欖角肉鬆炒豆角

出面真係好大浪呀，真係識游水都會淹死

個海嘯來勢洶洶咁，你話死唔死啦！

夠竟個浪幾時先至會靜止，家陣通街唔係艇就係蟹，睇見都心寒

面對這個逆竟

，相信都無乜人有心情去消費

希望可以慳得一蚊得一蚊的情況下

，經濟情況就係咁開始慢慢下滑

而我都唔例外，儘量都唔出街食午餐，務求可以省下午餐的食飯錢
加上又可以慳返d食飯等位時間，做下其他野，真係一舉幾得
近排又鐘意煮下野食，可以將一個午餐的飯錢，用來買餸，仲可以夠晚&午餐
真係好慳呀！

材料：欖菜、免治豬肉、豆角半斤、蒜頭二粒、薑一片
醃料：生抽、生粉、紹興酒、薑汁

做法：
1. 豬肉碎加入醃料醃20分鐘，後加少許水份

2. 豆角洗淨切粒，加入薑片汆水

3. 大火起穫油，肉碎炒至半熟，加入蒜蓉、欖菜炒勻、加入豆角炒勻。

黃耳舞茸響螺湯

秋意漸濃，煲返煲滋補的湯水補下先

之前買落左幾包湯包，現在就大派用場

不過打開左個湯包，見到d材料得咁少真係有少少失望

起初仲唸住點都會有兩朵黃耳

唉.......點知得一大堆黃耳碎，超失望......可能係黃耳較為貴啦！

下次自己去海味鋪買d 靚貨至得！

真係好鍾意煲湯，次次都好滿足、又容易製做，洗乾淨d材料放晒入個煲到煲
去完街食飽飯，返到屋企仲有一碗滋補湯水，真係人生一大樂事！

好啦入正題：
首先介紹一下這煲湯的其中一個材料 - 黃耳
原來黃耳係今大量的膠質，飲左之後皮膚都會靚D
黃耳又稱金耳，不但營養豐富，而且具很高的保健價值，黃耳含有大量
1. 膠質
2. 植物性蛋白質
3. 多糖體
4. 20種氨基酸
黃耳且具下列功能：
1. 提高人體新陳代謝機能，改善身體健康狀況
2. 增加人體血紅蛋白和血漿的含量
3. 增強抗衰老、抗缺氧能力
4. 促進肝臟代謝功能，提高肝臟解毒功能

材料：黃耳、舞茸、南非響螺片、南杏、蓮子、淮山、生薏米、麥棗、西施骨 / 雞

咸蛋蒸肉餅

上星期睇完阿蘇的咸蛋蒸肉餅，每日都唸住佢，好想快d整出離試下，睇下佢係唔係真係好味到咁，所以今日就去買左材料，好努力咁剁，剁到對手幾攰，阿蘇話“肉不剁不成器”如果唔剁就唔會煮。就憑佢這句，我就剁左半個鐘以上，因為我唔係好夠力，唯有剁耐少少！

其實都好難想像我會將咁大塊的肥豬肉放入d肉到一齊剁，以前我一見到有肥肉就“片片片” - 走肥，今次因為左阿穌的咸蛋蒸肉餅我放棄左，加入左少量的肥膏.......

終於都蒸好啦！同之前我整開的肉餅個口感好唔同，之前食開的手剁肉餅，雖然好實，但係肉質彈牙。而阿蘇介紹的做法係有一種入口鬆開的感覺

材料
半肥瘦梅頭、咸蛋
調味料
生抽、老抽、糖、麻油、油、生粉、紹興酒

做法
1. 剁碎豬肉後加入生抽 (要多些)、老抽 (取其顏色)、糖，醃25分鐘
2.加入生粉、少少油、麻油拌勻，然後逐少逐少加水，順時針方向攪拌，直至碎豬肉在碗內攪拌時是變得輕身，臨蒸前加入紹興酒攪勻
3. 預備另一隻闊口扁身碗，先搽油在碗內，再倒入碎豬肉。將咸蛋黃放在碎豬肉上
4. 隔水蒸25分鐘即成。

如果碗向左轉肉餅能向左轉，阿蘇便會很滿意，因為肉餅夠輕身，夠鬆。如果肉餅只是離碗而不會轉，肉餅還未夠輕身，未夠鬆，入口未能溶化。如果肉餅黐碗的，根本不及格，不用提！

Pekkle 2009 Datebook

尋日收到雪藍通知pekkle 出左 2009 Datebook

本來都唸住去美寶到買，但係又費是麻煩，所以最後起屋企樓下買左就算啦。

其實見到佢個實物覺得佢好靚，起間精品店到唸左好耐，買幾多本好呢。見到本Datebook 又唔係好貴都係幾蚊。
但係唸左一陣最後都係買左一本。眼看環球正面臨百年難得一遇的

金融海嘯洗禮、股市 (自己又變大閘蟹

)、樓市亦急速下滑，四圍的公司都裁員、倒閉。雖然金融海嘯仲未嚟到香港，但當金融海嘯靜俏俏的抵步 (大家可以試下回想97年金融風暴時候的景況，今次的金融海嘯比風暴更為嚴重) 而又沒有任何的防禦措施，後果可能不堪設想

。

須然我公司公布左會堅持一個三不政策：其中兩個不係：1. 不裁員 2. 不減薪。真係無唸過我公司會起逆境的時候會安撫員工，起人心惶惶的時候，這是一個鼓舞！
但當全球經濟逆轉的時候，所有的堅持都會因為時間而改變。我唔係唔相信公司，但係事實會勝過一切

。起這個時候，最好都係儲多d錢，以防萬一待業的時候都無須擔心，可以當係一個短暫的休息囉。

所以我唸住後的日子都會儘量少買野，尤其係唔會再用天價去bid pekkle

的產品。雖然

好可愛，但係經濟動盪，股市不穩，唯有用這個方法去儲多d錢。

回想返數個月前開始寫blog 係唸住問雪藍取新興個地址，又真係估唔到會起個blog 度認到咁多blog友，又可以大家分享下大家的pekkle 珍藏，真係好開心呀。而往後我個blog 會多左好多同食物有關的網誌，希望大家唔好忘記我啦

！

 

五香肉丁炒麵

我一直都唔係好識得炒麵，總是覺得炒到麵同餸係分開晒。

今次我都係覺得係一個失敗之作,將d麵放左落個穫到已經變成一團，真係唔知點先至可以炒到佢好靚，我要繼續努加d再試多幾次先至得！

涼拌青瓜

幾年前第一次去"譚仔"食米線，因這個店鋪很出名，所以每次都要久候，才可以一嚐他的麻辣米線，這裏的酸菜&炸醬真係好味得很，配以麻辣的湯底 (另有清湯&酸辣湯底)，確實令我回味。

而這間米線鋪的小吃更是頂呱呱。由其是土匪雞翼 & 涼拌青瓜，真係好好味。
但係個涼伴青瓜實在係太貴啦，所以成日都好想自己試下整離食
早排鍾於都上網搵到個食譜，昨天到街市買餸煲燙時，咁岩又見到一條好新鮮的青瓜，就係咁我就買左條青瓜返離試下整。
這個涼拌青瓜味道都ok好爽&清甜，但仲未及得上譚仔的涼伴青瓜，究竟間鋪的汁液係用什麼材料製作的呢？

材料：青瓜、鎮江香醋、糖、蒜泥、辣椒油
做法：
1. 洗淨清瓜切去頭尾，再磨到有白色泡沫 (據聞係可以去了青瓜的苦味)
2. 切開青瓜，將中間的籽切去
3. 切成條狀，再加入鹽醃 (青瓜會出水，會令青瓜爽d)
4. 倒走多餘的水份，用紙印乾青瓜的水份
5. 調校汁液：加入鎮江香醋及糖攪拌

6. 將青瓜與汁液伴渾

7.  將蒜泥放在青瓜上，將多餘的汁液淋上青瓜上，再將辣椒油淋上

豉椒炒雞球

已經開始煮左餸一段日子

覺得要做一個識得煮餸的媽媽己經係好犀利

而又識得鑽研不同款式，不同配搭，天天新款的媽媽就更犀利

我媽媽來來去去都係個幾款

她見我有咁多款式都大為驚訝

其實煮餸唔難

睇下有無心機，有無耐性去製作

尋日睇 "蘇Good"，蘇師黃都話煮餸有時好講耐性
無耐性好難煮出好味的餸菜
今晚又試左新餸，就係豉椒炒雞球，都係一d簡單的家常餸菜
但係唔知點解我媽媽唔識得煮ge
我唸如果我再煮落去我自己一定會變肥妹 Wahahahahaha......

材料：

雞扒、青椒、洋蔥、蒜茸

調味料：

生抽、生粉、薑汁、紹興酒、李錦記香辣豆豉醬 (貪其方便)
做法：
1. 雞扒解凍後，切件。下生粉、生抽、薑汁、紹興酒醃15分鐘
2. 青椒、洋蔥切好備用
3. 大火起鑊油，下雞球炒至熟後盛起備用
4. 大火起鑊油，下蒜茸&香辣豆豉醬爆香後下洋蔥、青椒炒勻，鑽少少水後蓋上鑊蓋

5. 出蒸氣後，將雞球回鑊即成

Pekkle 2009公仔月暦

之前美寶個老闆娘話會出個公仔月曆

我見又出左坐枱月曆，應該唔會再有公仔月曆

點知今日又比我買到這個公仔月曆，真係好可愛呀

今次美寶終於都有第一手新貨 $78
但係老闆娘話佢落左好多貨都係返得十幾個
各位blog 友快d 去買啦，如果唔係就會好快被掃晒要等啦！
返學小朋友look ，心口又掛住個pekkle 名牌好可愛呀！

每月個張月曆咭就無乜驚喜啦，所以唔出晒12個月

泡菜炒肉片

因為個人比較為食，所以近排開始慢慢學習煮野食
自從高通漲出現後，總是覺得出街食會比自己煮為便宜

但係媽媽鍾意食住家飯菜，仲要係鍾意我煮，咁我咪又抱住玩的心態去煮
點知煮出癮，成日都會唸下d餸菜可以點配搭，點先至會煮得好味又健康....
今日煮左泡菜炒肉片

材料：

泡菜、梅頭肉、蔥、蒜茸

調味料：泡菜醬、生抽、麻油、糖、胡椒粉

猴頭菇響螺花膠湯

今日煲這個係方便湯，因為我買左材料包來煲

所有的材料已經一早配搭好左

唔駛自己唸煲乜好

但係唔知點解，當我用材料包煲完後

總是覺得淡淡的,比起試飲時的濃度相差甚遠

可能係個counter 姨姨用左好多好多的材料，而我只係得一小包吧！

而我自己喜歡花膠湯是較濃，下次我會自己買材料，咁煲湯就會濃些好味些！

材料：
花膠、杞子、猴頭菇、淮山、響螺片、竹絲雞、麥棗

功效：
猴頭茹：補脾益氣，利五臟，助消化。主治腸胃潰瘍及神經衰弱等疾病
花膠：含有豐富的膠質及蛋白質，滋陰養血，對於肺賢虛弱，貧血等都有功效

蒜芯炒雞柳

蒜芯同蒜頭一樣, 都含有抗氧化的蒜素 (allicin)，有助保護細胞，減少自由基 (free radicals) 造成的破壞，把患癌率降低 (資料來自頭條網)

這個餸真係簡單易整，我本來以為炒餸係好困難，原來都唔係GE
以後可以放心多D炒下餸至得

1.雞柳
2.蒜芯

1. 生抽
2. 薑汁
3. 紹興酒

4. 沙爹醬

5. 生粉

1. 將雞柳放於鹽水內解凍 (可以除去雪味)
2. 雞柳用調味料醃30分鐘
3. 蒜芯出水
4. 下油爆炒雞柳，加入蒜芯略炒一會

1. 蒜芯不宜出水太耐, 會影響口感

梅子蒸排骨

今次介紹的方便餸係梅子蒸排骨

我係第一次整這個餸，亦都係第一次食

初時都以為蒸左出嚟只會係酸酸地咁
點知，食第一口，嘩好味到呢.....

真係唔識得形容，我食到停唔到口

本來只係想整比媽媽食，點知最後我自己仲添飯
係咁食呀食。實在太好味啦！

真係無唸過一個咁簡單的蒸排骨會係咁好味

腩排、生粉、生抽、紹興酒、糖、蒜蓉、麵豉醬、酸梅

Pekkle 拉鍊文件網袋

之前收到雪藍的通知出左Pekkle 拉鍊文件網袋

但係美寶一直都未返到貨，所以一直都未買到

唸住去征服世界睇下個樣，但係征服世界都賣晒

今日美寶返左貨啦，各位blog 友未買的話就快d 去掃貨啦
大：$16        細：$12

這款是2006年出的拉鍊網袋，想當年只係賣$10
今年個個細網袋$12，比起2006年貴左20%

這個網袋係2003年的出品，比我用到污jo晒lu
但係這個袋想當年都應該貴貴地，可能係因為有個仿皮pekkle 起度啦！

P.S. 有無港島區的朋友仔須要我幫你地買呀？因為我逢星期四都會搭MTR 去金鐘。如果各位朋友仔須要我幫大家去美寶買的話麻煩留言給我！

Pekkle 小丑相架

近排有一種唔識得形容的失落......

無辦法解釋，亦都唔知點解

連pekkle 都無辦法挽救我這一份的失落
以前唔開心、失落或者若有所失
只要見到一堆pekkle 就會即係開心返
這個相架連埋睡袍、咕o臣一齊買左好耐都無唸住post 出離
點解呢? 係失落......
這個小丑相架想擁有好耐啦，因為造型特別
但係見到又無買，成日都唸住等一排就會減價
點知等極都等唔到佢減價之如，仲一下子消失於各大百貨公司
好在上個月見到e-bay 有得買返仲比起yahoo 平左少少$68 (不過都好似貴左少少)
點解我會拎個相架出離，因為咁岩有張2R的相要徵用佢
咁咪順帶影張相

小丑造型扮相真係好正，我都係第一次見咋！

Pekkle BLOG 友見面篇

之前post 過一篇Pekkle 圍裙出嚟

有幾位blog 友對這條圍裙都有興趣

咁我就去我屋企樓下間店鋪買埋餘下的兩條送比首先留言的blog 友
今日終於都可以約到blog 友小草出嚟，張條半截圍裙送比佢啦
仲同佢起地鐡站傾左一陣，我見小草喜歡煮野食，咁就緊係向佢請教一下煮野食的心得.......
小草好好人，教左我一d我唔識ge 野呀
希望我ge 廚藝可以慢慢進步，多d相同大家分享下.......
小草好好人送左以下的pekkle禮物給我！

這個襟章是她DIY 真係好靚，又有心思

另外一份是Pekkle 禮物袋，佢真係好好，之前我起個blog 度講話sogo 有得買，因為我怕整"抄"，所以之前無買到。但係我話完比佢知就比佢掃晒，之後小草再見到有得買，但係我再無去過sogo。今日出嚟見面，小草將個禮物袋送左比我呀！好開心.......
小草多謝妳送給我的禮物，好開心認識到妳！

木瓜西施骨湯

好幾個星期都無出動煲湯

媽媽又嘈話這話那.........

又係時候出動

今次介紹的湯水都係對個胃好
唔講真係唔知原來木瓜係可以健脾養胃，d 人成日都話木瓜可以豐胸
咁依家咪一舉兩得囉

原來一個咁大隻的木瓜好難控制去刨皮，原來眼見好易做的準備，係咁辛苦
一直以來都辛苦了媽媽啦，但係現在辛苦了 小win win.........

材料： 木瓜	1個
西施骨	半斤
赤小豆	2両
生薏米	2両
鱆魚	1隻

功效：
木瓜：健脾養胃，疏肌袪濕。
赤小豆：除濕利水，排毒消滯。
生薏米健脾袪濕，益肺清熱。
鱆魚：益氣養血，養顏健身，榮養五臟。