Pekkle 背心

今日終於都買左呢套pekkle 背心$80，原來見到實物係咁靚ge

不過可惜，今次見征服世界雖然好有誠意，去到見到有好多套存貨起度

但係M碼只係得返display 呢件，想買多套都無
見套衫掛起度好似好細件，但係見到佢放起度原來係好大件
本來想轉要S 碼，但係原來最細個件係M碼
返屋企試過又真係幾大件下，都有唸過係唔係貼左size
吹水怪同我講話下星期會出筆筒、索袋 & meno 紙--->不過唔知係唔係真係下星期呢！

Pekkle 首飾盒

今次又比我bid 到以下的陶瓷。唔知點解近排d 賣家，賣的陶瓷好多都有甩色的情況出現。這個首飾盒$148亦不算廉宜，唉！我自己又偏向喜歡陶瓷類的製品，就咁起個adv 度見到張相又唔係咁嚴重，所以咪bid 左返離，bid 左之後就出事啦！除了甩色之前完來仲崩左少少。

就咁睇呢個首飾盒都幾靚，可惜的是甩左色

上半part 可以用來做杯蓋，現正物色一隻岩size 的杯

交收時發現呢度崩左少少

近睇pekkle 雙目無神，個嘴甩色，條魚原來都甩左色

枝筆有乜用?

我就係用上面枝筆逐點逐點咁點上去，大家睇下係唔係好襯色呢
無唸過這枝筆可以上到色之餘仲唔會甩家

好耐好耐以前sanrio 的logo....

Pekkle 潛水絹布公仔

話說星期二雪藍話我知出左pekkle 公仔，我己經急不及待想去買，奈何要返學又無時間。

所以我搖控左我個pekkle fd 出去買。我怕這個可愛的公仔被我們一班粉絲搶購一空。不過買左都無用，都係要到6月中先至可以帶佢返屋企lu。

見雪藍個blog 度留左征服世界個電話，我打左電話去留貨，然後千叮萬囑我個fd 叫佢唔好行錯路。唔好入左去美寶買。係對正條電梯個間先至可以入去買。

我個fd問我做乜唔幫襯老闆娘，我話我以後都唔幫襯佢呀，等佢有野唔賣比我。我個fd 都認同我話老闆娘又係衰ge，有乜理由有野唔比家。
最後我個fd 自己都買左一隻仲話好得意。咁大隻公仔好抵添呀。我問佢幾多錢呀，佢竟然同我講唔係好記得。唸左一陣之後話好似係$118。邊有人買完之後個一陣都唔記得幾錢。我費事比少錢我個fd，佢又同我講去旺角買野要冒住身命危險先至買到，真係比佢激死！今日下午再問下雪藍confirm 個價錢。就係咁平$118！

Pekkle 頭形杯

以下呢隻杯，其實我都bid 過4次啦，今次終於都擁到lu。

有陣時起度唸，用高價去bid 到亦未必係一件好事

可能到最後都會可以用平價買到，今次只係用左$50就可以帶到佢返屋企
真係好抵，好再前個幾次bid 到差唔多就放棄左......
其實只係呢個杯對我來說是可有可無。所以我先至可以用平價買到
講返隻杯先，有陣時都唔明d 賣家，明明隻杯都唔係全新
有起個bid 度講話100% new，實在太唔誠實啦

Pekkle個嘴多左一粒墨

大家睇下個杯底就會知道我點解話佢唔任全新

因為個紙盒實在係太靚啦，所以影底佢
真係唔係點解以前d 包裝可以咁靚，依家個d 好粗製濫造

孖潤腸嘴pekkle

Pekkle 索袋

wahahaha......我終於都買到個pekkle 索袋啦！

講起呢個索袋真係一肚氣。

事緣星期一去左美寶買pekkle file時間約為6:30pm......
回家後同大家分享我個pekkle file 順便同大家講聲美寶無得賣呢個袋....
點知比我發現唔係美寶無得賣而係佢唔賣比我，當時好嬲.....
到星期三再見到其他blog 友留言話佢都係星期一去美寶係買到嬲上加嬲
之後打電話去嘈美寶，當時接聽個個係老闆 (男個個)
對話如下：
我：我係X小姐，你係唔係有個鴨仔索繩袋賣
老: 咩索繩袋呀，我都比你地問到莫名奇妙
我：鴨仔頭形個個袋呀
老: 我地從來都無賣過
我：無賣過無可能，星期一晚明明有人同你買左一個
老: 星期一....我只係賣左四個鴨仔file 比一個客，之後都無賣過鴨仔啦
我：個個咪係我離囉
老: 我...咁我知你係邊個，你同我買左好多年野嘛，我唔通唔做你生意咩，我真係無呢個貨，如果有都可能係好耐之前
我：無可能，咁人地做乜要話起你個到買，有無意思先
老: 我都唔知d人點解要咁講
我：咁D人中傷你有乜好處先，老闆我幫襯左你成十年，你無理由唔賣比我吖
老: 我點知喎，我真係無得賣，你唔信依家過嚟睇下，反正我開左門，仲話任我點搵都得喎--->真係當我低能，有你都收埋啦！仲同我講喎，只係得PC 狗，再三強調無入過鴨你索袋
我：依家係有兩個人起同一日話起你個度買到，唔通人地夾埋離屈你呀
老: D人真係莫名奇妙，尋日有人話我唔賣比佢又話要報海關，我地真係無賣，怕咩佢恐嚇。仲有一個仲離譜，自己起金都買左對鴨仔結婚公仔，買得好平，拎住對公仔去佢到鬧佢，話佢賣得貴，我真係唔知發生咩事，拎住D翻版野離同佢地講，又話自己從來都無賣過。
我：最後都費是同佢嘈，大話連篇咁
老: 得啦，我入左貨會第一時間通知你，我地打開門口做生意，唔會有貨都唔埋
我：心唸你唔係唔賣，只係揀人離賣姐
本來都無唸住寫出離，見咁岩先又比我買到，都係有感而發，起度要講一句，美寶你好巴閉咩，我都買到啦！你咁GE服務態度好難令我再會返去幫襯你囉！
呢個袋都唔算好貴只係$55。本來都無唸過會買得到，因為美寶唔再賣翻版，其實都無乜途徑係可以買到，但個天對我真係好，咁都比我遇上你