公司規定每年的農曆新年 & 聖誕節呢d繁忙日子都要到店鋪工作
對於從來未做過sales的我對這個工作好感興趣
總是覺得於辦工室沉悶的工作增添點點的色彩
但係自從得第一次去了金百利鋪做了一天的售貨員
我真的從討厭這個工作
除了要企足一天之外，客人進入店鋪又要同佢地say hello, bye bye
重點係要好似扮小丑咁，對住客人要經常微笑，諗起都想死
今日係聖誕檔期第一日到店鋪工作，由於地點都幾近加上星期六、日我必定起唔到身，所以起要到達店鋪前10分鐘撲落樓下截的士，好在去到的士站剛剛有一部的士，如果唔係實遲到，點知去鋪頭見到已開門，心諗死啦係唔係我自己記錯左到鋪時間？
入到鋪頭再問下同事，完來只係佢地早了半小時開鋪
今日第一個job係fill 貨，只係將d 衫放入個衣櫃度(個衣櫃係成層樓咁高)
呢個job睇落好簡單，原來放衫都好有技巧，本來我只係要放兩籃衫入方櫃，最後我搞左個半鐘先至放好
真係好慘家，睇落係一件好簡單的工作......但係我開始放d 衫入衣櫃，原來起個櫃d衫跌晒落地(因為件衫連埋個膠袋會滑出離)，個衣櫃有五格，我放d 衫入第三格，第二格d 衫又跣落地，我執返好第二格，第三格d 衫又跣落地，如事者第二格、第三格、第四格、最底個格，不斷係咁跣地，真係執到我滴汗。最係個in-charge見d 衫係咁跣落離最左個男同事幫我，但佢都無乜風度ge ，只係教我應該點放d衫先至唔會跣落地，起我執緊d 衫ge 時候佢起第四格抆佢要賣ge 衫，搞到d 衫跌正起我前面，佢只係比條梯我，我唯有執、執、執。初時個男同事教的方法放衫都幾有用，但過多一會又係咁，執返好第二格，第三格d 衫又跣落地。搞下搞下接近12點完成左第一個job。
fill 完貨無乜野做，有一個sales 同我傾計，問下我邊個department咁啦，佢又真係幾搞笑ge，佢問我係唔係岩岩中學畢業出離做野喎，又話我個樣好細，又話我好可愛，笑得好甜
到12:30左右in-charge 叫我去隔離鋪拎貨，咁我又好開心 (因為唔駛企起鋪扮小丑) 咁由佐敦行去尖沙咀拎貨。
到下午食完飯返到去店鋪又有多一次機會去尖沙咀鋪啦，今次又係去拎貨，可惜去到搵唔個客要個件貨，咁我唯有空手而回。
再過多一陣我又再次有機會又出去今次只係行前一條街，都好過無啦，好過留起鋪頭啦！
其實我落去鋪都係無乜作為，好老實我又唔會sales 人地買野，所以每當有客人行入鋪我就好渴望佢地整亂d 衫，佢地整亂左我咪撲埋去摺返好去，咁我先至無咁悶咋...但摺衫摺得耐腰、肩膀都開始痛，對腳又攰...
到臨放工前5分鐘個副店長叫我起個大衣櫃最高個格拎晒d 衫落離，我唯有自己去拎條梯，呢個動作真的很驚驗，我爬上條梯後，發現條梯唔穩，驚到我即時大叫，因為我己經爬到最高，起我下面個sales 同我講係咁家係唔穩，小心d 就得。
吓公司無同我地買勞工保險，你竟然叫我小心d 就得。我自己唯有爬返落地下。再放好條梯先至再爬上去拎d衫。好在最後有個sales好好人見我做唔慣幫我搞掂左呢個job
最後夠鐘到7:00啦個副店長都無叫我地走，遲左成10mins 放我地。真的好攰明天都要繼續落鋪，希望明天的時間可以快d過啦！
