢set 野都要接近$600，但bobbi brown 真係遮得幾個，但佢個缺點係太太太乾，搽左之後個幾鐘，眼紋就會出現，情況都幾嚴重。

今次呢支Bourjois Anti-kringen Concealer，佢ge 保濕度真係好好，用左咁耐完全唔覺佢會出眼紋，但係佢都有缺點，只係得兩隻色選擇，同埋佢溶得好快，大概只可以keep 到3-4小時，至於遮瑕度方面，大概可以遮到60% (但以單色來計已很滿意)，所以我自己會將佢搽起底，ontop 再溝多一隻淺色d遮瑕膏。至於遮暗瘡印絕對無問題！以價錢及保濕度，個人覺得絕得底用&好用！

BB Laboratories

BB Laboratories呢個牌子可能唔係個個人都認識佢

我係好耐之前睇雜誌介紹過，見到佢個價錢

相信呢個牌子係我暫時用過最貴的護膚品

其實見到呢個牌子之後心思思好想買來試下，但係太太太貴啦，所以忍住先

於上年7月份的時候收到渣打銀行的promotion 可以憑邀請咭換一瓶價值$250 (5ml) 的Collagen extract就係咁我就換左一瓶加上自己又忍唔到手買埋少量其他產品試用。礙於實在係太貴，所以我暫時只係買住的5ml裝來試下先，如果唔好用都無咁肉赤嘛！

可惜產品買左返來都放左半年先至可以有機會用，因為我實在有太多護膚品的存貨，又唔想樣樣都開左嚟用，因為開左要好快變壞同埋會有細菌......

今次主要想試這個品牌的皇牌產品Collagen extract  & Placenta Extract，之後再問個BA 拎左兩包Sample感覺上即時抵晒。

呢包sample 真係好好用，一包可以用到兩次，本來塊面好乾，乾到好崩緊但係一搽左佢之後，塊面崩緊的感覺即時無左，仲感覺到臉好似吸滿水咁...

透明質酸原液水 (Hyalurone Extract Water)$980 (150ml) 真係好好用，又唔笠，比起 Atorrege AD+ 美肌補濕液更為好用，保濕度更加持久，雖然價錢太貴但亦值得推介。

透明質酸‧彈力蛋白‧骨膠原原液 (Hyalurone Elastin Collagen Extract) $1,880 (50ml)
只係得小小的5ml 只足夠一星期使用，第一次用的感覺很好，因為保濕度比想像中高。原液的質地介付水狀與gel 狀之間，塗於面上很快被皮膚吸收！雖然它的保濕度很好，但礙於價錢的問題，我唔會再買囉！

胎盤素原液 (Placenta Extract) $1,880 (50ml)
胎盤素蘊含蛋白質、凝血因子、紅血球生成素、多醣體、卵磷脂、維他命、酵素等 各種氨基酸和生長因子。經醫學實驗証明，使用後肌膚的細胞表現顯得更活躍，肌膚免疫機能力亦顯著提升。
胎盤素原液，是水狀的塗上面後會感覺到面部firm左，同埋好易吸收，所以好快又用完。


胎盤素面膜 (Placenta Mask) $200/pcs，面膜付有很多的精華，面膜質地太厚同埋唔貼面，敷完面膜面部即時飽滿，充滿水份，但係精華質地太杰身，雖然敷完塊面好飽滿水潤，但同時塊面好痴笠！

Q10 Extract (Q10輔酶素) $280 (8ml)

Q10輔酶素是人體不可或缺的物質，在人體每個細胞的粒線體內膜上，刺激粒線體，Q10有助細胞抗氧化、消滅自由基的傷害，對減緩細胞老化，修復受損的膠原纖維有顯著效果。

Pekkle 利是封

估唔到今年pekkle 都有出利是封喎

今日考完試之後搭MTR 咁咪起旺角轉車，但係去到旺角已經22:45

心唸吹水怪都差唔多關門

但又唸咁岩先起旺角咪打電話問佢關門未，好在仲趕得切
去到吹水怪就比左一包利是封我，仲同我講，唔夠貨賣，只可以賣一包比我
今次又扮絕版貨賣晒就無咁喎......仲話sanrio 賣晒，雖然唔知係真定假，但我都無唸住要四圍去搵
自己又無機會派利是一包都夠啦，反正都係收藏
今年包利是封比上年個款靚好多，一包十個都只係$18，未買的fans 就要行快步啦！
買完利是封之後行去小巴站搭小巴，點知比我遇到上次買唔到個個大size 環保袋，係我GE 始終都係要等我帶佢返屋企，其實之前起銅鑼灣d街邊檔見到有得買要$35，明明之前起灣仔都只係$25所以我最後無買到，今日終於都可以用返$25帶佢返屋企lu，可惜只係得粉紅色無黑色款。

同場加映上年個包利是封做對比

之前四圍搵個個大size 環保袋，終於都以$25帶左佢返屋企lu

Pekkle 直身相機袋

呢個相機袋拎左返屋企好耐,我估大家都已經帶左佢返屋企lu

呢個相機袋比之前拉鍊相機袋的質地更好,又夠厚

用佢嚟放相機就最好不過lu

pekkle 八達通咭套

尋日放學後去左旺角整指甲

整完之後當然係去吹水怪到買埋新出的pekkle 暉春及新出的八達通套

今次呢個八達通套無論顏色及造型我都好鐘意 (雖然只係戴左個headphone，但效果好唔同囉)

自從訂造左八達通貼紙之後，八達通套我已經打左佢入冷宮
所以我今次只係買左兩個
其實依家八達通貼紙咁普及都唔知點解sanrio 都唔出返出正版比我地買
或者sanrio 真係後知後覺.....

Employment terminated

今日接近放工時間見到亞姐召見我前面一個同事，見到佢地入左玻璃房

過了5分鐘佢地兩個都出返離，但我見被召見個同事眼紅紅咁

細膽ge 我當然只係遠觀，我唔會問人地咩事，費時人地又再喊

於事我將我所見化為文字msn 話比另一同事知
我初時估佢係收warning 因為佢經常性遲到
而佢就估佢係被炒，我當時仲話新CFO 上任唔係兜人呀?
過左一陣仲見風平浪靜仲以為呢件只係小事
點知我個同事問我8到咩事未，我答佢我無8呀
佢就話我知佢MSN 問左個同事咩事，佢話今日Last day
我個同事知道後好唔開心，而我就無乜特別感覺
但我覺得佢好慘做左都5年比人炒左長期服務金都攞唔到！
同埋我又覺得佢唔抵幫ge 成日公然咁瞓覺，我自己眼瞓都行開下斟下水呌呌
邊可能返工時間瞓，雖然佢瞓到個樣好靚，但係我真係有一次見到亞姐行過望住佢瞓囉，或者呢個先至係今次兜人的真正原因啩！
到放工時間呢個即炒訊息差唔多成個department都已經知道個個都細細聲討論
我自己成日都遲到睇怕下次好大機會係炒我囉！

MAC 138 point face bursh

一直都想買一枝個掃頭超大的碎粉掃，個人懶嘛唸住個掃頭大d 上碎粉會快d 嘛！

其實一路都留意住sephara 枝大碎粉掃，毛ge 質地又好最重要係唔貴嘛

但係當係見到佢係大陸做就開始有點兒唔想買

今日去左sogo 見部 lift 仲有排都未到咪行入去mac 睇下d 掃

有個BA 行埋嚟問我想睇乜，我咪話想買碎粉掃囉

佢帶左我去睇，然後好好好細聲問我，想買平定貴的掃

我見佢咁問都打個突，然後反問返佢乜你地D 掃好貴o家？咁平又幾平貴又幾貴呀？

佢答我最貴係$450，我即時ge 自然反應就話"超"有幾貴呀！等我仲以為你地d掃要幾千蚊一枝！

個ba 話有d 客覺得$300都貴，所以咪要問清楚喎！

講完價錢就係要問我最介意的一樣野，就係枝掃的產地！我問ba 枝掃會唔會係大陸做。個ba 答我除了x'mas brush set 會係大陸做之外，佢地所有的化妝掃都會係日本或者法國做，只視乎佢地生產品邊個國家d 毛質會較好喎！

本來想買個枝mac 134 但無貨，見個ba 係咁話mac 138 pointed face brush 毛質與#134 係相同，但係#138 會比#134更好，因為#138個掃頭係尖，可以掃到眼角下d 細緻位，我唸左一陣買唔買好，最後都決定左買，因為佢個形狀確實係幾特別！

唯有之後再搵過一枝超大掃頭的碎粉掃啦！

Bath & Body Works

今日Yuki無端端送左Bath & Body Works 的Shower Cream & Body Cream 比我

初時見個packing 覺得好靚，但見唔到係咩牌子

再細心細下終於都見到啦，係我好鐘意的 Bath & Body Works 勁開心呀
我好鐘意呢個牌子，因為佢d product 真係好香，而佢ge 香味又唔會太假
話說幾年前舊公司亞姐去完美國旅行，送過一樽shower gel 比我
我就對呢個牌子念念不望，因為佢的香味實在太吸引我
我記得我用晒樽shower gel 想起美國訂返離香港
可惜Bath & Body Works 唔ship 嚟香港，所以我都無再唸過會用到佢
多謝晒！

呢個body cream 我用左嚟搽手，滋潤度keep 得約兩個鐘，同埋洗過幾次手，而佢ge 香味仲以keep 到幾個鐘，如果鐘意香味keep 得耐可以買佢個hand craem，但唔好期望會好滋潤囉！

skinvitals H-Revive Hydrating Moisturizing Softening Masks

Skinvitals是來自澳洲，有面膜專家之稱，全線產品均採用日本先進護膚配方及效果顯著的藥妝成份(Cosmeceutical ingredients)，令你在短時間內得到理想的護膚效果，暢銷歐美多國，銷量No.1的澳洲藥妝品牌。

之前見雜誌介紹過Skinvitals面膜，所以好奇想試下，早陣子知道sephora 都有得買的時候，咁岩又賣晒，所以打消左買這款面膜的念頭。咁岩先聖誕個排約左朋友食飯，個個都玩遲到，搞到我自己起條街度四圍蕩，蕩左去屈臣氏見到呢款面膜減價由原價$79減到$59 (一盒3片)就二話不說拎去付款，精明的我當然拎左張DBS 信用卡出來付款扣減我的cash dollars 嘛，呢盒面膜即時變左免費，全靠我平時精明消費咋！

用後感：面膜cutting 大了少許，面膜的質地很厚，亦算貼面，而取出面膜後袋內還有很多的精華液，因為面膜上有很多精華液，建議可敷耐D。至於滋潤度實屬普通。

Bourjois baby nail

話說我有用開bourjois 產品

早排見佢地開左個指甲部有gel nail service，所以買左一個package

佢就唔算好貴，但又唔係平，平均每次$368，只係包20粒閃石/閃粉/簡單畫花

其實gel nail 起香港都已經泛濫，做到要頂爛市咁，唸住baby nail話晒都係bourjois，應該唔會差得去邊，就係咁就出事啦。一共已做了3次的gel 甲只係得一之係合格

第一次整超失望，只可以用完全係垃圾來形容。加上佢d gel 又甩、黏唔實隻指甲，令我扣牛仔褲扣時好易拉扯到，痛鬼死我！呢d 真係叫貼錢買難受。
真係無唸過做gel 甲要受皮肉之苦。我打去baby nail 講返我整完之後個case ，佢地話之前都收到客人投訴幫我整gel 甲個美甲師，所以免費幫我再做一次，見第二次效果都ok，咁咪繼續做埋個course 去囉，但係第三次整，真係徹底的失望。
話說我係29/12/09晚去整，整得求其都算啦，作為一個美甲師，明知客人個gel 甲係透明唔該拆走之前個gel d 底色整得乾淨d。留返少少色起度真係幾礙眼囉！同埋整得又唔夠貼，雖然係透明長左唔覺眼，但我自己日日望住，好難話唔覺眼囉！

第二日有一隻指甲邊己經開始卜，心唸都忍你，我唔等3星期就去換款，但係到了第四日，我真係忍無可忍，十隻指有五隻都卜，我唯有打電話去問，個in-charge 話會幫我跟返，整返好去。

今日去度個in-chareg 竟然同我講，透明底係咁，洗得手多一定會係咁--->我心唸你又點我呀！仲叫我下次做實色，實色就算卜左都唔覺喎。真係講野唔該用下個腦唸唸先啦，實色如果卜左咪仲明顯，反而係透明先至無咁覺呀！其實係個美甲師求其，加上無乜心機，好明顯睇到個甲邊咁好薄，正常整得平均係唔會有呢個情況！ok 啦你唔幫我整返好去我真係唔會再幫襯你地囉！

呢張相係整完第三日影，好明顯食指&中指側邊開始卜

第四日卜ge 情況再嚴重d

對個美甲師來講或者d顏色油得唔勻係藝術啩！？留返之前指甲少許底色就係想個gel 甲多d 色彩，我完全明白囉

以上兩張係今晚返到屋企即刻再影低去留念啦，個in-charge 話洗得手多係咁，唔駛再整返好去喎！完明白啦咁即係整完gel 甲唔好洗手囉！同埋有問題7日內包整返好去係騙局

由29/12/09 到今日只係第6日就已經變成咁樣，真係點敢再買佢地d package 呀！！！

生地黃瘦肉湯

尋日去剪頭髮&染髮，髮型屋開住部電視播緊亞視一個節目 “藥膳天王”，於是抱住學多d 野的心態睇下講乜。今集主要都係講糖尿病，其實聽個學名就聽得多，至於糖尿病的真正成因，我一直都唔知，好在今日睇左呢個節目，令我又學多左野。

糖尿病的形成：一般由於人體內胰島素分泌不足，至某種程度，導致葡萄糖的正常利用受到影響，使血糖上升，終於由尿中排出體外。而胰島素必須有鉻和鎳這兩種微量元素才可發揮作用，倘若人體內吸收的鉻和鎳不足，胰島素的活動即減少。

見咁耐都無煲過湯，心血來潮又想煲呢款湯試試下甚麼味道，於是就大聲講落街買餸煲湯，估唔到我細佬聽到就話快d 去買啦，佢好想飲湯，就係咁就促成左這煲美味的湯水。

以下的湯水是節目中介紹，既簡單又易煲，平日可作保健之用，亦可以清熱。

生地黃可於藥材鋪購買$3一両

材料：生地黃二両、瘦肉、南瓜、粟米

生地黃：功效清熱涼血，養陰生津。甘寒質潤，苦以泄熱，入心肝肺經，而為涼血滋陰之要藥，實熱、虛熱均可應用，常用於熱入營血，口幹舌絳，壯熱神昏；溫病後期，全熱未盡，陰液已傷，夜熱早涼，舌紅脈數；血熱妄行，斑疹吐衄；津傷口渴，內熱消渴，以及溫熱傷陰，腸燥便秘

南瓜：南瓜（即番瓜）對於糖尿病的療效可以真是數一數二的，長期食用對減輕病情機會特別高

粟米：有健脾開胃及利尿的功效，最好用來化暑濕。中醫稱夏天的濕為暑濕，暑濕會令到人的脾胃停滯，以致消化功能較差，影響營養的吸收。若不及時清除暑濕，有些人的手腳會出現水腫情況，及精神欠佳，常常感到疲倦，所以除了要消暑之外，更要祛濕。

全條粟米各具療效
粟米除了可健脾、開胃、利尿之外，粟米衣、粟米鬚及粟米心亦各有療效。基本上粟米性平和，沒有禁忌 ，男女老少都適用，但陰虛火旺之人則不宜進食爆榖，恐怕會助火傷陰。而用連衣連鬚粟米來煲湯、煲茶，比起單吃粟米粒療效更佳，皆因粟米心有利尿的作用，粟米衣能清熱、解毒，而粟米鬚性平和、味甘淡，除了有利尿、清熱的功效外，更有利膽作用，能促進膽汁排泄，減少膽色素含量，並適合有水腫之人食用。

Bobbi Brown Long-wear gel eyeliner

我一直都用緊bobbi brown 的gel eyeliner，因為佢真係可以keep 到十個鐘都唔會溶

上次約左舊公司d 同事出嚟食飯

佢地見我條眼線咁實色、效果又好於是問我係咩牌子

我咪答佢係bobbi brown gel eyeliner 但係好貴，香港已經加價加到$185，另外枝掃又要成$200

之後有個舊同事話，起英國買好平咋，一set 連掃都折合港幣都唔駛$200，仲話上次佢出trip 去英國好多同事搭佢買，乜原來個效果咁好o家。

但係我個舊同事話佢已經唔會再有機會出trip 去英國，於是我又有少少失望。但係佢最後話佢公司仲有d 同事會去英國，佢話會叫佢個同事幫我地買咁話。

於事大伙兒都話買，我班舊同事仲話我唔識化妝都可以畫到咁好，咁佢地買左實識用喎

事隔兩個月，再約返呢班舊同事出嚟食飯，估唔到答應幫我地買個個同事買己經買左啦。仲話唔係起英國買，係起卓悅買，佢話仲平過起英國買

到收錢時見到個盒的size 咁其怪ge ，似係得兩個eyeliner 唔連枝掃喎，見咁平我自己就無所謂，因為枝掃我都有兩枝lu

返到屋企拆開影相先至發現原來已經連埋枝迷李掃，都只係$248 ，這個set 包兩個eyeliner (分別係黑色 & 淺啡色) 及一枝迷李eyeliner 掃，真係平到你唔信！

迷李掃個掃個大小與長掃是一樣的